Europako Musika Mugikortasuna Finantzatzeko Gida argitaratu du On The Move erakundeak

On The Move erakundeak Europan oinarritutako Musika Mugikortasuna Finantzatzeko Gida sortu du. Bertan, Europako herrialdeetatik edo herrialdeetara bidaiatzen duten musika-artisten (egileak, konpositoreak, musikariak, bandak, orkestrak) eta beste musika-profesional batzuen nazioarteko mugikortasuna babesten duten finantzaketa-erakunde eta -programen ikuspegi orokorra jasotzen da.

On the Move-k, Music Export Poland-ekin lankidetzan, mugikortasunean eta musika-industrian adituak diren Jess Partridge eta Marie Fol-i dirulaguntzen eta laguntza-programen mapa bat egiteko eskatu die, musika laguntzaren gai nagusia delarik, edo berariaz diruz lagundu daitekeen diziplina gisa agertzen delarik. Musika-adierazpenaren mota guztiak hartzen saiatu da gida, genero zaharrenetatik hasi eta garaikideenetara, musika klasikotik, jazzetik edo popetik hasi eta musika-forma tradizional eta zaharretaraino.

Gida honen helburua dagoen informazioa modu gardenean sendotzea da. Partikularrei eta erakundeei nazioarteko musikariekin lankidetzan aritzeko modurik onenak aurkitzen eta mugaz gaindiko bidaiak finantzatzen lagun diezaiekeen informazioa eskaintzea, hain zuzen ere. Gida honek tokiko, nazioko eta nazioarteko baliabideak zerrendatzen ditu, publikoak zein pribatuak. Erregulartasunez gertatzen diren aukerak baino ez ditu biltzen, online eskura daitezkeenak, deialdi irekien bidez eskaerak aurkezteko gonbita egiten dutenak eta nazioarteko bidaien kostuen zati bat gutxienez laguntzen dutenak.

Era berean, kultura-politiken arduradunei eta finantzatzaile pribatuei dauden programen ikuspegi orokor zabala eman nahi die, panorama horren barruan beren ekimenak aldatu eta eguneratu ahal izan ditzaten, guztiontzako kultura-mugikortasun profesionalerako bidezko sarbidea mantentzeko eta zabaltzeko.

Gidak Europako Kontseiluko kide diren 46 herrialde biltzen ditu: Albania, Alemania, Andorra, Armenia, Austria, Azerbaijan, Belgika, Bosnia eta Herzegovina, Bulgaria, Zipre, Kroazia, Danimarka, Eslovakia, Eslovenia, Espainia, Estonia, Finlandia, Frantzia, Georgia, Grezia, Hungaria, Irlanda, Islandia, Italia, Kosovo, Letonia, Liechtenstein, Lituania, Luxenburgo, Malta, Moldavia, Monako, Montenegro, Ipar Mazedonia, Norvegia, Herbehereak, Polonia, Portugal, Erresuma Batua, Txekiar Errepublika, Errumania, San Marino, Serbia, Suedia, Suitza

On The Moveren webgunean informazio gehiago eskuratu dezakezu.

Deskargatu gida esteka honen bidez.