Artistas en Ruta zikloan parte hartzeko deialdia zabalik irailaren 30era arte

AIE erakundeak (Entidad de Gestión de los Artistas Intérpretes o Ejecutantes de la música) antolatzen duen “Artistas en ruta” estatu mailako zirkuituak hurrengo zikloan parte hartzeko proposamenen deialdia zabalik du irailaren 30era arte.

“Artistas en Ruta” zuzeneko musika indartzeko eta talentu berriak publikoari hurbiltzeko programa bat da, herrialde osoko zuzeneko musika lokaletako emanaldien zirkuitu baten bidez.

Hautatutako proposamenak 2023ko lehen zikloan hartuko dute parte (urtarriletik ekainera). Hemen kontsulta dezakezu deialdiaren inguruko informazio guztia.