Espainiako Gobernuko Kultura eta Kirol Ministerioak kultura- eta sormen-industriak modernizatzeko eta berritzeko 2023ko laguntzak eskatzeko deialdia ireki du.
Honako sektore hauetako batean jarduten duten kultura- eta sormen-industriak modernizatzen eta berritzen lagunduko duten proiektu digitalak edo teknologikoak finantzatzea da helburua: arkitektura, ikus-entzunezko arteak, arte eszenikoak, arte plastikoak eta ikusizkoak, arte interaktiboak, zinema, diseinua, kultura-kudeaketa, liburuak, moda, musika eta dantza, komunikabide berriak, kultura-ondarea, publizitatea, irratia eta telebista eta kultura-turismoa.
Horien onuradun izan daitezke Langile Autonomoen Araubide Berezian inskribatutako profesionalak eta enpresa txikiak eta mikroenpresak, Espainiako nazionalitatea dutenak, Europar Batasuneko edozein estatu kidetakoak edo Europako Esparru Ekonomikoari buruzko Akordioa sinatu duten estatuetakoak, baldin eta egoitza fiskala Espainian badute eta eskaerak aurkezteko epea amaitzen denean legez eratuta badaude.Deialdiari gehienez 2.940.000 euro egotz dakioke, eta eskabideak aurkezteko epea 2023ko maiatzaren 5etik 26ra arte egongo da zabalik, 14:00etan.
Informazio gehiago:
