Jazza eta organo-musika “Adi Gure Musikari, adi” neguko kanpainaren barruan

Gin Tonic Jazz eta Yon Pietri bihar, ostirala, arituko dira Euskal Herriko Musika Bulegoak sustatutako programaren barruan

Gin Tonic Jazz bihar, ostirala, 18:00etan, arituko da Bilboko Udal Musika Eskolan, “Adi Gure Musikari, adi” neguko kanpainaren barruan. Bestalde, Yon Pietri musikariak Arrasateko San Juan Bautista parrokian jardungo du. Hori ere bihar izango da, 20:15etik aurrera.

Kanpainak Euskal Herriko musikaren kalitatea eta dibertsitatea ezagutzera eman nahi du, hainbat formaturen bitartez. Kontzertu didaktikoak, solasaldi musikatuak, hitzaldiak, mahai-inguruak, lantegiak, hezteko eta jolasteko musika-jarduerak, etab. Horiek guztiak askotariko publikoari zuzenduta egongo dira.

“Musika Modernoa Lantzen” izenburupean, Gin Tonic Jazzek musika ezagun bat hartzen du abiapuntutzat eta pixkanaka, aldaketak egiten joango da, bertaratuak sormen-prozesutik sortzen den musika-lanaz jabetzeko. Hori guztia oso modu dibertigarrian eta zuzenean egingo dute, musika-tresna bakoitzaren estiloa, inprobisazioa eta eginkizuna jorratuz.

Yon Pietrik Gabon kantetan organo-musikak duen eragina aztertuko du.

Prestakuntza, sentsibilitate eta estilo desberdinetako musikariek eta konpositoreek euskal musikaren inguruko beren ikuspegia eta lanak azalduko dituzte esparru bakar batean, 2015eko “Adi Gure Musikari, adi” Neguko Kanpainan. Aurten ere, Euskal Herriko Musika Bulegoak sustatutako jarduerez gozatu ahal izango dugu Euskal Herriko zenbait kultura-eremutan, abenduan eta urtarrilean zehar.