Proposamenak otsailak 17ko 23:59ak arte aurkeztu daitezke hurrengo eskaera-inprimakia betez.

Hemen kontsultatu eta deskargatu dezakezue deialdia.

Hautatutako proiektuak martxoaren hasieran jakinaraziko dira eta 120 euroko diru-laguntza jasoko dute.

Topaketa apirilaren 2an, goizean zehar, burutuko da Elorrioko Arriola Antzokian. Jardunaldia bi zatitan banatuko da. Lehenengoan, taldeek euren azken lanak aurkeztuko dituzte zuzenean. Aurkezpenen ondoren, networking saio bat egongo da.

La entrada Ireki da Sareako programatzaileen aurrean proposamenak aurkezteko epeak se publicó primero en Musika Bulegoa.

Programazio ofizialera proiektu artistikoak aurkezteko deialdia zabalik dago esteka honetan (otsailaren 28ra arte).

Jaialdiak irauten dituen egunetan zehar  hainbat jarduera antolatzen dira: showcase-ak, musikaren profesionalen azoka, ikus-entzunezko proiekzioak eta hitzaldiak, besteak beste.

Womexek 3.100 profesional baino gehiago biltzen ditu urtero eta bere programazioan antolatzen diren kontzertuetan 300 artista baino gehiagok parte hartzen dute eta 113 herrialde baino gehiagoko ordezkariak biltzen dira.

BASQUE. MUSIC.-ek euskal profesionalek erabiltzeko aukera izango duten stand-a izango du.

Aurreko edizioetan BASQUE. MUSIC.-ek antolatu dituen showcase-tan Neomak (2023),  Amak (2021), Xabi Aburruzaga (2020), Topa-K (2019), Kalakan (2018) eta Juan Mari Beltran (2017) artistek parte hartu dute.

La entrada WOMEX 2025 azokan proposamenak aurkezteko deialdia ireki dute se publicó primero en Musika Bulegoa.

Bi ildo nagusi ditu Mercat de Música Viva de Vic ek: MV programazioa, profesionalei zuzendutakoa, eta  Jaialdia, publiko zabalari zuzendutako programazioa.

Antolakuntzak aukeratuko dituen proposamen artistikoen artean Euskal Herriko proposamenek ordezkaritza izaten dute BASQUE. MUSIC. plataformari esker.

BASQUE. MUSIC. Showcase-ak

BASQUE. MUSIC.-ek bi showcase  antolatzen ditu urtero MMVV-ko azoka profesionalean. 2022tik kontzertu hauek programazio ofizialaren baitan antolatzen dira.

MMVV-en antolakuntza arduratuko da aurkeztutako proposamen guztien artean aukeraketa egiteaz. Aurreko edizioetan Gorka Urbizu, Mikel Azpiroz, Maite Larburu, Merina Gris, Amorante, Ekiza, La Basu, Lumi, Idoia edo Chill Mafia bezalako taldeek parte hartu dute BASQUE. MUSIC. showcase-tan.

La entrada MMVV 2025n parte hartzeko deialdia ireki dute se publicó primero en Musika Bulegoa.

Epaimahai profesional batek 12 talde aukeratuko ditu, 2025eko martxoan eta apirilean Bilborocken antolatuko diren kontzertuetan parte hartzeko. Zuzeneko emanaldi horietan aukeratuko dira VillaSoundBilbao osatzen duten sari ezberdinetako irabazleak. Oinarriak esteka honen bidez kontsulta ditzakezu. Deialdia urtarrilaren 13an zabalduko da eta otsailaren 13ra bitartean egongo da irekita.

Gaur egungo edozein musika motak (rocka, popa, metala, trap, elektronika, folka, egilea) edo hauen arteko fusioak hartu dezakete parte.

Talentu berria babestu eta bultzatzeko asmoz, Euskal Herriko Musika Bulegoak izen bereko saria emango dio parte hartzen duen proposamen bati. Sari honi esker hautatutako artista edo taldeak 1.000 € jasoko ditu Musika Bulegoko bazkide den areto batean kontzertu bat eskaintzeko. Kontzertua antolatzen duen aretoak 500 € jasoko ditu ekoizpen eta promozio gastuak ordaintzeko.

Hauek izan dira orain arte sari hau irabazi duten taldeak: Giante (2018), Airu (2019), Orbel (2020), Martin de Marte (2021), Laguna Goons (2022), Marban (2023) eta S.A.D. (2024).

La entrada VillaSoundBilbaoren 5. edizioan parte hartzeko deialdia, zabalik se publicó primero en Musika Bulegoa.

Euskal Herriko musikaren sektoreak 2024a zifra errekorrekin agurtu du. Musika-jarduera ugariak sektorearen erresilientzia- eta berrasmatze-gaitasuna islatzen du. Sarreren salmenta (% 25 igo zen), streaming-aren kontsumoa eta zuzeneko emanaldien sendotasuna funtsezko ardatzak izan dira eta sektoreko adituek 2024a azken hamarkadako onenetakoa dela adierazi dute. Hala ere, arrakasta horrekin batera, musikak 2025era begira aurre egin behar dien erronkak daude, musikaren iraunkortasuna eta ekitatea bermatzeko.

Arrakasta eta dinamismo handiko urtea

Amaia Ispizua Musika Industriaren Elkarteko lehendakari eta Get In-en promotorearen arabera, 2024 “musika sektorearentzat urterik onenetakoa” izan da. Sarreren salmentak % 25 igo ziren aurreko urtearen aldean, eta streaming bidezko musikaren kontsumoak goranzko joerari eutsi zion. Gainera, ikusleek gero eta interes handiagoa erakutsi zuten zuzeneko ikuskizunekiko, askotariko ehun artistikoa sendotuz, emakume sortzaile eta artista berrien protagonismo nabarmenarekin.

Gotzon Uribek, Kultura Liveko presidenteak, musika sorkuntzaren urte oparoa ere nabarmendu du, talde askoren agerpenarekin eta kontzertu-aretoetan gero eta publiko handiagoa erakartzen duen tokiko eszenarekin.

Diskografiaren alorretik, Andres Camio “Jitu” Elkar argitaletxeko musika arloko arduradunak sektorearen dinamismoa azpimarratu du eta “musika kulturaren motor nagusi gisa berresten” dela eta “sorkuntza ez dela krisian dagoena” esan du. Halaber, Elkarren estudio berria eta Fermin Muguruzaren “40 urteko bira” aipatu ditu, eta biniloaren garrantzia azpimarratu du, ingurune digital azeleratu batean jarraitzaileak izaten jarraitzen duen formatu gisa.

Aurrerapenak eta lorpen sektorialak

Sara Azurza musikariaren eta Musikariko lehendakariaren arabera, Artistaren Estatutuaren pean PFEZren erreforma onartzea mugarri garrantzitsua izan da. Neurri horrek aukera ematen du artisten laneko aldizkakotasuna eta diru-sarrera irregularrak kontuan hartzeko, sektorearen fiskalitatean mugarri bat ezarriz.

Bestalde, Helga Ariasek, Musikagileak elkarteko presidenteak, euskal musika garaikidearekiko interes gero eta handiagoa ospatzen du, bai nazio mailan, bai nazioartean. Zikloak eta jaialdiak sendotu izana nabarmendu du, baina iraunkortasuna bermatzeko erakundeen babes sendoagoen beharra azpimarratu du.

Erronkak eta etorkizunari begira

Arrakasta izan arren, sektoreko ahotsak bat datoz aurre egin beharreko erronka handietan. Horien artean dago kontzertu-aretoei laguntzea, bideragarritasun ekonomikoko arazoei aurre egin behar baitiete, kostu operatiboak handitu egin direlako eta jaialdi handiak direla eta. Lan-baldintzak eta profesionalizazioa ere lehentasunezkoak dira: Artistaren Estatutuaren ezarpenean aurrera egitea eta teknikarientzat hitzarmen arautzaile bat sinatzea funtsezkoa da sektorea duintzeko. Alvaro Sanz ABS Iluminación-eko zuzendariak espero du teknikarien lan-harremanak arautuko dituen hitzarmena “berandu baino lehen errealitate bat izatea”.

Era berean, ez dute begi-bistatik galtzen mehatxu eta aukera berriak planteatzen dituen adimen artifiziala, hala nola streamingean eta musika-sorkuntzan duen eragina.

Beste erronka garrantzitsu bat genero-berdintasuna sustatzea da, gehienbat gizonak buru dituen sektore batean, eta, aldi berean, euskara babestea mundu globalizatu batean. Musika-konposizioak dokumentatzea eta artxibatzea ere funtsezkoa da, Euskal Herriaren historia musikal aberatsa babestuko duen ondarea sortuz. Azkenik, finantzaketa publikoa eta pribatua indartu behar dira, ekosistema iraunkorra bermatzeko eta artista berriei zein finkatuei laguntzeko.

Agus Barandiaranek, Korrontziren sortzaileak, artista berrientzako laguntza eta kultur finantziazioa indartzeko deia egin du, musika negozio jasangarria bermatzeko. Bien bitartean, Gotzon Uribek tokiko sortzaileak ikusarazi eta haien garapena sustatu nahi du.

Euskal musikaren sektoreak baikortasunez egiten dio aurre 2025ari. Amaia Ispizuak ondorioztatu duenez, “erronka handiak musika merezi duen funtsezko tokian kokatuko duen elkarte-sare sendo batekin bakarrik gainditu ahal izango dira”.

La entrada 2024ko balantzea eta etorkizuna Euskal Herriko musika sektorean se publicó primero en Musika Bulegoa.

Deialdia 2024ko abenduaren 17tik 2024ko urtarrilaren 21a arte (barne) egongo da irekita.

Showcase honetan arituko den euskal talde edo bakarlaria BIME PRO-k aukeratuko du eta behin erabakia hartu ondoren BASQUE. MUSIC. arduratuko da erabakiaren zabalkundeaz.

Gainera, hautatutako artistak edo taldeak kongresuaren hiru jardunaldietan parte hartzeko eta nazioarteko musikaren industriako arlo guztietako profesionalekin harremanetan jartzeko aukera izango du.

Hautatutako taldeak BIME Bogotá-ren baitan BASQUE. MUSIC.-ek antolatuko duen showcase emanaldian parte hartuko du, Bogotan (Kolonbia) 2025eko maiatzaren 6tik 9ra bitartean.

Basque. Music.-etik kontzertu hau aurrera eramateko gastuak ordainduko dituen laguntza eskainiko da. Hauek dira laguntza honen baldintzak: BASQUE.MUSIC.2025

Kontzertua eskaintzeaz gain, aukeratutako proposamenak jarduera profesionalen programaziorako sarbidea ematen duten akreditazioak izango ditu (gehienez 4 akreditazio aukeratutako proiektu bakoitzeko) eta BIMEren sorkuntza saio batean parte hartzeko aukera ere izango du. Horretaz gain, aireportutik hotelera (joan-etorria), hoteletik kontzertu aretora (joan-etorria) eta hoteletik grabaketa estudiora (joan-etorria) transferrak ordainduko zaizkio.

Deialdiaren erabakia parte hartzaile guztiei posta elektroniko bidez bidaliko zaie.

Deialdi honi buruz zalantzaren bat baduzu idatzi helbide elektroniko honetara: komunikazioa@musikabulegoa.eus

La entrada Basque. Music. BIME Bogota 2025en: Euskal Herriko artista eta taldeei zuzendutako deialdia se publicó primero en Musika Bulegoa.

Urtarrilaren bigarren astean Malentxo Zeberio tolosarra, Eñaut Zubizarreta aretxabaletarra,  Julen Leturiondo eibartarra, Liam McDonell gasteiztarra eta Miriam Lujua bilbotarra elkartuko dira beste musikari askorekin, jatorri ezberdinekoak, hala nola New York, Frantziakoak edo Euskal Iparraldekoak. Miarritzeko Atabal aretoa izango da haien sorkuntza bilduma aurrera eramateko egoitza eta urtarrilaren 10ean,  Bloñ talde baxe-nafartarrekin batera eskainiko dute kontzertu bat, aste osoan landutakoa erakusteko asmoz. Kontzertua irekia da baina gonbidapenak lortu behar dira aurretik.

Musikariak lau multzotan banatuko dira eta talde bakoitzak musika koordinatzaile eta mentore izango du, egonaldia ahalik eta aberasgarri izan dadin. Atsedenaldietan inguruetako musika guneak bisitatuko dituzte.

Proiektu hau Combustible (Frantzia), Clive Davis Institute of Recorded Music (New York), Vectorealism (Milan) eta Musika Bulegoaren arteko nazioarteko lankidetza bat da, oraingoan Atabal Aretoaren (Miarritze) lankidetzarekin. REACHen helburua talentu gazteen sorkuntza artistikoa bultzatzea da eta jatorri alternatibo edota kultura minorizatudun lan artistikoak sustatzea.

La entrada Ezagutu REACHen egoitza artistikorako hautatutako artistak se publicó primero en Musika Bulegoa.

Musikagilearen parte-hartzea bultzatzeaz gain, Musika Bulegoak ISCMren Urteko Batzar Nagusian ere parte hartuko du. Batzar hori jaialdiarekin batera egingo da, eta datozen urteetan ISCMk jarraituko dituen jarduera-estrategiak zehazten dira bertan.

ISCM elkartea, duela bi urte mende bat bete zuena, nazioarteko elkarterik zaharrena da, musika klasikoaren esparruan musika sortu berrien defentsa eta zabalkundean aritzen direnen artean, eta gaur egun munduko txoko guztietako 60 kide baino gehiago biltzen ditu bere baitan, gehienak musika garaikidearekin konprometitutako erakundeak, ISCMren ordezkaritza beren herrialdeetan beren gain hartzen dutenak. Urteroko jaialdia da The International Society for Contemporary Music-en misioa jarraitzeko bide nagusia.

La entrada MARÍA EUGENIA LUC-EK EUSKAL HERRIA ORDEZKATUKO DU ISCM 2025 JAIALDIAN se publicó primero en Musika Bulegoa.

Europako musika jaialdi garrantzitsuenetako bat eta nazioarteko musikako profesionalen topagune nagusietako bat da ESNS. Herrialde bakoitzaren talentua babesteaz gain, musika proiektu berriak bultzatzen ditu jaialdi honek. Urtero nazioarteko 4.000 ordezkari eta 400 musika jaialdi baino gehiago biltzen dira bertan.

EZEZEZ

EZEZEZ Unai Madariagak, Eneko Ajangizek, Alvaro Olaetxeak eta Mikel Irigoyenek osatutako taldea da, non musikak taldearen inguruko gainerako alderdien pisu bera duen. «Do it yourself» militantziaren eta sormen eztanda baten ondorioz, taldeak berak konposatu, idatzi, jo, grabatu, nahastu eta masterizatzen ditu bere kantu guztiak. Baita grafikoak, bideoak eta estilismoa ere. EZEZEZek berak egiten du taldearekin zerikusia duen guztia, soinu eta irudi bakar eta sendoak definitzeko. Eta lortzen du. Gaur egungo musika eszenako talde interesgarrienetako bat izanik, bere zuzeneko indartsuek BIME BIlbao, Bilbao BBK Live, Monkey Week, Azkena Rock, Sonorama eta beste hainbat jaialditan jotzera eraman ditu.

EZEZEZek «azken puntua» kaleratu zuen 2024ko azaroan, bere hirugarren diskoaren lehen singlea. «Puntofinal» punk energiaren eztanda da, baina funk arimarekin (super dancy-a da), katana bat ninja baten eskuetan bezala irristatzen dena: sotila, dotorea eta sendoa. Euskoñolean abestua (gaztelaniaren eta euskararen arteko nahasketa) eta ironiaz eta poesiaz betea, «azken puntua» identitateari eta onarpenari buruzko hausnarketa da, maitasuna nola jaso esploratuz munduan dugun lekua aurkitzen eta baliozkotzen lagun diezagukeena.

BASQUE. MUSIC. ESNS azokan

Euskal Herriko ordezkaritzak aurreko urteetan ere ESNS azokan parte hartu izan du. Zetak (2023), Merina Gris (2023) eta Divorce From New York (2024) izan dira aukeratutako proposamenak.

 

La entrada EZEZEZ taldeak ESNS 2025 azokan parte hartuko du BASQUE. MUSIC.-en eskutik se publicó primero en Musika Bulegoa.

Web-mintegi hau banaka edo elkarlanean gauzatu nahi duen musika-proiektu bat duen sektoreko edozein profiletara zuzenduta dago, eta finantzaketa-ildoei eta horien ezaugarriei, laguntzak eskuratzeko baldintzei, dauden sare eta plataformei eta erreferentziazko beste proiektu batzuei buruz hitz egingo da.

Egitaraua:

• 10:30 MEDIA azpiprogramaren eta sektore arteko kapituluaren deialdiak: Innovative Tools and Business Models eta Creative Innovation Lab. (Ainhoa González Sanchiz, Europa Creativa Desk MEDIA Euskadiko arduraduna)

• 10:50 Kultura azpiprogramaren deialdiak: Europako Lankidetza Proiektuak, Culture Moves Europe eta LiveMX Laguntzak. (Mónica Comas Rodríguez, Europa Creativa Cultura bulegoko koordinatzailea; Carolina Fenoll Espinosa, Europa Sormen Bulegoko teknikaria; Isabel Pérez Gálvez, Europa Sormen Bulegoko teknikaria)
• 11:50 Galderak
• 12:00etan Saioaren amaiera

Oharra: Saioaren esteka abenduaren 13an bidaliko da, 14:00etan, izena eman dutenei. Ondoren, email bat bidaliko da, grabatutako edukiarekin.

La entrada Webinar: Europa Creativa Cultura eta MEDIAren Euskal musika-sektorearentzako finantzaketa aukerak se publicó primero en Musika Bulegoa.