Deialdia 2024ko abenduaren 17tik 2024ko urtarrilaren 21a arte (barne) egongo da irekita.

Showcase honetan arituko den euskal talde edo bakarlaria BIME PRO-k aukeratuko du eta behin erabakia hartu ondoren BASQUE. MUSIC. arduratuko da erabakiaren zabalkundeaz.

Gainera, hautatutako artistak edo taldeak kongresuaren hiru jardunaldietan parte hartzeko eta nazioarteko musikaren industriako arlo guztietako profesionalekin harremanetan jartzeko aukera izango du.

Hautatutako taldeak BIME Bogotá-ren baitan BASQUE. MUSIC.-ek antolatuko duen showcase emanaldian parte hartuko du, Bogotan (Kolonbia) 2025eko maiatzaren 6tik 9ra bitartean.

Basque. Music.-etik kontzertu hau aurrera eramateko gastuak ordainduko dituen laguntza eskainiko da. Hauek dira laguntza honen baldintzak: BASQUE.MUSIC.2025

Kontzertua eskaintzeaz gain, aukeratutako proposamenak jarduera profesionalen programaziorako sarbidea ematen duten akreditazioak izango ditu (gehienez 4 akreditazio aukeratutako proiektu bakoitzeko) eta BIMEren sorkuntza saio batean parte hartzeko aukera ere izango du. Horretaz gain, aireportutik hotelera (joan-etorria), hoteletik kontzertu aretora (joan-etorria) eta hoteletik grabaketa estudiora (joan-etorria) transferrak ordainduko zaizkio.

Deialdiaren erabakia parte hartzaile guztiei posta elektroniko bidez bidaliko zaie.

Deialdi honi buruz zalantzaren bat baduzu idatzi helbide elektroniko honetara: komunikazioa@musikabulegoa.eus

La entrada Basque. Music. BIME Bogota 2025en: Euskal Herriko artista eta taldeei zuzendutako deialdia se publicó primero en Musika Bulegoa.

Zein da egonaldi artistiko honen helburua?

REACHen helburua talentu gazteen sorkuntza artistikoa bultzatzea da eta jatorri alternatibo edota kultura minorizatudun lan artistikoak sustatzea. Egonaldiak sormen-ingurune bat eskainiko du, eta bertan nazionalitate ezberdinetako bost pertsonaz osatutako lau taldek lan egingo dute euren proiektuetan. Talde horietako bakoitzak Euskal Herriko musikari bat izango du, eta ingelesa izango da lan hizkuntza nagusia.

Zer eskaintzen du programak?

• Bidai gastuak
• Egonaldiaren egunetan  ostatua
• Baliabide teknikoak bere egoitza artistikoa aurrera eramateko
• Sustapen digitala

Egunero, taldeek Euskal Herriko kultur eta musika guneak bisitatuko dituzte, eta egun bakoitzaren amaieran Atabal aretoan bilduko dira sorkuntza saioetarako. Azken aurkezpena urtarrilaren 10ean egingo da.

Nola parte hartu?

Interesatuek formulario hau betez eman dezakete izena, azaroaren 11ra arte (egun hori barne). REACHeko epaimahai batek hautatuko ditu parte-hartzaileak.

Edozein zalantza argitzeko, idatzi proiektuak@musikabulegoa.eus helbidera.

La entrada REACH proiektuaren egonaldi artistikorako deialdia ireki da se publicó primero en Musika Bulegoa.

Eguna eta lekua:

59. Durangoko Azokan, azaroaren 27an, goizeko 9:00etatik 14:00etara. Durangoko Plateruena Kafe Antzokian (Landako, 4).

Ekimenaren helburuak:

• Euskaraz musika sortzen dutenei aukera ematea euren proiektuak Euskal Herriko programatzaileei aurkezteko.
• Programatzaileek (areto pribatu zein publiko, jaialdi antolatzaile, udal teknikari…) aukera izatea bertatik bertara musika sektoreko sortzaileak ezagutu eta proposamenak jasotzeko.
• Ekimen honen xedea hautatutako talde eta artistei Amorebieta-Etxano Udalak antolatutako MusikaGaz Fest jaialdiaren hirugarren edizioan parte hartzeko aukera eskaintzea da.

Topaketaren formatua:

• Aukeratutako proiektuen ordezkariek 10 minututan egingo dituzte bere musika-proiektuen aurkezpenak.
• Zuzeneko emanaldiak dituzten aurkezpenak lehenetsiko dira. Horretarako, aretoak musika set sinple bat izango du. Beste material batzuk ere erabili ahal izango dira, hala nola fitxak, ikus-entzunezko euskarria…
• Hautatutako taldeek eta/edo artistek 120 euroko laguntza jasoko dute Musika Bulegotik, dietak eta joan-etorriak ordaintzeko.
• Aurkezpenak euskaraz egingo dira.

Nori zuzendua:

Haien jarduera profesionala musikagintzan burutzen duten eta fakturatzeko ahalmena duten musikariak, sustatzaileak, agentziak, managerrak, diskoetxeak, etab.

Aukeratzeko irizpideak:

Musika Bulegoko profesionalek eta Durangoko Azokako ordezkaritzak osatutako lan batzorde batek aukeratuko ditu proiektuak. Batzordeak honako alderdi hauek izango ditu kontuan aukeraketa bat egin beharra egon ezkero:

• Euskarazko proiektua izatea.
• Proiektu eta diskoen estreinaldiak (Durangoko azokan salgai).
• Musika Bulegoaren zuzeneko edo zeharkako bazkidea izatea.

MusikaGaz Fest 2025:

Haien lanak DA PRO! jaialdian aurkezten dituzten talde eta artista gazteak MusikaGaz Fest jaialdiaren hirugarren edizioan parte hartzeko hautatuak izateko aukera dute. Ekimen hau posible da Amorebieta-Etxanoko Udalaren, Gerediaga Elkartearen eta Musika Bulegoaren arteko lankidetzari esker.

Jaialdia 2025ko urtarrilaren 25ean izango da Amorebieta-Etxanoko hainbat agertokitan, eta DA PRO! jaialdian parte hartzen duten artista hautatuek kartela osatuko dute, topaketan aurkeztutako katxea errespetatuz.
MusikaGaz Festen parte hartzeko hautatuak izateko, musikariek edo sortzaileek 35 urte baino gutxiago izan beharko dituzte bakarlari izanez gero, edo taldearen % 80k adin hori gainditzen ez duten pertsonek osatu beharko dute.

Iaz, jaialdiaren antolakuntzak Durangoko Plateruenan aurkeztutako 12 proposamenetatik sei programatu zituen.

Epeak:

Sortzaileek (musikariek eta musika taldeek) urriaren 8tik 18ra izango dute izen-ematea zabalik esteka honetan.

Programatzaileen izen-ematea azaroaren 11tik 22ra izango da.

Zalantzak eta informazio gehiago: komunikazioa@musikabulegoa.eus

La entrada DA PRO! VI. topaketarako deialdia se publicó primero en Musika Bulegoa.

Euskal Herriko (EAE eta Nafarroa) musika elektronikoko DJ edota musika ekoizleentzako eta sortzaileentzako irekita dagoen deialdian, musika elektronikoa bultzatzen duten kolektiboek ere parte hartu dezakete.

Deialdi honen helburua tokiko klub eszena ikusaraztea eta balioa ematea da, baita bertako artistei beraien lana Stereorocks klubean (Kafe Antzokia, Bilbo) erakusteko aukera eskaintzea ere.

Hautatutako artistek showcase formatuan emanaldia eskainiko dute urriaren 29tik azaroaren 1a bitartean egingo den BIME azoka profesionalaren BIME LIVE programaren baitan. Gainera, BIME Pro kongresu profesionalean parte hartzeko aukera izango dute.

Aukeraketa:

• Bete formulario hau.
• Gehienez 3 artista edo kolektibo hautatuko dira.
• Hautaketa BIME eta Stereorocks Club-eko arduradunek egingo dute.
• Hautaketa egiterako orduan proposamenaren ibilbidea, berritasuna eta nazioartekotze plana hartuko dira kontuan.
• Hautatutako proposamen bakoitzak 300€-ko diru saria jasoko du.

Hauek izan dira ekimen honetako aurreko edizioetan hautatuak izan diren artistak: Celia Carrera, Hugo eta Paul Larrozea, Celereka, Gonz.ne eta Judy.

Edozein zalantza argitzeko idatzi helbide honetara: proiektuak@musikabulegoa.eus

La entrada Abian da BIME Stereorocks Club hirugarren edizioan parte hartzeko deialdia se publicó primero en Musika Bulegoa.

Musika Bulegoa irabazi-asmorik gabeko kultur elkartea da, eta bere xede nagusia Euskal Herrian sortutako eta ekoitzitako musikaren presentzia soziala balioestea eta indartzea da, baita haren balio-katean esku hartzen duten eragileen jarduera ere, une oro jarduera horren kalitatea eta profesionaltasuna areagotzeko lan eginez.
Elkarteak bere lantaldea osatzeko Proiektu arduradun teknikoa kontratatzeko lan-deialdia ireki du.

Lanpostuaren eginbeharrak:
Sail arduradunaren gidaritzapean hurrengo funtzio nagusiak izango ditu:
▪ Musika Bulegoaren eskaintza: garatuko den programazioaren helburuak eta ildo estrategikoak sailean lantzea.
▪ Zerbitzuen eta proiektuen diseinua, ekoizpena eta ebaluazioa: ekimenak definitzea, aukeratzea, garatzea, ekoiztea, koordinatzea, jarraipena eta ebaluazioa egitea, helburuen eta ildo estrategikoaren arabera.
▪ Proposamenen kudeaketa: iristen diren proposamenei Sail arduradunari jakinaraztea eta berarekin lehen lanketa egitea.
▪ Balizko elkarlanak: eskaintzan interesgarriak izan daitezkeen lankidetzarako balizko eragile estrategikoen azterketan saileko arduraduna laguntzea.
▪ Aurrez-aurreko arreta: antolatzen diren jardueretan egotea.
▪ Benchmarking: musika sektorean berritzaileak eta eredugarriak izan daitezkeen beste proiektuen azterketa gauzatzea.
▪ Kudeaketa ekonomikoa: proiektuen eta zerbitzuen aurrekontuak burutu eta jarraipena egin .
▪ Komunikazioa: ekimenen komunikazio ekintzen aurre-lanketa burutzea.
▪ Ordezkaritza espezializatua: sektoreko foro espezializatu ezberdinetan parte hartzea.
▪ Elkarteko barne batzordeak: elkartean dauden batzorde ezberdinen dinamizazioa.
▪ Eragile publiko eta pribatuekin harremana izatea.
▪ Erakundeko eguneroko beharretan era hura osatzen duten hainbat elkarteei laguntza ematea.

Lan-baldintzak:
▪ Kontratu mota: aldi baterako kontratua, 6 hilabeteko probaldiarekin. Jarraitzeko aukera egon daiteke.
▪ Lanaldia: osoa (37,5 ordu astero/1.650 ordu urtean)
▪ Soldata: 29.000 € – 32.000 € gordin urtean
▪ Lan lekua: Euskal Herria. Telelana nagusiki. Beharren arabera bidaiatzeko prest egon behar da.

Baldintzak:

Nahitaezkoa:
▪ Musika, arte eta humanitateen edota gizarte zientzien arloan unibertsitateko ikasketak amaituta izatea. Musikan goi mailako ikasketak lehenetsiko dira.
▪ Kultura-kudeaketan graduondoko ikasketak izatea
▪ Kultura-proiektuen kudeaketan gutxienez bi urteko esperientzia izatea
▪ Ofimatika programen erabilera menperatzea

▪ Euskara idatziz eta ahoz menperatzea (gutxienez C1 maila)
▪ Ingelesean gutxienez B2 maila izatea

Baloratuko da:
▪ Euskal Herriko musika sektorearen eta kulturgintzaren inguruko ezagutza izatea. Bereziki Musika klasikoan eta garaikidean eskatuko da.
▪ Arduratsua izatea, eta antolatzeko, lidergorako eta talde lanean aritzeko gaitasuna izatea.
▪ Elkartegintzan eskarmentua izatea
▪ Teknologia berriekin eskarmentua izatea
▪ Euskara: C2 maila izatea
▪ Ingelesa: C1 maila izatea
▪ Frantsesean B2 maila
▪ B1 gidabaimena eta autoa izatea

Info +:
▪ Epea: irailaren 22an amaitzen da
▪ CV e-posta honetara bidali:  administrazioa@musikabulegoa.eus
▪ Urrian zehar lan egiten hastea aurreikusten da.

La entrada Lan deialdia: proiektu arduradun teknikoa se publicó primero en Musika Bulegoa.

Formatu azkarreko aurkezpen hauek urriaren 29an, asteartea, burutuko dira 12:30etan Bilboko Euskalduna Jauregian.

Euskal Herriko diskoetxe, artisten kontratazio eta management enpresek, jaialdien eta kontzertuen antolaketaren ordezkariek, kontzertu aretoek, musika elkarteek edo artistek parte hartu ahal izango dute aurkezpenean. Horretarako galdetegi hau bete behar da urriaren 10a (barne) baino lehenago.

Pitch saioan parte hartuko duten eragileak aukeratzeko irizpide hauek hartuko dira kontuan: proiektuaren ibilbidea eta nazioarteko estrategia. Musika Bulegoko bazkideek (zuzenak edo Kultura Live, MIE, Musikagileak eta Musikari elkarteetako kideek) lehentasuna izango dute. Guztira bost proiektu aukeratuko dira.

La entrada BASQUE. MUSIC. pitch saioa, BIME Bilbao azoka profesionalean se publicó primero en Musika Bulegoa.

Musika Bulegoa irabazi-asmorik gabeko kultur elkartea da, eta bere xede nagusia Euskal Herrian sortutako eta ekoitzitako musikaren presentzia soziala balioestea eta indartzea da, baita haren balio-katean esku hartzen duten eragileen jarduera ere, une oro jarduera horren kalitatea eta profesionaltasuna areagotzeko lan eginez.

Elkarteak bere lantaldea osatzeko Proiektuen eta zerbitzuen sailaren arduraduna kontratatzeko lan-deialdia ireki du.

Lanpostuaren eginbeharrak:

Gerentziaren gidaritzapean hurrengo funtzio nagusiak izango ditu:

• Musika Bulegoaren eskaintzaren planifikazioa: garatuko den programazioaren helburuak eta ildo estrategikoak sailean lantzea
• Eskaintzaren urteko plana:  proiektuen eta zerbitzuen proposamena garatzea eta aurkeztea
• Balizko lankidetzarako azterketa: eskaintza garatzeko eragile ezberdinen azterketa burutzea
• Zerbitzuen eta proiektuen diseinua, ekoizpena eta ebaluazioa: ekimenak definitzea, aukeratzea, garatzea, ekoiztea, koordinatzea, jarraipena eta ebaluazioa egitea, helburuen eta ildo estrategikoaren arabera.
• Proposamenen kudeaketa: iristen diren proposamenei kasu egitea eta aztertzea
• Indarrean dagoen ebaluazio sistemari jarraipena egitea: kultura programazioaren alorrean antolatzen diren jardueren ebaluazioa egin.
• Saileko lantaldea kudeatzea: lantaldea koordinatzea eta kideen zereginak zehaztea eta jarraipena egitea.
• Aurrez-aurreko arreta: antolatzen diren jardueretan egotea
• Kudeaketa ekonomikoa: saileko aurrekontua aurreikusi eta jarraipena egin. Saileko ekimen ezberdinen aurrekontuen gainbegiraketa eta kostuen lehen azterketa egitea.
• Finantzazio iturriak bilatzea: proiektu ezberdinetarako diru-laguntzak bilatzea eta aurkeztea
• Komunikazioa: ekimenen komunikazio ekintzen aurre-lanketa burutzea.
• Kudeaketa: sailean indarrean dagoen sistema eta prozedurak betetzen direla ziurtatzea. Prozesuak hobetzeko proposamenak egitea.
• Administrazio sailarekin koordinazioa: diru-laguntzeekin, proiektuen aurrekontuekin eta fakturekin lotura duten koordinazio lanak gauzatzea.
• Eragile publiko eta pribatuekin harremana izatea.
• Erakundeko eguneroko beharretan laguntza ematea.

Lan-baldintzak

• Kontratu mota: mugagabea, 6 hilabeteko probaldiarekin.
• Lanaldia: osoa (37,5 ordu astero/1.650 ordu urtean)
• Soldata:  30.000 € – 35.000 € gordin urtean
• Lan lekua: Euskal Herria. Telelana nagusiki. Beharren arabera bidaiatzeko prest egon behar da.

Baldintzak:

Nahitaezkoa:

• Arte eta humanitateen edota gizarte zientzien arloan unibertsitateko ikasketak amaituta izatea
• Kultura-kudeaketan graduondoko ikasketak izatea
• Kultura-proiektuen kudeaketan gutxienez hiru urteko esperientzia izatea
• Lantaldeen koordinazioan gutxienez 2 urteko eskarmentua izatea.
• Ofimatika programen erabilera menperatzea
• Euskal Herriko musika sektorearen eta kulturgintzaren inguruko ezagutza izatea
• Euskara idatziz eta ahoz menperatzea (gutxienez C1 maila)
• Ingelesean gutxienez B2 maila izatea

Baloratuko da:

• Arduratsua izatea, eta antolatzeko, lidergorako eta talde lanean aritzeko gaitasuna izatea.
• Elkartegintzan eskarmentua izatea
• Teknologia berriekin eskarmentua izatea
• Euskara: C2 maila izatea
• Ingelesa: C1 maila izatea
• B1 gidabaimena eta autoa izatea

Info +:

• Epea: irailaren 4an amaitzen da
• CV e-posta honetara bidali: E-posta: administrazioa@musikabulegoa.eus
• Urriaren hasieran lan egiten hastea aurreikusten da.

La entrada Musika Bulegoak Proiektuen eta zerbitzuen sailaren arduraduna kontratatzeko lan-deialdia ireki du se publicó primero en Musika Bulegoa.

BASQUE. MUSIC.-en markapean antolatuko diren Pitch saio hauetan parte hartzeko hiru enpresa, jaialdi, diskoetxe, management eta booking agentzia, edo musika-proiektu aukeratuko dira. Parte hartzeko proposamenak MMVVren antolakuntzak aukeratuko ditu.

Aurkezpen hauek irailaren 18tik 21era egingo dira, Mercat de Música Viva de Vic azokaren 36. edizioko programazio profesionalaren baitan.Pitching saio hauen helburua azokan parte hartzen duten Kataluniako eta nazioarteko enpresen aurrean Musika Bulegoko bazkideen hiru proiektu aurkeztea eta haien arteko lankidetzak sustatzea da.

Musika Bulegoak gastu hauek ordainduko dizkie hautatutako hiru proposamenei:

– Irailaren 18tik 21era hiru gauetarako ostatua (enpresa bakoitzeko gela bikoitz batean).

– Pitching honetan parte hartzen dutenentzako doako akreditazioak
eta 150 €-ko gastuen bidaia-poltsa.

Deialdia 2024ko uztailaren 3tik 10era (egun hori barne) egongo da irekita, eta parte hartzeko honako galdetegi hau bete behar da.
Hautatutako proposamenak zuzenean sartuko dira MMVVk programatutako Pitch saioetako batean, bere web profiletik eskaera egin behar izan gabe.

Zalantzarik izanez gero, idatzi proiektuak@musikabulegoa.eus helbidera.

La entrada Musika Bulegoak Vic-en ospatuko den Mercat de Música Viva azoka profesionalean antolatuko dituen Pitch saioetan parte hartzeko deialdia ireki du se publicó primero en Musika Bulegoa.

Egonaldia Lisboan (Portugal) egingo da irailaren 20tik 25era bitartean. Prozesu sortzaile horren emaitza zuzenean aurkeztuko da irailaren 26an,MIL Lisboako programazioaren barruan.

Hona hemen deialdi honen bidez lagunduko diren kontzeptuak:

– Bidaia-gastuak.Egoitzak iraungo duen egunetako ostatua.

– 250 €dieta eta mantenuagatik.

– 500 euro proiektua garatzeko.

– Egoitza artistikoa egingo den espazioa eta hori gauzatzeko behar teknikoak.

– Sustapen digitala.

– Egoitza-proiektuaren ikus-entzunezko dokumentazioa.

Proiektu honetan parte hartu nahi duten musikariek galdetegi hau bete beharko dute uztailaren 11a baino lehen (egun hori barne).

Edozein zalantza argitzeko idatzi proiektuak@musikabulegoa.eus posta elektronikora.

2022an BRAVA musikari donostiarrak beste hainbat musikarirekin batera egindako egonaldiaren laburpen bideoa. Egonaldi hau ere Musika Bulegoak MIL Lisboa jaialdiarekin elkarlanean sortutako ekimena izan zen:

La entrada MIL Lisboan egonaldi artistiko bat egiteko deialdia se publicó primero en Musika Bulegoa.

Deialdian euskaraz abesten duten iparraldeko (Lapurdi, Behe Nafarroa, Zuberoa) edozein musikarik parte hartu dezake, beti ere lan diskografiko berriak edo zuzeneko emanaldi bira berriak bultzatzeko asmoa dituzten proiektuei lehentasuna eskainiaz.

Izena emateko epea 2024ko ekainaren 11tik uztailaren 1a arte, biak barne, egongo zen irekita.

Deialdiaren emaitza 2024ko uztailaean zehar jakinaraziko da. Iparhots programaren arduradunek bere webgunean eta sare sozialetan argitaratuko dute.

2023an ospatutako elkarlanaren lehendabiziko edizioan Ekhi Lambert izan zen aukeratutako musikaria. [Irakurri hemen].

Argazkia: Dinamo

La entrada Ireki da Iparhots egonaldi artistikoaren 2024ko deialdia se publicó primero en Musika Bulegoa.