Urtero 300 kontzertutik gora antolatzen duen jaialdia da Focus Wales. Tokiko artista berriekin batera nazioarteko talentu berria bultzatzea helburu duen ekimen honek urtarrilaren 17an itxiko du 2022ko maiatzaren 5etik 7ra egingo den edizioan parte hartzeko deialdia.
Focus Wales irabazi asmorik gabeko erakunde bat da. Urtero antolatzen den jaialdiak Galeseko musika industria bultzatzeko asmoa du. Wrexhamen egiten den nazioarteko Showcase jaialdiak Galeseko talentua nazioartean erakusteko asmoa dau eta horrekin batera nazioarteko proposamenak erakutsi. 2022ko jaialdia 11. edizioa izango da eta 15.000 lagunetik gora batuko dira bertan. Hirian zehar banatuko diren 20 eszenatikotan 250 artista baino gehiagok parte hartuko dute. Zuzeneko musikarekin batera musikaren industriaren topaketak, film emanaldiak, arte erakusketak eta beste hainbat ekitaldi antolatuko dira.
Proposamenak aurkezteko deialdia 2022ko urtarrilaren 17an amaituko da eta esteka hau erabili behar da.
