Jarduerak
Gurekin, gure musika ozenago entzuten da.
Musika non, gu han. Euskal Herriko musika dagoen lekuetan presente egon nahi dugu eta sektorearen erakusleiho izan. Sektorearen ikusgarritasuna bermatu.
Musika non, gu han. Euskal Herriko musika dagoen lekuetan presente egon nahi dugu eta sektorearen erakusleiho izan. Sektorearen ikusgarritasuna bermatu.
Beste erakundeekin elkarlana talentu berria bultzatzeko.
Euskal Herriko musika sektore osoari aitortza egiten diogu urtero Musika Bulegoa Sarien bidez. Gure sektorea balioan jartzeaz gain, sari hauek bertako proiektuak sustatzeko, ezagutarazteko eta bultzatzeko bokazioa ere badute.
Urtero 2.000€ko 9 sari banatzen dira euskal kulturari egindako ekarpenagatik nabarmentzen diren proiektuei. Honez gain, Ohorezko Saria eta Publikoaren Saria ematen dira.
Fernando Mikelarenaren eskultura bat ere jasotzen dute sarituek.
Kultura-sektoreko profesionalez osatutako epaimahaiak (musikariak, kazetariak, musika programatzaileak eta hezkuntza mundutik datozen pertsonak) aurkeztutako proiektuen artean 8 aukeratzen ditu.
Etxepare Euskal Institutuak euskal musika gure mugetatik kanpo zabaltzeko egindako lanagatik aitortzen duena.
Musika Bulegoaren Zuzendaritza Batzordearen sari berezia. Musika-jarduerarekin zerikusia duen pertsona edo erakunde bati, prestakuntza, sentsibilizazioa edo zabalkundea bezalako arloetan proiektu aipagarri bat garatzeagatik.
Euskal artisten talentua jarraitzen dutenei ahotsa emateko asmoz sortutako saria. Lehen hautaketa prozesu baten ostean publikoari bere artista gogokoena aukeratzeko aukera ematen zaio.
Urtean zehar hainbat egitasmo antolatzen ditugu:
Musikaren sektorean LGTBIQ+ kolektiboak duen espazioa aldarrikatzeko eta ikusarazteko erreferentziazko topaketak dira. Ekimen honen barruan askotariko ekintzak antolatzen dira kolektiboaren barruan dauden sortzaile eta profesionalen egoeraz eztabaidatu eta hausnartzeko, besteak beste: mahai-inguruak, hitzaldiak eta kontzertuak.
Euskal Herriko haur eta gazteak musika klasiko eta garaikidera hurbiltzeko egitasmoa da. 10-11 urteko 2 ikastetxeetako haurrek 2 konpositorerekin lanean aritzen dira sorkuntza prozesu batean eta amaieran kontzertua eskaintzen dute sortutako musika-lanak aurkezteko. Musikagileak eta Donostia 2016ek sortutako proiektua da, 2019tik aurrera Musika Bulegotik aurrera eramaten duguna.
