Musika Bulegoak KLUSTER, musika garaikideko konpositore eta interpreteen arteko topaketaren lehen edizioa aurkezten du
Partekatu
Musikagilea zara eta kolaboratzeko interprete berriak ezagutu nahi dituzu? Interpretea zara eta musikagileekin harremanetan jartzea gustatuko litzaizuke zure instrumentu edo taldearentzat errepertorio berria sortzeko?
Musika Bulegoak, Donostiako Musika Hamabostaldiaren eta Musikagileak elkartearen laguntzarekin, KLUSTER ekimenaren lehen edizioa aurkezten du. Musika garaikidean interesa duten konpositore eta interpreteen artean harreman profesional berriak sortzea ahalbidetuko duen topaketa da.
Hitzordua abuztuaren 31n izango da Kursaaleko Erabilera Anitzeko Aretoen Hallean, Xelo Giner saxofoi jotzaileak jaialdiaren Musika Garaikideko Zikloaren barruan emango duen kontzertua baino ordu eta erdi lehenago (18:30etan). Koktela eta speedmeeting-ak barne hartzen dituen giro lasaian, topaketaren helburua aurretik elkarrekin lan egin ez duten konpositore eta interpreteen arteko lankidetza sustatzea da.
Musika Bulegoak hiru pizgarri ekonomiko eskainiko ditu Topaketan izan diren eta bertan ezagutu diren konpositore eta interpreteen arteko lankidetza sustatzeko, obra berri baten konposizioan eta estreinaldian laguntzeko.
KLUSTERraren lehen edizioa, Euskal Herrian aitzindari izango den topaketa izango da. Ekimen honen bidez, Euskal Herriko Musika Bulego Elkarteak eta Donostiako Musika Hamabostaldiak gure lurraldean musika garaikidearen ehuna indartzearen alde egiten dute, etorkizunean proiektu eta lankidetza zabalagoak sortzeko haziak landatuz.
Lekua: Kursaaleko Erabilera Anitzeko Aretoen Hall-a
Eguna: abuztuak 31, 18:30h
Iraupena: 60 min
Edozein pertsonak har dezake parte topaketa honetan, Musika Bulegoko bazkidea izan edo ez, baina plazak mugatuak dira. Galdetegi honen bidez eman dezakezu izena zure asistentzia ziurtatzeko.
Edozein zalantza izanez gero, mikel@test.nuco.es helbidera idatz dezakezu.
Partekatu


Hauek ere interesatuko zaizkizu
2024/10/28Berriak,Deialdia,MB SorkuntzanDeialdia amaitu da
REACH proiektuaren egonaldi artistikorako deialdia ireki da
REACH proiektuak, Erasmus+ programaren barruan, Biarritzeko Atabal aretoan 2025eko urtarrilaren 6tik 10era egingo den egonaldi artistikoan musikari gazteek parte hartzeko deialdia ireki du. Programa…
2025/01/27Deialdia,BerriakDeialdia abian da
Ireki da Sareako programatzaileen aurrean proposamenak aurkezteko epeak
Musika Bulegoak Euskadiko Antzoki Sareako programatzaileen eta musikaren sektoreko profesionalen arteko topaketaren 8. ediziorako musika proposamenak aurkezteko epea ireki du. Proposamenak otsailak…
2025/01/21Deialdia,BerriakDeialdia abian da
WOMEX 2025 azokan proposamenak aurkezteko deialdia ireki dute
Munduko musikan eta folk doinuetan oinarrituta dagoen Womex azokaren 31. edizioa Tamperen (Finlandia) ospatuko da urriaren 22tik 26ra bitartean. Programazio ofizialera proiektu artistikoak aurkezteko…
2025/01/15Deialdia,BerriakDeialdia abian da
MMVV 2025n parte hartzeko deialdia ireki dute
Mercat de Música Viva de Vic azoka profesionalaren 37. Edizioa irailaren 17tik 20ra egingo dute. Proposamenak aurkezteko deialdia irekita dago eta martxoaren 31an amaituko da. Bi ildo nagusi ditu…
2025/01/10Deialdia,MB Sustapena,BerriakDeialdia abian da
VillaSoundBilbaoren 5. edizioan parte hartzeko deialdia, zabalik
Bilboko Udalak talde eta artista gazteei zuzendutako deialdia zabaldu du, VillaSoundBilbao jaialdiaren bosgarren edizioan parte hartzeko. Helburuak, musikaren sektoreko artista gazteen sorkuntzak…