BELAKORI elkarrizketa “Kontzertuetan jendea berriro zutik eta saltoka ikusteak oso zoriontsu egiten gaitu”
Partekatu
Iaz sarituak izan zineten. Zer suposatzen du zuentzat honelako sari bat jasotzeak?
Ohorea da sari bat jasotzea eta gehiago zure lana saritzen denean. Baina kasu honetan, pandemiarekin eta musika mundua nola zegoen ikusita, garrantzitsuagoa izan zen guretzat. Plastic Drama diska, pandemia erdian atera genuen eta ezin izan genuen guk nahi genuen moduan aurkeztu, kontzertu pila bat bertan behera geratu zirelako. Horregatik sari hau jasotzeak asko suposatu zuen guretzat.
Musika Bulegoa Sariak Euskal Herri mailan dauden sari garrantzitsuenak dira. Sektorearentzako honelako aitortzak egotea garrantzitsua al da?
Oso garrantzitsua. Bai pandemia garaian eta baita honetatik kanpo ere. Musika oso ahul dagoela esan dezakegu, oso zaila da proiektu bat aurrera eramatea eta nolabaiteko aitortza jasotzea beti da pozgarria.
Pandemia garaian egindako lan batengatik sarituak izan zineten. Nolakoa izan zen horrelako egoera batean lan egitea?
Oso zaila. Gu musikatik bizi gara eta baita gure inguruan dauden teknikariak, managerrak… Musikatik baino gehiago, kontzertuetatik bizi garela esan genezake eta hauek ez daudenean, edo murrizten direnean, egoera zailagoa bihurtzen da. Hala ere, era batera edo bestera aurrera ateratzen saiatu ginen, kontzertuak jotzeko ideiak pentsatuz edo pandemiatik kanpo egiten ez ditugun gauzak eginez. Talde bezala bizirik segitzea lortu genuen eta hori ez da gutxi.
Zuena bezalako taldeek publikoa behar dute. Eszenatokietatik kanpo horrenbeste denboraz ibili ostean, zer moduzkoa izan da berriro oholtza gainera igotzea?
Onena, dudarik gabe, jendea berriro ere zutik ikustea izan da, oraindik musukoarekin, baina salto handia izan da hori. Publikoa eserita dagoela kontzertu pila eman ditugu eta alde positiboa bilatzen saiatu ginen. Errepertorioak aldatu behar izan genituen, abesti asko birmoldatu ere, normalean joko ez genukeen antzokietan jo dugu eta musikari bezala erronka desberdinak gainditu ditugu. Baina jendea berriro zutik eta saltoka ikusteak oso zoriontsu egiten gaitu
Zer espero duzue 2022 honetan? Badirudi normaltasuneranzko bidea berreskuratzen ari garela…
Guztiz. Momentuz, kontzertu “normalak” ematen ari gara eta Estatu Batuetan bira batean izan gara. Honetaz gain Mexiko, Ingalaterra eta Alemaniatik ere pasatuko gara. Oraindik ezin dugu sinetsi. Horrela jarraitzea espero dugu eta pandemia laster guztiz bukatzea ere.
Lan berria kaleratu eta apirilean estreinatuko duzue. Zer aurkituko du entzuleak bertan?
Pandemia garaian atera genuen Plastic Drama diskaren edizio berezia izango da, bertan nazioarteko artista askoren ‘remix’-ak egongo dira… Crystal Fighters, The Vaccines, Wolf Alice, Hinds, Delaporte… Bezalako taldeekin kolaboratu dugu eta ilusio asko egiten digu lan hau kaleratzeak. Pandemian atera genuenez, diskoaren bizitza pixka bat luzatu nahi izan genuen eta miresten ditugun artistekin batera ateratzeak asko lagunduko digu helburu hori betetzeko.
Partekatu

Hauek ere interesatuko zaizkizu
Musika Bulegoak bere bazkideei zuzendutako Pitching saio bat antolatuko du Vic-eko Mercat de Música Viva azoka profesionalean
Basque. Music.-en babesean antolatuko den Pitching saio honetan parte hartzeko hiru enpresa aukeratuko dira. Aurkezpen hauek irailaren 14tik 17ra burutuko dira Vic-en egingo den Mercat de Música…
Carlotta Ferrari eta Luis Serrapio, ISCM-Musika Bulegoa Abesbatzetarako Konposizio Lehiaketaren irabazleak
Musika Garaikidearen Nazioarteko Elkarteak (ISCM) bere mendeurrena ospatzen ari da 2022an. «ISCM Collaborative Series» ekimenaren barruan, Musika Bulegoak eta Musikagileak, ISCMko euskal bazkideek,…
2021 Musikaren Urtekaria
2016an sortu zenetik, eta seigarren urtez jarraian, Musika Bulegoak zure esku jartzen du Musikaren Urtekaria. Jardun osoa biltzeko asmorik ez badu ere, aurreko urtean Euskal Herriko musikaren…
KORRONTZIri elkarrizketa, Etxepare Musika Saria 2021 “Pasa den urtean Etxepare Saria jasotzea Euskal Herritik kanpo egindako lanagatik, guretzako zirkulu bat zarratzea izan da”
Etxepare Musika Saria jaso zenuen iaz. Sari honek Euskal Herriko sortzaile, interprete, musikagile edo talde batek euskal musika nazioartera eramaten egiten duen lana aitortzen du. Zer suposatzen du…
ANDER TELLERIAri elkarrizketa, Musika Bulegoa saria 2021: “Musika Bulegoak hain proiektu pertsonalak saritzea oso positiboa da”
Iaz Musika Bulegoa Saria jaso zenuen. Zer da zuretzat aintzatespen hori jasotzea? Oso motibazio handia da lanean jarraitzeko eta akordeoiarekin gauza desberdinak bilatzeko. Musika Bulegoak hain…