Abian da musikaren sektorea babestea helburu duen Musicaire deialdia

Partekatu

Musikaren sektorea COVID-19aren krisitik irtetzen laguntzeko helburua duen MusicAIRE proiektuak ekimen ezberdinak babestea du helburu: Europa mailan sektorearen berpizte jasangarri, digital eta erresilientea.

690.000 euroko aurrekontuarekin, 18 proiektu inguru babestuko dituen eta martxoaren 28an itxiko den lehendabiziko deialdia irekita dago.

Nork parte hartu dezake?

Europar Batasuneko 27 estatu kideetako batean edo Creative Europe Programan parte hartzen duten EBko ez diren herrialdeetako batean ezarritako nortasun juridikoa duten erakunde publiko zein pribatuak.

Lagunduko diren proiektu motak

Susperraldi berdea: krisi klimatikoa da gaur egun munduak duen erronka nagusietako bat. MusicAIREk ingurumena babesteko bultzatuko diren proiektu jasangarriak babestuko ditu.

Berreskuratze digitala: digitalizazioak eraikitako testuingurura egokitutako proposamenak bilatuko dira  (sorkuntza, hezkuntza eta prestakuntza, ekoizpena, sustapena, banaketa, ikus-entzunezkoak, parte-hartzea, kontsumoa, formatu berriak garatu eta sortzeko erramintak, etab.). Arreta berezia jarriko zaie erantzukizun digitalari eta alderdi etikoei.

Erresilientzia: Covid-19ak eragindako murrizketen ondorioz eragile kulturalek jasandako galerak laguntzeko proposamenak. Besteak beste, sortzaileen eta musikako profesionalen lan-baldintzak hobetzeko ekimenak.

MusicAIREk musikaren ekosistema berreskuratzen lagunduko dituzten jarduerak bultzatuko ditu: formakuntzak, ikerketak, berrikuntzarako erramintak, sektorea babesteko ekimenak, negozio ereduen estrategiak, praktika eta politika onen ereduen bilketa, etab.

Diru-laguntza motak

Hiru laguntza mota eskainiko dira:

Micro-ak – 15.000 euro

Txikiak – 30.000 euro

Ertainak – 55.000 euro

Gehienez proiektuen %90a lagunduko da.

Deialdi honi buruzko informazio zehatza esteka honetan aurkituko duzu.

Partekatu

Hauek ere interesatuko zaizkizu


Página web financiada por la Unión Europea - NextGenerationEUEuropar Batasuna - NextGenerationEU-k finantzatutako webguneaWebsite funded by the European Union - NextGenerationEUSite financé par l'Union européenne - NextGenerationEU