INAEM 2023 laguntzen inguruko zalantzak argitzeko formakuntza ekimenak

Musika Bulegoak hiru ekimenen berri ematen du 2023an INAEMek musikaren sektoreari ematen dizkion laguntzen deialdia dela eta, horien inguruan sor daitezkeen zalantzak argitzeko.

Lehenik eta behin, Euskal Herriko Musika Bulego Elkarteak, Incentica Music eta Sympathy For The Lawyer-ekin elkarlanean, INAEM 2023 Musikarako Laguntzen Gida egin du. Gida horretan hainbat alderdi azaltzen dira, besteak beste, biltzen dituzten laguntza-lerroak, proiektuen denbora-eremua, laguntzaren zenbatekoa eta abar.

Bigarrenik, Es_Música Espainiako Musika Federazioak WEBINAR bat egingo du deialdi honen berezitasun eta betekizun guztiak azaltzeko. Topaketa martxoaren 13an izango da, 12: 00etan, Zoom plataformaren bitartez. Informazio guztia esteka honetan kontsulta dezakezu.

Azkenik, webinarraren hurrengo egunean, martxoaren 14an (10:30etan), Musika Bulegoak Sympathy For The Lawyerrekin batera, online tailer bat eskainiko du laguntzen inguruan sor daitekeen edozein zalantza lantzeko. Topaketa hau sektore osoari irekita dago, Musika Bulegoko bazkideak izan ala ez. Parte hartzeko, galdetegi hau bete beharko da.