Sara Azurza abeslari eta konpositore donostiarra hautatu dute Balear Uharteetan antolatzen den Fira B! musika merkatu profesionalean BASQUE. MUSIC. showcase-an parte hartzeko. Kontzertua azaroaren 8an izango da Mallorcan.
Sara Azurzak Jon Agirrezabalagak (El Tigre Studios) ekoitzitako "Hiri ilunen umeak" disko berria aurkeztuko du. Albumak zortzi abesti biltzen ditu — sei euskaraz eta beste bi gaztelaniaz —, bere soinu-unibertso berezia islatzen dutenak, indie, soul eta elektronika biltzen dituena.
Gainera, Sergio Cruzado (Ginmusica) programatzailea hautatu du Fira B!-k aurtengo edizioan parte hartzeko, euskal presentzia indartuz.
Azaoaren 6tik 8ra antolatuko diren jarduera profesionaletan mahai-inguruak, speed meeting saioak eta lan saio ezberdinak antolatuko dituzte.
Musika Bulegoak koordinatuta, BASQUE.MUSIC. Euskal Herriko musika-industria nazioartekotzeko marka da, mundu osoko merkatu eta jaialdietan euskal musikaren sortzaile, musikari, diskoetxe, ordezkaritza-agentzia eta kontratazio-agentziak sustatzeko plataforma. BASQUE. MUSIC. -ek Etxepare Euskal Institutuaren eta Eusko Jaurlaritzaren babesa du.
