Valentziako Fira de la Música Trovam – Pro Weekend azokak hurrengo ediziorako proposamen artistikoak aurkezteko epea ireki du. Aurten, 2023ko azaroaren 9tik 11ra izango da, Castellonen. Proposamen artistikoak aurkezteko deialdia zabalik dago apirilaren 7ra arte.
Parte hartzeko proposamenak jaialdiaren deialdi ofizial beretik aukeratuko dira. Beraz, parte hartu nahi duten artistek lehiaketaren deialditik bertatik aurkeztu beharko dituzte proposamenak.
Taldeek, gutxienez, disko edo EP editatu bat izan behar dute, baita audio eta bideo material erabilgarria ere. Bestalde, estilo guztietako sortzaileak aurkez daitezke egungo musiken esparruan (popa, rocka, jazza, folka, elektronika, hiritarra, jazza, mestizajea, etab.). Kontsultatu oinarri guztiak esteka honen bidez.
Azoka honen aurreko edizioetan parte hartu duten euskal taldeetako batzuk Merina Gris (2022), Liher (2021), Bulego (2021) edo Zetak (2020) izan dira.
