BIME Bilbaoren hamahirugarren edizioa urriaren 28tik 31ra egingo da Euskalduna Jauregian. Azoka honek mundu osoko musika-industriako profesionalak biltzen ditu, eta sektoreko hitzordu nagusietako bat da Europan eta Latinoamerikan.
Musika Bulegoak hainbat jarduera prestatu ditu sektoreko eragileen arteko elkarrizketa bultzatzeko, ezagutzak partekatzeko eta Euskal Herrian sortutako eta ekoitzitako musika bultzatzeko. Guztiak BASQUE. MUSIC. markaren pean antolatzen dira.
BIME egunetan zehar, BASQUE. MUSIC.-ek stand propioa izango du azokan parte hartzen duten euskal profesionalen eskura. Gainera, Musika Bulegoak honako jarduera hauek antolatu ditu:
URRIAK 28, ASTEARTEA
10:00 – 11:30 · Euskal Herria – LATAM lankidetza profesionaleko foroa
EXTRA/5B aretoa
Jarduera honetan, Euskal Herriko musikako profesionalek Latinoamerikako hainbat herrialdetako profesionalak ezagutzeko aukera izango dute. Saioak gosaria barne hartuko du.
Parte hartzeko, formulario honetan izena eman dezakezu urriaren 22a baino lehen.
URRIAK 29, ASTEAZKENA
12:45 – 14:15 · Pitch perfektua
BIMEk eta Peermusicek elkarlanean antolatutako pitch saio honetan, Euskal Herritik etorritako proposamen batek parte hartu ahal izango du. Beste hamaika musika proposamenekin batera, Alex Hackford, Jonathan Finegold eta Sandra González nazioarteko musika ikuskatzaile ezagunen aurrean bere proiektua aurkezteko aukera izango du.
Izena emateko deialdia hemen dago zabalik urriaren 13ra arte.
20:30 · BASQUE. MUSIC. showcase: Txopet, Maloa Brothers eta Marte Lasarte
Stage Live aretoa
BIME Live jaialdiaren barruan, Txopet, Maloa Brothers eta Marte Lasartek kontzertu irekia eskainiko dute, sarrera doan.
URRIAK 31, OSTIRALA
15:00 · KEXP aurkezleak: Merina Gris
Enkarnazioaren eliza.
Ameriketako Estatu Batuetako KEXP hedabideak saio berezi bat grabatuko du Merina Grisekin Enkarnazioaren Elizan, nazioarteko musika proposamen berriak nabarmentzeari eskainitako sortaren barruan.
