Musika Bulegoak, Mujeres de la Industria de la Música (MIM) elkartearekin lankidetzan, "Berdintasunezko musika programazioak egiteko tresnak" webinarra antolatu du datorren astearterako, martxoak 11, 12:00etan. Doako online saio bat da, espazio publiko eta/edo pribatuetako musika-ekitaldien programazioaz arduratzen diren profesionalentzat zuzendua dagoena. Bertan, tresna praktikoak eskainiko dira kontzertu eta jaialdien plangintzan genero-ikuspegia txertatzeko.
Bilkuran Paula Ráez MIMeko idazkariak parte hartuko du, abokatua eta musikaren jasangarritasunean eta industrian espezializatutako aholkularia. MIM autoebaluazio-testa aurkeztuko da, tresna aitzindaria eta erakundeei aukera ematen diena berdintasunaren arloan duten jarduna aztertzeko eta emakumeen eta gizonen berdintasun eraginkorrerako 3/2007 Lege Organikoan eta 2030 Agendaren helburuetan oinarritutako gomendioak lortzeko.
Egitaraua:
- Musika programazioetako genero ikuspegiaren aurkezpena
- Autoebaluaziorako eta diagnostikorako tresnak
- Programazio berdinzaleagoak diseinatzeko estrategiak
Data eta izen emateak:
- Data eta ordua: martxoaren 11a, asteartea, 12:00etan
- Iraupena: 75 minutu
- Non: Online (Zoom esteka bidaliko da)
- Izen emateak esteka honetan martxoaren 10aren (astelehena) 14:00ak arte
Hizkuntza: gaztelania