Musika Bulego elkarteak antolatutako Musika Bulegoa Sarien 9. edizioak Publikoaren Saria ospatuko du bigarren urtez jarraian. Epaimahai profesional batek emango dituen sariez gain, musikazaleek 2024ko disko, kontzertu edo proposamen gogokoenaren aldeko botoa eman ahal izango dute gaurtik aurrera, 30 finalisten artean aukeratuta.
Pertsona bakoitzak behin bakarrik eman ahal izango du bere artista gogokoenaren aldeko botoa, Musika Bulegoak horretarako prestatu duen bozketa-plataformaren bidez. Bertan, izendatutako lan bakoitzari buruzko informazioa aurki daiteke, baita Spotify, YouTube edo SoundCloud-en entzuteko estekak ere.
Bozketa fasea 2025eko apirilaren 28an, asteazkena, itxiko da, 23:59an. Une horretan boto gehien jaso dituen hautagaitzak irabaziko du Publikoaren Saria, eta maiatzaren 14an Gasteizko Jimmy Jazz aretoan egingo den galan iragarriko da gainerako irabazleekin batera.
Gainera, bozketan parte hartzen duten guztien artean, 4 sarrera bikoitz zozketatuko dira Izaki Gardenak-ek sari banaketaren ondoren eskainiko duen kontzertura joateko.
ESAS-ek jaso zuen pasadan urteko Publikoaren Saria.
Musika Bulegoa Sariak Musika Bulego Elkartearen ekimena da, eta Euskal Herrian sortutako musikari balioa ematea du helburu. Bederatzigarren edizio honetan Eusko Jaurlaritzako Kultura eta Hizkuntza Politika Sailak, Laboral Kutxak, Bizkaiko Foru Aldundiak eta Gasteizko Udalak babesle nagusi gisa, Etxepare Euskal Institutuak, Gipuzkoako Foru Aldundiak, Gasteizko Foru Aldundiak eta Sympathy for the Lawyer abokatu bulegoak babesle gisa, eta SGAE Fundazioak eta Jimmy Jazz aretoak laguntzaile gisaparte hartu dute.
Komunikabide-laguntzaileak: EITB, Berria eta Noticias taldea.
