2022ko Musikaren Urtekaria

Zazpigarren urtez, Musika Bulegoak zure esku jartzen du Musikaren Urtekaria. Pasa den 2022. urtean Euskal Herriko musikaren alorrean izan ditugun une aipagarrienetako batzuk jasotzeko nahia du argitalpen honek. Era berean, begirada anitz eta osagarriak bilatu eta musikaren alorreko eragile ezberdinei ahotsa emateko helburua du.

2022 urteak zenbait ekarpen on ekarri dizkigu euskal musika sektorearentzat. Alde batetik, pandemia globala lasaitu izanak, berriz ere publikoaren gertutasuna sentiarazteko aukera eman digu; bestetik, hainbat urte itxaroten ari ginen Artistaren Estatutuari emandako bultzadak musikari eta teknikariei lasaitasun pixkat eman die, nahiz eta argi daukagun zentzu honetan lanean jarraitu behar dugula egoera hobeago bat lortu arte. Esperientzia guzti hauek Musika Bulegoari hausnarketa sakona egiten lagundu diote eta gertatutakotik ikasgai garrantzitsuak atera ditugu; aurtengo Urtekaria ikasketa horietako askoren isla dela uste dugu.

Urtekari honen orrialdeek askotariko gaiak ukitzen dituzten artikuluak biltzen dituzte. Hala nola, pandemia osteko irekiera, Euskal musikaren nazioartekotzea, abestien esanahiak, jaialdiak, zuzeneko musika, Artistaren Estatutua, buru-osasuna, tendentzia berriak, LGTBIQ+ musikaren industrian, etab. Guzti hauek, Musika Bulegoarentzat 2022a izan zenaren mosaikoa osatzen dute.

 

Kolaboratzaileak

-Almudena Heredero

-Aiora Marigil

-Jon Bagüés

-Marina Landa

-Ruth Manzano

-Raquel Andueza

-Amalur Artola

-Myriam Miranda

-Arkaitz Villar

-María José Cano

-Rosana Corbacho

-Iker Bárbara

-Guillermo Lauzurika

-Mikel Zumeta

-Pernan Goñi

-Mikel Chamizo

-Amaia Ereñaga

-Harri X. Fernández

 

2022ko urtekaria doan deskarga dezakezu hurrengo irudian klik eginez. Musika Bulegoko bazkide bazara, kopia bat jasoko duzu zure etxean.