Verde Prato ESNS 2026ko kartelaren parte izango da BASQUE.MUSIC.-en eskutik, euskal musikaren nazioarteko proiekzioa indartuz Europako erakusleiho profesional garrantzitsuenetako batean. ESNS Europako musika-sektorearen urteroko topagune nagusia da. Urtarrilero nazioarteko 4.000 ordezkari, 400 jaialdi baino gehiagoko programatzaileak, agentziak, hedabide espezializatuak eta mundu osoko profesionalak biltzen ditu Groningenen (Herbehereak). Bere misioa argia da: herrialde bakoitzean sortzen ari diren eszena musikalak bultzatzea eta bere artistentzat aukera berriak irekitzea. Testuinguru horretan, Verde Pratoren presentzia aukera handia da bere proposamena nazioarteko industriaren aurrean kokatzeko. Tolosako artistak bere showcase-a eskainiko du urtarrilaren 16an, 19:30ean, USVA aretoan, jaialdiaren egitarau ofizialaren barruan. Verde Pratoren parte-hartzea BASQUE.MUSIC.-en ibilbideari gehitu behar zaio ESNSen, non azken urteetan EZEZEZek (2025), Divorce from New York-ek (2024), Merina Gris-ek (2023) eta Zetak-ek (2023) parte hartu duten. Lan-ildo horrek sendotu egiten du euskal presentzia Europako talentua aurkitzeko plataforma garrantzitsuenetako batean. BASQUE.MUSIC. Musika Bulegoak koordinatuta, BASQUE.MUSIC. Euskal Herriko musika-industriaren nazioartekotze marka da. Mundu osoko merkatu eta jaialdietan euskal musikaren sortzaile, musikari, diskoetxe eta ordezkaritza-agentziak sustatzeko plataforma da. BASQUE.MUSIC.-ek Etxepare Euskal Institutua eta Eusko Jaurlaritza ditu babesle.

TOC eta Euskoprincess hautatu dituzte BASQUE.MUSIC.-en showcase-an parte hartzeko, Puerto de Santa Marian (Andaluzia) egingo den Monkey Week azokan. 2025eko edizioa azaroaren 20tik 22ra ospatuko da. Hernaniko Euskoprincess artistak 2025ean hainbat single argitaratu ostean, ekainean kaleratu zuen bere lehen disko luzea, "Totosaki". Bestalde, TOC talde bizkaitarra 2024an arrakasta handiarekin argitaratutako "Jaioak Hiltzea Zor" diskoa aurkezten izango da Puerto de Santa Marian. Emanaldiak honako egun eta areto hauetan izango dira: - Euskoprincess – Azaroak 21, ostirala. 20:00etan. Jägermusic agertokia - TOC – Azaroak 22, larunbata. 21:15ean. Milwaukee aretoa (AIE agertokia) BASQUE.MUSIC. Musika Bulegoak koordinatuta, BASQUE.MUSIC. Euskal Herriko musika-industriaren nazioartekotze marka da. Mundu osoko merkatu eta jaialdietan euskal musikaren sortzaile, musikari, diskoetxe eta ordezkaritza-agentziak sustatzeko plataforma da. BASQUE.MUSIC.-ek Etxepare Euskal Institutua eta Eusko Jaurlaritza ditu babesle.