BASQUE. MUSIC. EGITASMOAK BERE ESTRATEGIA ETA WEBGUNEA AURKEZTU DITU VIC-EN EGITEN ARI DEN MERCAT DE MÚSICA VIVA DE VIC AZOKAN
Partekatu
BASQUE. MUSIC. egitasmoak bere estrategia eta webgunea aurkeztu ditu Kataluniako Vic-en egiten ari den Mercat de Música Viva azoka profesionalean. Bertan, musika-industriako sektore guztiak biltzen dira, eta aurten irailaren 15etik 18ra egingo da. Basquemusic.eus webgune berriaren bitartez, BASQUE. MUSIC.-ek munduan zehar zabaldu nahi ditu euskal musikaren eszena eta euskal musikaren sarean lan egiten duten profesionalak, eta haren helburua izanik urtean zehar nazioartean antolatzen diren musika azoka profesionaletako parte hartzeak sendotzea, edukiak ingelesez dira. Erakusleiho modura funtzionatzen duen plataforman, nazioartean lan egiten duten euskal artistak aurkitu daitezke: batetik, azken urteetan Etxepare Euskal Institutuak bultzatutako nazioarteko dirulaguntzak jaso dituztenak; eta, bestetik, nazioarteko musika azoka profesionaletan parte hartu dutenak. Webgune bizia da, eta musikaren euskal profesionalek osatutako sarea erakusteaz gain, nazioartean lan egiten duten artisten eta profesionalen profilak aldiro eguneratzeko aukera ere badu.
Vic-en egin den ekitaldi berean Bartzelonako Euskal Etxeko ordezkariek bestalde 2021ko EH SONA jaialdiaren egitaraua aurreratu dute. Bertan, Olatz Salvador, Nogen, Bulego eta Huntzak parte hartuko dute. Datorren asteetan iragarriko da programazio osoa.
BASQUE. MUSIC. Eusko Jaurlaritzak, Etxepare Euskal Institutuak eta Musika Bulegoak osatutako egitasmoa da eta euskal musika munduan zehar zabaltzea du helburu. Urtean zehar nazioarteko musikaren azoka profesional ezberdinetan parte hartzen du kontzertuak antolatu, profesionalen arteko topaketak bultzatu, eta akordio ezberdinak gauzatuz. Beraz, webgune berri honi esker, egitasmoak aurrerapauso bat eman du euskal musikaren nazioarteko zabalkundeari dagokionez. Era berean, BASQUE. MUSIC. BASQUE. marka-egitasmoaren parte da, nazioartean euskal kultura eta sorkuntzaren, eta bertako kultura eta sormen industrien ikusgarritasuna handitzea; euskara eta euskal kultura eta sorkuntzaren erakusleiho izatea; eta beste herrialde eta kulturekin eremu kultural eta akademikoan harreman iraunkorrak eraikitzeko gailu izatea helburu duena.
Udazkenean, Bime Pro, Womex, Fira Trovam eta Monkey Week-en
2021eko ekainean BASQUE. MUSIC. egitasmoak PRIMAVERA PRO azokan parte hartu zuen Aitor Etxebarria eta Sara Zozayaren kontzertuekin. Irailean Mercat de Música Viva de Vic azokan izan da Lumi eta La Basu taldearekin. Datozen hilabeteetan BIME PRO, WOMEX, Fira TROVAM eta MONKEY WEEK azoka profesionaletan ere parte hartuko du.
Udazkenari dagokionez Zetak, Xabi Aburruzaga, Liher eta Olatz Salvadorrek Artistas en Ruta zikloan ere parte hartuko dute. Gainera, Etxepare Euskal Institutuak Fira Manresarekin duen akordioari esker Amorantek kontzertua eskainiko du herrialde katalanetan antolatuko den azokan. Eta Trio Zukan ganbera taldeak Quebec-en kontzertua eskainiko du `Saison Québec Pays Basque´ egitasmoaren baitan.
Partekatu
Hauek ere interesatuko zaizkizu
2024/04/08MB Nazioartekotzea,Berriak,Nazioartekotzea
Izaro BIME Bogotan, BASQUE. MUSIC.-en eskutik
BIME Bogota azokaren hurrengo edizioa 2024ko maiatzaren 8tik 11ra egingo da. Izarok BASQUE. MUSIC. plataformak antolatutako showcase-ean parte hartuko du. Musika Industriaren Nazioarteko BIME…
2024/01/16Deialdia,MB NazioartekotzeaDeialdia amaitu da
MMVV-en 36. edizioan parte hartzeko deialdia ireki dute
Mercat de Música Viva de Vic azoka profesionalaren 36. edizioa irailaren 18tik 21era egingo dute. Proposamenak aurkezteko deialdia irekita dago eta martxoaren 31an amaituko da. Horretarako orrialde…
Hiru euskal talde Hego Afrikako ISCM Jaialdian
Azaroaren 24tik abenduaren 4ra, Hego Afrikako Johannesburgon eta Lurmutur Hirian, musika garaikidearentzako ekitaldi historiko bat ospatuko da: ISCMren (International Society for Contemporary Music)…
BIME Bogotá izango da Basque. Music.-en hurrengo geltokia
Colombiako hiriburuan BIME Bogotá azokaren bigarren edizioa ospatuko da datorren maiatzaren 3tik 6ra. Ekimenen artean, Oreka TX taldeak Basque. Music. plataformak antolatutako showcase-ean parte…
Basque. Music. Westway LAB jaialdian: Euskal Herriko artista eta taldeei zuzendutako deialdia
Guimarães-en (Portugal) egiten den Westway LAB azoka profesionalean kontzertua eskaini nahi duzu? Basque. Music.-ek euskal talde edo bakarlari batek apirilaren 12tik 15era egingo den Westway LAB…