‘Basque Music’ at BIME 2018: Speedmeetings-saioa profesionalentzat

Basque Music ekimenak, BIME prorekin adostutako akordioari esker, management-arloko euskal agente profesionalei zuzendutako deialdia kaleratu du, BIMEren egitarau ofizialaren barruan egingo den speedmeetings-saioan parte har dezaten, urriaren 25ean, BECen.

Nazioarteko jaialdietako, aretoetako eta bestelako agente profesionalak bilduko direnez, gure artistak ezagutzera emateko aukera ona izango da. Basque Music eta BIME Proren antolatzaileak lanean ari dira saiora profesionalik onenak ekartzeko.

Topaketan gehienez 15 euskal enpresa izan daitezke partaide, eta, horretarako, honako inprimaki hau bete behar da uztailaren 26a baino lehen. Izena eman duten enpresak 15 baino gehiago badira, hautaketa egingo da eta lehentasuna izango dute bai Musika Bulegoko bazkideek,  bai BIME City ekitaldiaren barruan Basque Musicek antolatuko dituen showcase-etan parte hartuko duten artisten enpresek.

Basque Music ekimenaren sustatzaileak honako hauek dira: Musika Bulegoa, Etxepare Euskal Institutua eta Euskadiko Soinuak (Kultura Sustapena – Eusko Jaurlaritza).

Informazio gehiago: info@test.nuco.es // 945 123 391