Musika elektronikoari buruzko lehen nazioarteko kongresuak, Dantz Network Congress-ek, Euskal Herriko lau artistaren parte-hartzea izango du: Trigger, Lamia Mari, Ines eta Monet. Dantz-ek hautatutako musikari hauek beren proposamena aurkeztuko dute sektoreko profesionalen aurrean eta doako showcase bat eskainiko dute Donostian. BASQUE.MUSIC. eta Dantz-en arteko lankidetza-hitzarmenari esker, artista horiek kongresuan parte hartzeko aukera izango dute. Martxoaren 12tik 15era egingo da ekitaldia Kursaalen eta hiriko beste gune esanguratsu batzuetan. Nazioarteko adituak bilduko ditu, eta 40 jarduera profesional baino gehiago eskainiko ditu, besteak beste, hitzaldiak, tailerrak eta abangoardiako esperientzia sonoroak. Aukeratutako artistek pitching saio batean parte hartuko dute martxoaren 13an, 15:00etan Kursaalen, industria-sektoreko profesionalen aurrean beren proiektua aurkezteko. Hurrengo egunean, martxoaren 14an, bakoitzak 30 minutuko showcase bat eskainiko du Convent Garden-en (00:00 - 02:00), sarrera librearekin. Gainera, lau artisten artean bat hautatuko da 2025eko udan Helsingborgeko (Suedia) Dantz Point-en parte hartzeko. BASQUE. MUSIC. Musika Bulegoak koordinatzen duen eta Etxepare Euskal Institutuaren eta Eusko Jaurlaritzaren laguntza duen egitasmoa da. Honen helburua da euskal sormen-, kultura- eta arte-eszenatokiaren eta haren kultura- eta sormen-industrien nazioarteko sentsibilizazioa eta ikusgarritasuna areagotzea da.

Ezpalak taldeak BIME Bogotaren hurrengo edizioan parte hartuko du, 2025eko maiatzaren 6tik 9ra, BASQUE. MUSIC. plataformak antolatutako showcase batekin. Musika Industriaren Nazioarteko BIME Topaketa duela hamairu urte eman zion hasiera Bilbon, eta Amerikako kontinentean laugarren edizioa ospatuko du aurten maiatzean. Ezpalak 2024ko udazkenean argitaratu zuen ‘Gatza’ bere laugarren diskoa. Lan berri hau beraien zigiluarekin (Patana Records) autoeditatu duten lehena da eta 2025eko apirilean hasiko dute aurkezpen bira. Maiatzaren 6ean aurkeztuko dute diskoa Kolonbiako hiriburuan. BIMEk 50 herrialde baino gehiagoko musika-industriako profesionalak biltzen ditu urtero. Bogotan gauzatuko den edizioaren programak bere horretan mantentzen ditu nazioarteko erreferentziazko ekitaldi gisa kokatu duten esentzia eta espiritu berritzailea. Ezaugarri hauek merkatuaren baitan jorratuko diren gaien zabaltasunean islatzen da: joera artistikoak, jaialdiak, garapen jasangarria, berrikuntza teknologikoa, musika grabatua eta zuzenekoa, plataformak, startupak edo lege-esparruak, horiek baitira paneletan, tailerretan eta master-class-etan eztabaidatuko diren gaietako batzuk. BASQUE. MUSIC. Musika Bulegoak koordinatzen duen eta Etxepare Euskal Institutuaren eta Eusko Jaurlaritzaren laguntza duen egitasmoa da. Honen helburua da euskal sormen-, kultura- eta arte-eszenatokiaren eta haren kultura- eta sormen-industrien nazioarteko sentsibilizazioa eta ikusgarritasuna areagotzea da.