Hamar egunetan zehar, Hego Afrikako bi hiriek mundu osotik etorritako musika garaikideko konpositoreak eta interprete ospetsuak agurtuko dituzte. Ia 30 kontzertutan zehar, egungo sorkuntza berriaren, ISCMren errepertorio historikoaren eta Afrikako musika klasiko-garaikidearen erakusgune izango da; azken hau, oso ezezaguna Afrikatik kanpo, presentzia nabarmena izango du egitarauan. Jaialdiaren zuzendaritza artistikoa Lukas Ligeti konpositore eta perkusionistaren esku egon da. György Ligetiren semea da, XX. mendeko konpositore handienetako bat (bere musika, adibidez, Stanley Kubricken El resplandor edo 2001 filmetako soinu-bandetan entzun daiteke).

Musika Bulegoa 2016tik ISCMko kide da eta Musikagileak, Euskal Herriko Konpositoreen Elkartearekin batera joaten da urtero jaialdi ibiltari honetara (azken edizioak Zeelanda Berrian, Estonian, Txinan eta Kanadan ospatu da). Aurten, Musika Bulegoak hiru euskal talderen partehartzea kudeatu du: Akartia Hirukotea, Casado-Croccolino Bikotea eta Oreka TX. Parte hartzen lehena Roberto Casado txirulariak eta Francesca Croccolino pianistak osatzen duten bikotea izango da. Azaroaren 27an, astelehena, Johannesburgoko Unibertsitateko auditorioan arituko dira, Justinian Tamusuza (Uganda), Fred Onovwerosuoke (Nigeria), Bongani Ndodana-Breen (Hego Afrika) edo J.H. Kwabena Nketia (Ghana) bezalako konpositore afrikarrei eskainiko dieten programa batekin. Bikotearen bakarkako errezitaldiaren ondoren, Roberto Casado txirulariak jaialdiko beste kontzertu batzuetan parte hartuko du, bai Johannesburgon bai Lurmutur Hirian, mundu osotik etorritako beste musikariekin elkarlanean jaialdirako propio sortutako hainbat musika-taldetan.

Akartia Hirukoteak Gasteizen du egoitza, eta Stefanie Knorr sopranoak, Naiara de la Puente akordeoi-jotzaileak eta Iñigo Setuain saxofoi-jotzaileak osatzen dute. Hiru musikari gazteak abenduaren 1etik 3ra bitartean Lurmutur Hirian zehar izango diren hainbat kontzertuetan arituko dira, bai hirukotean, beste musikariekin batera edo bakarlari modura, Youngblood Gallery, Norval Foundation edo Ian Burgess-Simpson Studio bezalako agertokietan.

Azkenik, eta Lukas Ligetik espresuki eskatuta, Mikel Ugarte eta Harkaitz Martinez de San Vicentek osatutako Oreka TX txalapartari bikotea joango da Hego Afrikara. Emanaldi bikoitza eskainiko dute abenduaren 2an Lurmutur Hirian: 12:00etan, Victoria & Albert Waterfront aire zabaleko espazioan, txalaparta kontzertua eskainiko dute, euskal folklorearen instrumentu paradigmatiko honen aukerak erakutsiz; eta, arratsaldean, 19:30ean, Norval Foundation-en, erroko musiken beste interprete batzuekin partekatuko dute agertokia: Ernesto Martínez mexikarra eta Bisaso Albert Ssempeke eta James Isarbiye ugandarrak, egun batzuk lehenagotik elkarrekin prestatzen egongo diren sorkuntza-lanaren fruituak erakusteko.

Euskal Herriko 7 euskal musikarien presentziarekin batera, gaur egungo euskal musika ere entzun ahal izango da Hego Afrikan. 2023ko ISCMren deialdi ofizialean hautatutako euskal musika-lana Teresa Catalanen Larrazpileko jentilen trikuharritik izan zen. Partitura 2019an estreinatu zen Donostiako Musika Hamabostaldian, eta abenduaren 1ean ikusiko du bere nazioarteko aurkezpena Lurmutur Hiriko Youngblood Galleryn, David Bester biolin-jotzailearen, Aristide du Plessis biolontxelo-jotzailearen eta Nina Schumann pianistaren eskutik. Catalanen obraz gain, Casado-Croccolino Bikotearen eta Akartia Hirukotearen emanaldietan ere euskal musikako hainbat orrialde entzungo dira.

Euskal musikarien ordezkaritza zabal honekin batera, Musika Bulegoak ISCMren Biltzar Nagusian parte hartuko du. Jaialdiarekin batera egingo da 4 egunez, eta bertan erabakiko dira musika garaikidearen aldeko elkarte honek datozen urteetan jarraituko dituen jardun-ildoak.

La entrada Hiru euskal talde Hego Afrikako ISCM Jaialdian se publicó primero en Musika Bulegoa.

Horri esker, saritutako taldeak Kultura Liveko bazkide den aretoren batean jotzeko aukera du. Oraingo honetan, Marban taldeak bi kontzertu eskainiko ditu. Lehenengoa Bilboko Kafe Antzokian 2023ko abenduaren 5ean 22:00etan eta bigarrena Arabako hiriburuko Hell Dorado aretoan 2023ko abenduaren 23an 21:30ean.

Marban

Marbanen post-punkaren zutabeak “Magna Moralia” (autoproduzitua, 2020) filmarekin lotzen dira, Garai Klasikoko narratiba eta gizarte-nahigabea uztartuz. Bere soinu iluna mantu gotiko txiki eta hizkuntza paregabe baten azpian garatu ondoren, Marbanek orain nostalgiari eta minari begiratzen die, baina baita onarpenari eta itxaropenari ere. “Una Daga” eta “Ojalá muera en sus brazos” dira Marmol bere etorkizuneko diskoaren lehen aurrerapena.

MARMOL, Marbanen lehen LP-a, oso sinbologia zehatz baten inguruko disko kontzeptual gisa aurkezten da, non Marbanek bere post-punka eta Aro Klasikoan oinarritutako lengoaia garatzen jarraitzen duen, baina motibo gotiko eta barrokoak ere aipatuz.

La entrada Marban taldeak Bilbon eta Gasteizen kontzertu bana eskainiko ditu Villa Sound Bilbao Musika Bulegoa 2023 sariari esker se publicó primero en Musika Bulegoa.

La entrada Fira Mediterrània 2024 azokan parte hartzeko deialdia zabalik se publicó primero en Musika Bulegoa.

Jardunaldi honen helburu nagusia musika-industriaren sektoreko enpresei lan-ingurune bidezkoagoa eta inklusiboagoa bermatzeko tresnak, ezagutzak eta estrategiak eskaintzea da. Topaketan funtsezko gaiak jorratuko dira, hala nola sexu-jazarpenaren eta jazarpen sexistaren aurkako protokoloak, antolaketa-aldaketak genero-ikuspegiarekin inplementatzea eta komunikazio inklusiboagoa sustatzea. Tailer praktikoen eta eztabaida irekien bidez, parte hartzen duten enpresek arlo horietako praktikak ezagutu, partekatu eta egokitzeko aukera izango dute, eta, horrela, aldaketa positiboa eta iraunkorra sustatuko dute beren erakunde eta enpresetan.

EGITARAUA:

9:00 – 9:15: Harrera eta ongietorria (Musika Bulegoa)

9:15 – 10:00: Sarrera (Musika Bulegoa / Errotik koop.)

• Ongietorria eta helburuen aurkezpena.
• Berdintasunak musika industriaren sektorean duen garrantzia

10:00 – 11:30: Aldibereko tailerrak – Lehen txanda

• tailerra: Jazarpen sexual eta sexistaren protokoloak: Ester Escudero Espinalt.

• 2. tailerra: Antolakuntza-aldaketak genero ikuspegiarekin. Aida de la Calle González
• 3. tailerra: Komunikazio inklusiboa. Pablo R. Castilla Weeber

11:30 – 12:00: Kafe etenaldia

12:00 – 13:30: Aldibereko tailerrak – Bigarren txanda

• tailerra: Jazarpen sexual eta sexistaren protokoloak: Ester Escudero Espinalt.

• 2. tailerra: Antolakuntza-aldaketak genero ikuspegiarekin. Aida de la Calle González
• 3. tailerra: Komunikazio inklusiboa. Pablo R. Castilla Weeber

13:30 – 14:00: Formakuntzaren laburpena eta agurra

• Tailer bakoitzeko moderatzaileen aurkezpen laburrak eta ikasitakoari buruz eztabaidatu.
• Galdera-erantzunen saioa.
• Konpromezuak eta hurrengo urratsak.
• Eskerrak eman eta agurra.

HIZLARIAK:

Ester Escudero Espinalt: Gizarte Lana eta Gizarte Hezkuntzan diplomatua, Emakumeen aurkako Indarkerian Esku Hartzeari buruzko Master Ofiziala eta Nazioarteko Aipamena duen Gizarte eta Giza Zientzietan doktorea (Deustuko Unibertsitatea). Errotik Kooperatiba Feministako bazkidea da, eta 10 urte baino gehiagoko esperientzia du aukera-berdintasunerako politika publikoetan eta indarkeria matxistako kasuen koordinazioan eta esku-hartzean espezializatutako genero-arloko irakasle, ikertzaile eta aholkularitzan.

Aida de la Calle González: Soziologian lizentziatua, Emakumeen aurkako indarkerian esku hartzeko master ofiziala. Errotik Kooperatiba Feministako bazkidea da, eta 10 urtetik gorako esperientzia du aukera-berdintasunerako eta indarkeria matxistaren prebentziorako politika publikoetan espezializatutako genero-arloko prestatzaile, ikertzaile eta aholkulari gisa.

Pablo R. Castilla Weeber: Pedagogian lizentziatua, Migrazioetako Master Ofiziala: Migrazio-prozesuen ezagutza eta kudeaketa. Errotik Kooperatiba Feministako bazkidea da, eta 10 urtetik gorako esperientzia du garapenerako eta sexu- eta genero-aniztasunerako hezkuntza-proiektuen kudeaketan teknikari gisa.

Formakuntzan interesa baduzu, eman izena galdetegi hau betez azaroaren 10a baino lehen.

La entrada Genero-berdintasuna musikaren sektorean irudikatzen se publicó primero en Musika Bulegoa.

La entrada LIVEMXek proposamenak aurkezteko lehen deialdia ireki du se publicó primero en Musika Bulegoa.

Marina Landa ikertzaile, musikari eta kultur kudeatzaileak gidatuko duen solasaldian Guillem Arnedok (Unión de Músicos) eta Manuel López-ek (Sympathy for the Lawyer) parte hartuko dute.

La entrada ‘Artistaren Estatutua Ezartzeko Erronkak’ mahai-ingurua BIMEn se publicó primero en Musika Bulegoa.

Hauek dira bi jardunaldien informazioa:

10: 00etan, PRO 3 aretoan (0C aretoa) Zuzeneko musika eta jasangarritasuna Europan: ekintza eta aukerak!

Topaketa honetan Simone Dudt (European Music Council), Audrey Guerrek (Live DMA) eta Erica Romerok (Rocknrolla producciones) parte hartuko dute eta Arkaitz Villar (Musika Bulegoa, Kultura Live) izango da moderatzailea.

10:55etan, eta aretoa beren, Zuzeneko musika eta bizilagunen kexak: zer irtenbide?

Audrey Guerrek (Live DMA) gidatuko duen mahai-inguru honetan, Elda Gómez (ACCES) eta Lluis Torrents (Razzmatazz, ASSAC) arituko dira eta AGI SON elkartearen lana erakutsiko da.

Bi mahai-inguru hauek Musika Bulegoak duen formakuntza programaren baitan aurkitzen dira eta Live DMA, Kultura Live eta BIMErekin elkarlanean antolatu dira.

La entrada Kontzertu aretoei zuzendutako jardunaldia, BIME PROn se publicó primero en Musika Bulegoa.

Maitena Salinas kazetari eta coaching eta mentoring adituak iaz emandako prestakuntza pilotu arrakastatsuaren ondoren, bertsio are osoagoa eta zure beharretara egokituagoa dagoena ateratzen du BDCCk.

Zerbitzu aurreratu hau azaroan eta abenduan garatuko da eta formatu hibridoan burutuko da. Taldeko ariketak ere izango ditu, dinamika kolektibo batek parte-hartzaileen arteko lankidetza eta networking-a errazten eta bermatzen baititu.

Plaza kopurua mugatua da, gorde orain zurea!

BDCC Zerbitzu Aurreratua – “Kultura eta Sormen Industrietarako komunikazio tailerra, negozioko pitch-a sortu eta defendatzeko”

Hasiera-data: azaroaren 13a, astelehena

Ordutegia: 15:00etatik 18:30etara

Irakaslea: Maitena Salinas

Lekua: BDCC-ren egoitza, Uribitarte pasealekua 3, 3. solairua, Bilbao 48001 (Bizkaia)

Prezioa: 112 euro (BEZa barne)

PROGRAMA

• 1. saioa: Aurrez aurrekoa (azaroaren 13an, astelehena).
• 2. saioa: Online (azaroaren 20an, astelehena).
• 3. saioa: Aurrez aurrekoa (azaroaren 27an, astelehena)
• 4. saioa: Aurrez aurrekoa (abenduaren 4an, astelehena)

Gainera, parte-hartzaile bakoitzak tutoretzako 2 ordu (online) izango ditu, ikastaroan zehar eskatu ahal izango direnak.

Informazio gehiago:

info@basquedcc.eus

627 671 552

La entrada BDCC: Negozioko Pitch-a sortu eta defendatzeko komunikazio-tailerra se publicó primero en Musika Bulegoa.

Jardunaldi honek, 2023an Bizkaiko Foru Aldundiak abiatu dituen pizgarri fiskalek eskaintzen dituzten aukera berriak izango ditu ardatz. Inbertsoreek zuzeneko musikaren ekoizpeneko gastuak erosi eta horren ondorioz onura fiskalak izateak ate berri bat ireki dio zuzeneko musikari, baina non daude inbertsore hauek? Nola saldu dezaket nire ekoizpenen gastua? Nola kudeatu behar dut tramitazio guztia?

Galdera hauei erantzuteko helburuarekin, Musika Bulegoak eta MIEk saio informatibo hau antolatu dute. Hauek izango dira jardunaldi honetako parte hartzaileak: Juan Sebastián Sanz Buerba, Bizkaiko Ogasun Publikoko Saileko Koordinazioko eta Laguntza Teknikoko zuzendariordea; Marta Mendinueta Martinez, Elkargiko Zerga-arloko arduraduna; eta Pilar Aguilar eta Manuel López, Incentiva Music. Saioa networking kafe baten bidez amaituko da.

Euskal Herriko enpresa, profesional eta musikariei zuzendutako ekitaldi pribatu honetan parte hartzeko galdetegi hau bete behar da.

Programa:

10:00etan ongi etorria

10:02 Bizkaiko Foru Aldundiari elkarrizketa

10:22 Elkargi eta Incentiva mahai-ingurua

10:42 Networking kafea

La entrada ‘Pizgarri fiskalak: musikaren industriarentzat aukera berriak’ jardunaldia se publicó primero en Musika Bulegoa.

Lehengo urteko arrakastaren ondoren, BIMEk Stereorocks Klubarekin elkarlanean eta Basque. Music.-en laguntzarekin, ekimen honen bigarren edizioa antolatu dute. Helburua, Euskal Herriko klub eszena ikustaraztea eta balioa ematea da, baita bertako artistei beraien lana Stereorocks klubean (Kafe Antzokia, Bilbo) erakusteko aukera eskaintzea ere.

Pasa den irailean deialdia zabaldu ondoren, antolakuntzak Celia Carrera, Hugo eta Paul Larrozea artistak huatatu dituzte ekimen honen aurtengo edizioan parte hartzeko. Hauek, BIME Pro kongresu profesionalaren inguruan bete-betean parte hartzea, networking saioetan eta industriarekin lotutako gaietan ikasteko eta prestatzeko jardueretan parte hartzeko aukera izango dute. Gainera, urriaren 28ko goizaldeko 1:00etan Showcase formatuan joko dute Kafe Antzokiko Kutxa Beltzan. 

La entrada BIME x Stereorocks club 2023: Celia Carrera, Hugo eta Paul Larrozea se publicó primero en Musika Bulegoa.