Euskadiko Kultura eta Sormen Industriak (KSI) azeleratzeko proiektuetarako dirulaguntzak, Europar Batasunaren Next Generation EU funtsak finantzatutako Suspertze, Eraldatze eta Erresilientzia Planaren esparruan. Deialdi honen bidez, Euskal Autonomia Erkidegoko kulturaren eta sormenaren sektoreetako profesionalek ekintzailetza- eta finantza-arloko trebetasunak lortu ahal izango dituzte,2022-2023 aldirako.

Jarduera-ildo horren bidez, azelerazio-prozesuen pean dauden Kultura- eta Sormen-enpresei diziplina anitzeko laguntza eman nahi zaie, enpresa horietan integratutako profesionalek ekintzailetza eta finantza-trebetasunak eskuratuz, beren potentziala hazteko eta garatzeko aukera izan dezaten, eta, horrela, ekonomia erakartzeko eta enplegua sortzeko gune izan daitezen.

Laguntza hauen xede diren proiektuek helburu hauek izango dituzte:

• KSIetako enpresa- eta lanbide-sarearen hazkundea azeleratzea.
• Kultura digitalerako eraldaketa bultzatzea eta KSIetan teknologia berriak sartzea.
• KSIetako arteko eta KSIen eta beste sektore ekonomiko batzuen arteko loturak ahalbidetzea.
• KSIetako finantzaketa-aukerak hobetzea.

Proiektu horrek bi lerroetako jarduerak jaso behar ditu:

• 1. Lerroa (Aholkularitza) Kulturaren eta sormenaren sektoreetako profesionalen ekintzailetza- eta finantza-arloko trebetasunak lortzeko laguntza, mentoretza, eta komunikazioaren, nazioartekotzearen edo finantzaketaren esparruko prestakuntza.
• 2. lerroa (Kapital-inbertsioa) 1. laguntza-lerrotik sortutako enpresa-proiektu berrietarako laguntza. Besteak beste, laguntza-eremu hauek jasotzen dira: ibilgetu materiala, ukiezinak eta beste batzuk.

Aurrekontua: 1.994.383,28 euro. 

Proiektu bakoitzeko gehieneko zenbatekoa: 100.000 euro.

• Gehieneko zenbatekoa 1. lerroan (Aholkularitza): 30.000 euro. Laguntza-planaren kostuaren % 80ra arteko dirulaguntza emango da (gastuaren % 60 2022. urteari dagokio, eta gainerako % 40a2023. urteari). Eskatu beharreko gutxieneko zenbatekoa 1.000 eurokoa izango da.
• Gehieneko zenbatekoa 2. lerroan (Kapital-inbertsioa): 70.000 euro. Inbertsioaren kostu osoaren % 80ra arteko dirulaguntza emango da (gastuaren % 60 2022. urteari dagokio, eta gainerako % 40a 2023. urteari). Eskatu beharreko gutxieneko zenbatekoa 5.000 eurokoa izango da.

Eskabideak aurkezteko urriaren 21etik azaroaren 10era arte izango da.

Informazio gehiago eta izen-ematea: Kultura- eta Sormen-Industrien Azeleratzaileak deialdia (22/23)

Partekatu