Musikagileak ISCMren World New Music Days jaialdian
Partekatu
Azaroaren 2tik 8ra bitartean eta hirugarren urtez jarraian, ISCMk (Musika Garaikidearen Nazioarteko Elkarteak) antolatutako musika garaikidearen egutegiko ekitaldi nagusietako batean izan da Musikagileak: World New Music Days jaialdian. Aurtengoan, Kanadako Vancouver hirian izan da. ISCMk kontinente guztietako 50 herrialdetako 60 elkarte biltzen ditu gaur egun. 1922an sortu zen, musika garaikidearen azken joerak eta herrialdeen arteko trukea eta lankidetza sustatzeko helburuz. Eginkizun horretarako tresna nagusia, World New Music Days jaialdia da hain zuzen, eta urtero egiten da. Programa ISCMko kideek prestatzen dute, eta, aurtengoan, Hernaniko konpositore bat, Iñaki Estrada, izan da Euskal Herriko musika berriaren ordezkaria.
Musikagileak-ek bidalitako sei proposamenen artean, Estradaren “Astiro” izeneko obra aukeratu zuen kanadar epaimahaiak. Instrumentu-talde batentzako obra da, eta Kanadako talde espezializaturik onenetako batek jo zuen: Montreal Contemporary Ensemblek. Abenduaren 6ko iluntzean izan zen kontzertua, Vancouverreko Roundhouseko entzunaretoan, eta agortu egin ziren sarrera guztiak. Estradaren obrak oso harrera ona lortu zuen. Hala, “Astiro” berriz ere jotzeko proposamenak heldu dira Finlandiatik eta New Yorketik, eta, aste batzuk geroago, Montreal Contemporary Ensemblek ere bere programazio propioan sartzea erabaki du. Estradari beste partitura batzuk eskatu dizkio Montrealeko taldearen zuzendariak, Véronique Lacroixek, eta beste euskal konpositore batzuen obra ezagutzeko interesa ere agertu du.
Jaialdi horretan ez ezik, ISCMren Batzar Nagusian ere hartu zuen parte Musikagileak-ek. Behin-behineko batzarra izan zen hura, laster (2018ko apirilean) beste batzar bat egingo baitu Pekinen. Bertan erabakiko dute, besteak beste, zer herrialdetan izango den World New Music Days jaialdia 2022an, ISCMren mendeurrena beteko den urtean, hain justu. ISCMren estatutu berrietako alderdi batzuk berrikusi zituzten Vancouverreko batzarrean, eta 2016ko ekitaldiko kontuak eta ordainsariak onartu. Erakundeak Holandatik Austriara eramango du bere egoitza laster.
Partekatu
Hauek ere interesatuko zaizkizu
2024/04/08Nazioartekotzea,MB Nazioartekotzea,Berriak
Izaro BIME Bogotan, BASQUE. MUSIC.-en eskutik
BIME Bogota azokaren hurrengo edizioa 2024ko maiatzaren 8tik 11ra egingo da. Izarok BASQUE. MUSIC. plataformak antolatutako showcase-ean parte hartuko du. Musika Industriaren Nazioarteko BIME…
2024/01/16MB Nazioartekotzea,DeialdiaDeialdia amaitu da
MMVV-en 36. edizioan parte hartzeko deialdia ireki dute
Mercat de Música Viva de Vic azoka profesionalaren 36. edizioa irailaren 18tik 21era egingo dute. Proposamenak aurkezteko deialdia irekita dago eta martxoaren 31an amaituko da. Horretarako orrialde…
Hiru euskal talde Hego Afrikako ISCM Jaialdian
Azaroaren 24tik abenduaren 4ra, Hego Afrikako Johannesburgon eta Lurmutur Hirian, musika garaikidearentzako ekitaldi historiko bat ospatuko da: ISCMren (International Society for Contemporary Music)…
BIME Bogotá izango da Basque. Music.-en hurrengo geltokia
Colombiako hiriburuan BIME Bogotá azokaren bigarren edizioa ospatuko da datorren maiatzaren 3tik 6ra. Ekimenen artean, Oreka TX taldeak Basque. Music. plataformak antolatutako showcase-ean parte…
Basque. Music. Westway LAB jaialdian: Euskal Herriko artista eta taldeei zuzendutako deialdia
Guimarães-en (Portugal) egiten den Westway LAB azoka profesionalean kontzertua eskaini nahi duzu? Basque. Music.-ek euskal talde edo bakarlari batek apirilaren 12tik 15era egingo den Westway LAB…