{"id":101830,"date":"2023-10-11T19:33:26","date_gmt":"2023-10-11T17:33:26","guid":{"rendered":"https:\/\/musikabulegoa.eus\/hub\/musika-bulegoaren-jarduera-profesionalak-bime-2023-azokan\/"},"modified":"2023-10-11T19:33:26","modified_gmt":"2023-10-11T17:33:26","slug":"musika-bulegoaren-jarduera-profesionalak-bime-2023-azokan","status":"publish","type":"post","link":"https:\/\/musikabulegoa.eus\/hub\/eu\/musika-bulegoaren-jarduera-profesionalak-bime-2023-azokan\/","title":{"rendered":"Musika Bulegoaren jarduera profesionalak, BIME 2023 azokan"},"content":{"rendered":"

Urriaren 25etik 27ra bitartean\u00a0<\/strong>egingo dute nazioarteko\u00a0BIME azokaren hamaikagarren edizioa. Mundu osoko musikaren industriako profesionalak batzen dira azoka honetan eta aurten ere Bilboko\u00a0Euskalduna<\/strong><\/a>\u00a0<\/strong>jauregiak hartuko du nazioarteko musikaren kongresua.<\/p>\n

Musika Bulegoa<\/strong>k hainbat jarduera prestatu ditu sektoreko eragileen arteko elkarrizketa errazteko, ezagutzak partekatzeko eta Euskal Herrian sortutako eta ekoitzitako musika bultzatzeko. Jarduera hauek\u00a0BASQUE. MUSIC.<\/strong><\/a>\u00a0markaren babesean antolatuko dira.<\/p>\n

BIMEk irauten dituen hiru egunetan zehar,\u00a0BASQUE. MUSIC.<\/strong>-ek\u00a0stand<\/strong>\u00a0propioa izango du, azokara hurbiltzen diren euskal profesionalen eskura egongo dena. Horretaz gain honako programazioa antolatu dugu Musika Bulegotik:<\/p>\n

URRIAK 25 ASTEAZKENA<\/strong><\/p>\n

10:00etan, BASQUE. MUSIC. eta CHILEM\u00daSICA<\/a> topaketa gosaria 5H aretoan. Topaketa honi esker Euskal Herriko eta Chileko musikaren profesionalak biltzeko networking gosari bat antolatuko dugu. Bi herrialdeetako profesionalek elkar ezagutzeko aukera izango dute. Parte hartzeko galdetegi hau<\/em><\/a><\/strong> bete behar da.<\/p>\n

Arratsaldean 15:15etan Speedmeeting aretoan Euskal Herriko eta Kolonbiako delegaritzaren arteko topaketa bat antolatuko dugu BIME Bogotan hasitako lan talde bilerari jarraipena emateko. Topaketa honen helburua etorkizunean Euskal Herriko eta Kolonbiako musikaren profesionalen arteko elkarlanak sustatzea da. Bertan parte hartzeko bete galdetegi hau<\/a>.<\/p>\n

URRIAK 26 OSTEGUNA<\/strong><\/p>\n

Goizeko 10etan, MIE Elkartea<\/a>rekin elkarlanean, \u2018Pizgarri fiskalak: musikaren industriarentzat aukera berriak\u2019<\/strong> topaketa<\/a> antolatuko dugu. 5H aretoan ospatuko den ekitaldian 2023an Bizkaiko Foru Aldundiak abiatu dituen pizgarri fiskalek eskaintzen dituzten aukera berriak izango ditugu ardatz. Inbertsoreek zuzeneko musikaren ekoizpeneko gastuak erosi eta horren ondorioz onura fiskalak izateak ate berri bat ireki dio zuzeneko musikari. Baina non daude inbertsore hauek? Nola saldu dezaket nire ekoizpenen gastua? Nola kudeatu behar dut tramitazio guztia? Galdera hauek erantzuteko Bizkaiko Foru Aldundiko Ogasun sailaren, Elkargiren eta Incentiva<\/a>ren parte hartzea izango dugu. Saioa amaitzeko networking gosaria antolatuko dugu.<\/p>\n

Euskal Herriko enpresa, profesional eta musikariei zuzendutako ekitaldi pribatu honetan parte hartzeko galdetegi hau<\/em> <\/a>bete behar da.<\/p>\n

Informazio gehiago hemen<\/a>.<\/p>\n

Programa:<\/strong><\/p>\n

10:00etan ongi etorria<\/p>\n

10:02 Bizkaiko Foru Aldundiari elkarrizketa<\/p>\n

10:22 Elkargi eta Incentiva mahai-ingurua<\/p>\n

10:42 Networking kafea<\/p>\n

Aldi berean, eta PRO 3 aretoan (0C aretoa)\u00a0Live DMA<\/a>k, BIMErekin,\u00a0Kultura Live-<\/a>ekin eta Musika Bulegoarekin elkarlanean, bi panel<\/a> antolatuko ditugu:<\/p>\n

10: 00etan, PRO 3 aretoan (0C aretoa) Zuzeneko musika eta jasangarritasuna Europan: ekintza eta aukerak!<\/strong><\/p>\n

Topaketa honetan Audrey Guerrek (Live DMA) eta Erica Romerok (Rockanrolla producciones) parte hartuko dute eta Arkaitz Villar (Musika Bulegoa, Kultura Live) izango da moderatzailea.<\/p>\n

10: 55etan eta aretoa beren, Zuzeneko musika eta bizilagunen kexak: zer irtenbide?<\/strong><\/p>\n

Audrey Guerrek (Live DMA) gidatuko duen mahai-inguru honetan Elda G\u00f3mez (ACCES) eta Lluis Torrents (Razzmatazz, ASSAC) arituko dira eta AGI SON elkartearen lana erakutsiko da.<\/p>\n

Bi panelei buruzko informazio gehiago kontsulta dezakezu hemen<\/a>.<\/p>\n

BIME LIVE<\/strong>ren programazioaren baitan, eta BASQUE. MUSIC-en babesarekin, NHIL, STR eta DIVORCE FROM NEW YORK taldeen showcase-a<\/a> izango da 19:40etatik aurrera Stage Live<\/a>\u00a0aretoan. Sarrera doakoa izango da lekua bete arte.<\/p>\n

URRIAK 27 OSTIRALA<\/strong><\/p>\n

BIME PROren azken jardunaldian, 11: 50etan PRO 3 aretoan (0C aretoa), \u2018Artistaren Estatutua ezartzeko erronkak<\/strong> \u2018 mahai ingurua antolatuko dugu Musikari elkartea<\/a>rekin elkarlanean. Marina Landa ikertzaile, musikari eta kultur kudeatzaileak gidatuko duen solasaldian Guillem Arnedo<\/a>k (Uni\u00f3n de M\u00fasicos<\/a>) eta Manuel L\u00f3pez-ek (Sympathy for the Lawyer<\/a>) parte hartuko dute.<\/p>\n

URRIAK 28 LARUNBATA<\/strong><\/p>\n

Musika Bulegoak BIMEren hamaikagarren edizioa STEREROROCKS x BIME<\/em><\/a> proiektua babestuz agurtuko du. Euskal Herriko musika elektronikoaren eszena dinamizatzeko helburua duen proiektu honen bigarrez edizioa izango da hau. Pasa den irailean deialdia zabaldu ondoren, antolakuntzak Celia Carrera<\/a>,\u00a0Hugo<\/a>\u00a0eta\u00a0Paul Larrozea<\/a> <\/strong>artistak huatatu ditu. Artistek larunbat goizaldean, 01:00etan \u00a0Kafe Antzoki<\/a>ko\u00a0Kutxa Beltza<\/strong>\u00a0aretoan egingo den\u00a0Stereorocks<\/strong>\u00a0jaian parte hartuko dute.<\/p>\n

Informazio gehiago esteka honetan<\/a>.<\/p>\n

 <\/p>\n