MUST+PRO 2026 ekimenaren bigarren edizioak baditu protagonistak. Musika Bulegoak bultzatutako deialdia itxi ondoren, LIVE eta SAREAN showcase-etan parte hartuko duten 16 musika proposamenen berri eman da. Bi formatu bereizi horiek artistak sektoreko profesionalekin konektatzeko diseinatu dira.
Xabi Aburruzaga, Yko Project, Barrrk, Mugarri, Eder Portolés, Xsakara, Del Val eta Aimarz izan dira hautatutako proiektuak, SAREAN modalitatean, Euskadiko Antzokien Sareko programatzaileen aurrean 10 minutuko aurkezpen laburrak egiteko. Aurkezpen horiek maiatzaren 13an izango dira, goizez, Bilborock aretoan, eta ondoren networking saio bat egingo da.
Bestalde, LIVE modalitateak 30 minutuko showcaseak izango ditu, publiko profesional zein orokorrarentzat irekiak, eta Maloa Brothers, Julie, Haize Rosa, Heitxi, Bea Asurmendi, Olivia Orell, Supercremalleras eta Caballos Yonkis taldeen emanaldiak izango dira. Kontzertuak maiatzaren 13an eta 14an izango dira, baita Bilborocken ere, arratsaldeko ordutegian.
Hautaketa honekin, MUST+PROk Euskal Herriko musika sektoreko profesionalentzako urteroko topagune izateko helburua indartzen du, erakusketa artistikoko espazioak eta parte hartzen duten proiektuentzako konexio, zirkulazio eta garapen aukera errealak konbinatuz.
Egitaraua eta informazio gehiago hemen
