Amorante, Manresako Fira Mediterrània azoka profesionalaren 24. edizioan

2020ko edizioan Covid 19ari aurre egiteko azoka birtuala eta presentziala antolatu ondoren, Manresako Fira Mediterrània-k 24. edizioa ospatuko du urriaren 14tik 17ra, pandemiaren ondorioz azken edizioan egin ezin izan zen jardueraren zati bat berreskuratuz. Malgutasunaren kontzeptua ahaztu gabe egingo du.

Firak jarduera osoa aurrez aurreko formatuan egitea planteatzen du (jarduera profesionalaren zati handi bat on line jarraitzeko aukerarekin); Manresako erdigunea sendotuko du indartuko du profesionalen elkargune gisa (PRO gunea); herri-kulturaren elkarguneak berpiztuko ditu programazio artistikoan hainbat proposamen eginez, eta Fira Plaza sortuaz, hainbat jarduera espezializaturekin.

PRO gune berria hiriko erdigunean

Firaren jarduera profesionala Manresako erdigunean kokatutako eremu berri batean egingo da. Patio del Casino Firara joango diren profesionalen topagunean bilakatuko da. PRO gune hau biltzeko gune nagusia izango da, arte eszenikoen eta musikaren harremanetarako eta salerosketarako gunea hain zuzen ere. Ekitaldiak Taberna de la Firan,  Fira Mediterràniaren egoitzan (Casa Lluvià), Kursaal eta Conservatori antzokietan, eta Plana de l ‘Om Auditoriumean burutuko dira, besteak beste.

65 proposamen artistiko

Programazio artistikoak atzean uzten ditu iaz programatutako 46 ikuskizunak, eta 2019ko zifretara itzultzen da 65 proposamenekin. Horietatik 41 estreinaldiak dira (off atalekoak kontuan hartu gabe).

Euskal Herriko ordezkaritzari dagokionez Amorantek kontzertua eskainiko du Manresako Fira Mediterrànian Etxepare Euskal Institutuak azokarekin duen akordioari esker. Horretaz gain Los Sara Fontán talderarekin batera sortutako ikuskizun bat ere estreinatuko du. Ikuskizun hau Azpeitiako Dinamoan eta Manresan egiten ari diren egonaldi artistiko baten ondorioa izango da.