Eusko Jaurlaritzako Kultura eta Hizkuntza Politika Sailak kulturaren sustapenerako eta banaketarako diru-laguntzen deialdia iragarri berri du pasa den ekainaren bukaeran.
Deialdi honetan aurreikusitako laguntzak EAEko musika-taldeen edota errepertorioaren %75 baino gehiago euskaraz dutenen zuzeneko zirkuiturako sustapen-, merkaturatze-, nazioartekotze- eta banaketa-proiektuak finantzatzeko dira.
Deialdian izen-emateko baldintzak ulertzen, aurkeztu beharreko dokumentazioa zein den eta bestelako zalantzak argitzeko helburuarekin, Musika Bulegotik web-mintegi bat antolatu dugu.
Web-mintegian hitzegingo diren gaiak...
- Diru-laguntzara aurkeztu daitezkeen jarduera motak.
- Baldintza administratibo eta espezifikoak.
- Aurrekontuaren egituraketa.
- Balorazio irizpideak.
- Eskakizun-orria eta dokumentazioa.
- Ordainketa-modua.
- Justifikazioa.
Data eta izen emateak:
- Web mintegiaren data eta ordua: uztailaren 1a, asteartea, 11:00etan
- Iraupena: 60 minutu
- Hizkuntza: elebiduna.
- Non: Online (Zoom loturarekin)
- Lotura honetan izena ematea (ekainaren 30-eko 11:00ak baino lehen)
Hitzlariak:
Imanol Arana, Eusko Jaurlaritzako Kultura eta Hizkuntza Politika Saileko teknikaria.