Kultura Eskola katalogora proposamenak aurkezteko epea zabalik
Partekatu
Kultura Eskola programak 2023-2024 biurtekorako jardueren katalogoa eguneratuko du. Gipuzkoako Foru Aldundiko Kultura Departamentuak sustatuko programa lurraldeko Bigarren Hezkuntzako (12-16 urte bitarte) ikastetxeei zuzentzen zaie, eta honako xede hau du: ekintza artistiko eta kulturalaren aurrean sentsibilitate handiagoa eta irizpide hobea sortzea eta publikoak berritzen laguntzea, sortzaileen eta kultura eragileen proposamenen bidez. Hainbat diziplinatako proposamenak biltzen ditu Kultura Eskola programak, hala nola antzerki, dantza, musika, arte plastikoen, ikus-entzunezkoen, literatura eta kultura-ondare alorretakoak.
Apirilaren 17ra arte proposamen berriak bidaltzeko aukera dago katalogoan sartzeko, bai eta lehendik eskaintzen diren jarduerei dagozkien aldaketak eskatzeko ere. Pertsona fisiko edo erakunde bakoitzak ezin izango ditu bere izenean eduki bi proposamen desberdin baino gehiago
Nola parte hartu?
Kultura Eskola katalogoan proposamenak sartzeko irizpideak eta prozedura
- Katalogoan proposamenak sartzea eskatu ahal izango dute arte eta kultura jarduerak egiten dituzten pertsona fisikoek zein juridikoek, baldin eta eranskin honetan jasotzen diren irizpideak eta baldintzak betetzen badituzte eta zerbitzu horiek emateagatik fakturatu ahal izateko legezko egoeran badaude.
- Pertsona edo erakunde bakoitzak ezin izango du bere izenean bi proposamen baino gehiago eduki katalogoan.
- Ezin izango dira katalogorako aurkeztu Gipuzkoako Foru Aldundiko beste dirulaguntza lerro batzuek finantzatutako erakundeen, kultur espazioen eta museo zentroen ohiko dinamiken barruan antolatzen diren ekimenak.
Jarduerek bete beharreko baldintzak
Proposatutako arte eta kultura jarduerek honako baldintza hauek bete behar dituzte:
- Honako esparru hauetako batekoa izatea: antzerkia, dantza, arte plastikoak eta ikus-entzunezkoak, musika, kultura ondarea eta literatura.
- DBH eta OLHko ikasleentzat izatea, hau da, 12 eta 16 urte bitarteko ikasleentzat.
- Eskolako ikasgai batekin zerikusia izatea.
- Ikasleen parte hartze aktiboa bultzatzea.
- Genero berdintasuna bermatzea, bai edukietan bai eta hartzaile gisa dituzten ikasleen artean.
- Inklusiboak izatea, era guztietako gaitasun intelektual eta motorretarako.
- Komunikazioko hizkuntza euskara izatea.
- Jarduera bakoitzak saio bakarra edo gehiago izan ditzake. Saio baten gutxieneko iraupena 50 minutukoa izango da, eta jarduera osoa ezin izango da 15 ordutik gorakoa izan.
- Jardueraren prezioari dagokionez, aurrekontu unitatetzat hartuko da jarduera baten kostu osoa, –jarduera guztiz egiteko beharrezkoak diren saioak barne– ikasle talde bakoitzeko. Jardueraren prezioa ez da 3.000 eurotik gorakoa izango.
Kontsultatu oinarri guztia esteka honetan edo Kultura Eskolaren webgunean.
Partekatu
Hauek ere interesatuko zaizkizu
2024/03/14DeialdiaDeialdia amaitu da
Deialdia: Musika Eguna ospatzen
Musika Bulegoak deialdi berri bat jarri du abian, musikaren kontsumoa sustatzeko eta musika gizartera hurbiltzeko jarduerak eta ekimenak bultzatzeko. Aurkezten diren jarduerak Musikaren Eguna (E-21)…
2024/02/12Berriak,DeialdiaDeialdia amaitu da
Ireki da Sareako programatzaileen aurrean proposamenak aurkezteko epea
Euskal Herriko Musika Bulego Elkarteak (EHMBE) SAREAko programatzaileen eta musikaren sektoreko profesionalen arteko topaketaren zazpigarren ediziorako musika proposamenak aurkezteko epea ireki du.…
2024/02/06DeialdiaDeialdia amaitu da
WOMEX 2024 azokan proposamenak aurkezteko deialdia ireki dute
Munduko musikan eta folk doinuetan oinarrituta dagoen Womex azokaren 30. edizioa Manchester-en (Erresuma Batua) ospatuko da urriaren 23tik 27ra bitartean. Programazio ofizialera proiektu artistikoak…
2024/01/23DeialdiaDeialdia amaitu da
VillaSoundBilbaoren laugarren edizioan parte hartzeko deialdia, zabalik
Bilboko Udalak talde eta artista gazteei zuzendutako deialdia zabaldu du, VillaSoundBilbao jaialdiaren laugarren edizioan parte hartzeko. Helburuak, musikaren sektoreko artista gazteen sorkuntzak…
2024/01/16Deialdia,MB NazioartekotzeaDeialdia amaitu da
MMVV-en 36. edizioan parte hartzeko deialdia ireki dute
Mercat de Música Viva de Vic azoka profesionalaren 36. edizioa irailaren 18tik 21era egingo dute. Proposamenak aurkezteko deialdia irekita dago eta martxoaren 31an amaituko da. Horretarako orrialde…