RTZ Kolektiboa, Iparhots egonaldi artistikoan

EKEk, Atabal aretoak, Kulturaz Kultur Kooperatibak eta Musika Bulegoak antolatzen duten Iparhots egonaldi artistikoaren programan parte hartzeko aukeratua izan da RTZ Kolektiboa. Baionako taldeak, 2023an Ekhi Lambertek burutu zuen egonaldiarekin hasi zen sormena lantzeko ekimen honen bigarren edizioan parte hartuko du.

Elkarlan honen helburua musikariei, sortzaileei eta Ipar Euskal Herriko musika eragileei proiektu berriak sortzeko eta lantzeko espazioa, baliabideak eta laguntza eskaintzea da.

Bi zatitan banatutako egonaldiak bi eguneko lan saioak izango ditu, eta Atabal aretoan (Biarritz) eta Dinamoa sormen gunean (Azpeitia) burutuko da.

Dinamoa sormen guneko egonaldia urriaren 26an eta 27an egingo da. Atabal aretoko egonaldia urriaren 28an eta 29an.

RTZ Kolektiboa

RTZ Kolek!boa 2021ean Baionako Zizpa gaztetxean sortu den rap taldea da. Lehen urteetan, eskoletan, elkarteetan eta San Espiritu auzoan rap tailerrak eman eta gero, RTZ kolek!boak azkar plazaratu eta defendatu ditu bere lanak eszena gainean baita hainbat ekitalditan (Se loger au pays / Herrian bizi , Zuper festa, Korrika, EHZ, etab…).

Gaur egun, hausnarketa baten ondo!k, rap tailerrari bukaera eman zaio eta kideek Konkista izeneko EP-a sortzeari erabat buru-belarri aritzea erabaki dute. RTZ Kolek!boa Studio percep!on (Angelu) eta Alkimia produkzioa (Hendaia) ekoiztetxeekin elkarlanean ari da. Horrez gain, bere komunikaziorako (argazkiak, bideoak, sare sozialak), Amphibie studio (Hendaia) izeneko enpresarekin ari da lanean RTZ.

Lehen proiektu honetarako, lau raplariek osatzen dute kolek!boa: Petri, Oph, Frel Asiat, TLM. Bestalde, EP-a osatzen duten kantu guz!ak DJ Wall-ek ekoiztu ditu (Studio perce!on). Azkenik, RTZk, oro har, euskaraz idazten du Trap, Drill eta Boombap instrumentaletan.