Aitzol Astigarraga

Orai/Elhuyar Fundazioa

Orai NLP Teknologiak-eko koordinatzailea izan da Aitzol Astigarraga (Mutriku, 1976). Informatika Ingeniaria da eta Robotika eta Adimen Artifizialean doktorea. Irakasle gisa aritu ondotik, UEUko GOI Institutuko zuzendaria izan zen, eta 2024az geroztik Orai adimen artifizialeko zentroko koordinatzailea da. UEUko Informatika Saileko arduraduna da.

Linkedin

Pilar Aguilar

Grupo Sympathy for the lawyer®

Kultura-sektorean 15 urte baino gehiagoko esperientzia izanik, Espainiako geografia osoko erakunde publiko eta pribatuentzat lan egin du, erakusketa handientzako (Auschwitz) nahiz artistentzako (Izaro, Olatz Salvador...) gerentzia eta proiektu kudeaketa lanak egin ditu. Business Project Managerra da Incentiva Cultura ® erakundean, musika-proiektuentzako finantzaketan aditua delarik.
Madrilgo Unibertsitate Konplutentsean doktorea da. Honetaz gain, irakasle doktorea eta Kataluniako Unibertsitate Obertako Gradu Epaimahaiko kidea da 2017tik.

Linkedin

Nerea Kortabitarte

Factoría de Comunicación Cultural

Informazio Zientzietan lizentziatua eta Marketin Digitalean masterra du. Cadena SER katean eta Informativos Telecincon lan egin du. Donostiako Plan Estrategikoaren, Donostiako Fnac, Boga Boga Festibala edo Crossover Festival bezalako jaialdietako komunikazio arduraduna. Factoría de Comunicación Cultural zuzentzen du, kultura-sektorean espezializatutako komunikazio-agentzia. 5 liburu argitaratu ditu. Radio San Sebastián-eko Hoy por Hoy-n kolaboratzen du. Euskal Zinemaren Irizar Sariaren epaimahaia Zinemaldian eta Amua Festibalean.

Linkedin

Olatz Salvador

Musikaria

Olatz Salvador (1990, Donostia) artista ikasketaz psikologoa den arren, hainbat urte daramatza musika eszenan murgilduta. Skakeitan taldean hasi zuen bere bidea 2010. urtean. 2018an kaleratu zuen bere bakarkako lehen estudioko lana, Zintzilik (2018, Airaka), harrera ezinhobea izan eta bere bakarkako proiektua sendotzera eraman zuena, besteak beste, Rosalia edo The Weezer taldeekin kartela konpartitu – BBK Live 2018 – edo Christina Rosenvinge eta Xoel Lópezen kontzertuei irekiera emanaz. Aho uhal (2021, Airaka) diskoaren aurkezpen lanetan, ia 100 kontzertuko bidea egin zuen 5 estatu desberdinetan zehar - Japonia, Finlandia, Italia, Frantzia, Espainia. Rozalén, Alaia Martin, Kiko Veneno, Ariel Rot, Iván Ferreiro, Judit Neddermann… luzea da harekin elkarlanak egin dituzten artisten zerrenda. Musikariak Ikastetxeetan, Emakumeak Oholtzara eta beste hainbat proiektuetan dabil eta Musikari Elkarteko zuzendaritza batzordeko partaidea izan zen. Musika Bulegoa Saria jaso zuen 2022an. Euskal Emakume Zinegileei buruzko Arnasa Betean (2023, Tentazioak) dokumentalaren soinu banda konposatu zuen iaz.

Mireia Madroñero

Catalan Arts – ICECeko (Kataluniako Kultur Enpresen Institutua) merkatuen arloa

Catalan Arts-eko jarduneko zuzendaria - ICECeko Merkatu Arloa; estrategiak diseinatzen laguntzen du, eta proiektuak nazioartean garatzeko interesa duten Kataluniako kultura-enpresei laguntzen die.
Aurretik, Catalan Artsen teknikari gisa aritu da, kontratazio artistikoko agentea eta managerra, musika-ekitaldien zuzendari artistikoa, musika modernoaren komunikatzailea eta musika-kudeaketako irakaskuntza eta mentoretza lanak burutzen ere egon da.

Linkedin

Julen Martin

BIME / LAST TOUR

Julen Martín (Bilbo, 1978) BIMEko edukien arduraduna da. 2017tik hainbat rol bete ditu bertan. Urte luzez artista-kudeatzaile, sustatzaile eta programatzaile izan da, eta unibertsitate garaian Biak Bat Recordings disko-etxe independentea sortu zuen. Lanetik kanpo, liburu bat eskuan eta gitarra alboan izaten ditu beti. 

Linkedin

Imanol Otaegi

Etxepare Euskal Institutua

Imanol Otaegi Etxepare Euskal Institutuko kultur alorreko zuzendaria da, euskal kulturaren nazioarteko zabalkundean diharduena. Ikus-entzunezkoetan lizentziatua, Donostia 2016 Fundazioan nazioarteko proiektuen sortzaile eta koordinatzaile aritu zen. ETBrentzat telesail eta saioak ekoitzi ditu, baita antzerki eta dantza ikuskizunak ere, eta Donostia Zinemaldian nahiz Eusko Jaurlaritzaren estrategian parte hartu du.

Oier Etxeberria

Tabakalera

Artista, komisarioa eta musikaria da. 2021etik programa publikoen arduradun eta komisario da KGNZ Tabakaleran. Aldez aurretik, erakundeko proiektu artistikoen arduraduna izan zen, Estimulantes, circulación y euforia (2016-2018) edo Ariketak: la segunda respiración (2018-2019) bezalako proiektuak garatuz. 2010 eta 2014 artean, Cristina Enea Fundazioko (Donostia) kultur arloko arduraduna izan zen, eta Las Patatas y las Cosas: lurpeko istorioak (2011) edo ¿Cuánta tierra necesita un hombre? (2014) bezalako erakusketak komisariatu zituen. Duela gutxi, Ana Teixeira Pintorekin batera, Evil eye. La historia paralela de la óptica y la balistica. erakusketa komisariatu du. Duela urte batzuk, Diedrich Diederichsenekin Cybernetics of the poor: Tutoriales, ejercicios y partituras (2020) erakusketa aurkeztu zuen, Tabakaleraren eta Kunsthalle Wienen arteko koprodukzio bat. Scalako programazioaren arduraduna da, Tabakalerako eskailera nagusian soinuaren interbentzioan datzan programa. Musika Dena eta Ez Dena jaialdiaren arduraduna ere bada. Jaialdiaren bigarren edizioa uda honetan izan da, Donostia eta Londres artean.

Pilar Fontalba

Colectivo E7.2

Zürichen bakarlari masterra ikasi zuen Thomas Indermühlerekin. Hainbat estreinaldi egin ditu eta berarentzat idatzitako 5 CD grabatu ditu. OSN, Vertixe Sonora, Collective Impulsion eta Ensemble Ö! taldeetako bakarlaria da; E7.2 kolektiboaren eta Musicon Musika Garaikidearen Elkarte Nazionalaren sortzailea. Oboeko lehen emakume katedraduna Espainian, CSMNn irakasten du.

Linkedin

Jabolo Sagastume

Sinkro (Bernaola Zikloa)

Jabolo Sagastume musikaria, soinu teknikaria, ekoizlea eta programatzailea da. Dzast Ahotsak abesbatzako abeslaria eta zuzendaria. Gasteizko Jimmy Jazz aretoko arduradun teknikoa eta, edizio honetatik, Bernaola Festival jaialdiko zuzendaria. Horri esker, musika garaikidearen hedapenean eta entzule berrien bilaketan egindako ibilbidea aplikatu ahal izango du.

Jordi Pons

Stability AI

Jordi Pons ikertzailea da Stability AIn eta audio eta musikarako eredu sortzaileetan lan egiten du. Aurretik, Dolby Laboratoriesen ikertzailea izan zen, eta musika-teknologian, eskala handiko audio-bildumetan eta ikasketa sakoneko doktoretza lortu zuen Pompeu Fabra Unibertsitateko Musika Teknologiako Taldean.

Linkedin

Blog

Elías Gómez

Oso Polita / Last Tour

Elias tokiko eta estatuko manager garrantzitsuenetako bat da, eta Chill Mafia, Hofe, Ben Yart, Airu eta Vulk bezalako artisten karreren atzean izan den burua da, besteak beste.

Linkedin

Amaia Ispizua

Get In

Amaiak 20 urte baino gehiago daramatza lanean zuzeneko musikaren sektorean, Syntorama, Get In edo Jazzaldia bezalako enpresetan. Gaur egun, sustatzailea da Get In-en, eta ekitaldien antolaketaren ibilbide osoan parte hartzen du. MIE eta Musika Bulegoa elkarteen zuzendaritza-batzordeko kidea da. MIMeko (Mujeres en la Industria de la Música) eta APMko (Asociación de Promotores Musicales) bazkide ere bada.

Linkedin

Fermin Lorente

Farmway / Primavera Labels

Artista hauekin lan egiten du: Eneritz Furyak, Leihotikan, Lisabö, Sara Zozaya... Gainera, Primavera Labels zigiluan (Primavera Sound) eta Farmway Records bere zigilu/agentzian (komunikazioa, management eta kontratazioa) lan egiten du. Matías Aguayo, Optimo (Espacio), Dj Hell edo Radio Slave bezalako elektronikako nazioarteko artisten Estatuko agentea. Besteak beste, Electrolunch (Sevilla) edo Iruñeko Udala sustatzaileentzako nazioarteko/nazioko kontratazioa. Disko-jartzailea eta ekoizlea da: /Göo!

Linkedin

David Asín

ARPA Abogados Consultores

David Asín Martínez ARPA Abogados Consultoreseko Zerga Saileko sozio-zuzendaria da, abokatu kolegiatua eta Nafarroako Unibertsitate Publikoko Zuzenbidean eta ADEn lizentziaduna. 16 urtetik gorako esperientzia du zerga-aholkularitzan, eta zuzeneko eta zeharkako zergetan espezializatuta dago, bai eta zerga-prozeduretan ere. Gainera, ohiko hizlaria da sektoreko hitzaldietan.

Linkedin

Amaia Ibáñez

Eskena, Euskadiko ekoizle eszenikoen elkartea

Zuzenbidean lizentziaduna, kultura-kudeaketan prestakuntza duena. 2002 eta 2009 artean, Bartzelonan, makro musika jaialdietan barne logistikaren koordinazioan espezializatu zen. 2009tik Eskenako eta Harrobia Ekoizpen Eszenikoko Berrikuntza Zentroko gerentea da Bilbon. Elkarteak eskaintzen duen kulturarako pizgarri fiskalen bitartekaritza-zerbitzua zuzentzen du. 2018tik aurrera, Camino Escena Norte programaren kudeatzailea da ere.

Linkedin

Sebas Sallaberry

Dabadaba (Guajira Sicodélica)

Hasieran Dabadaban paletak sartzen ari zenetako bat. Denetarik egiten dut.

Rodrigo Llano-Ponte

Gipuzkoako Foru Aldundia

Gipuzkoako Foru Aldundiko Ogasuneko Goi-mailako Teknikaria. Egun, Araugintzako eta Lege Aholkularitzako zerbitzuburua. Zuzenbidean lizentziatua da UPV/EHUn eta  Zuzendaritza Publikoan eta Nazioarteko Fiskalitatean Unibertsitate Masterrak ditu.

Alberto Muerza

The Orchard

Alberto Muerza eskarmentu handiko exekutiboa da musikaren banaketa digitalean, artistak mundu osoko entzuleekin konektatzeko grina duena. Iberiako The Orcharden zuzendari gisa, funtsezko eginkizuna izan du musikari independenteen irismena hedatzeko, banaketa digitaleko estrategia berritzaileen bidez.

Ainara Guzmán

Kutxa Fundazioa

LEINNen graduatua Mondragon Unibertsitatean eta Kultur Kudeaketan espezializatua UOCen. 2015etik, Kutxa Fundazioan, musikarekin eta arte eszenikoekin lotutako programak kudeatzen ditu, erakusketetatik, prestakuntzatik eta enpresa-akonpainamendutik, hala nola musikako egonaldi artistikoak, Katapulta Tour Gipuzkoa programa eta Kluba arte eszenikoen aretoa.

Linkedin

Mikel Unamuno

Gaztea / EITB

EITBko Publiko Estrategikoen zuzendaria eta Gazteako arduraduna, taldeko marka gaztea. Hamarkada bat baino gehiagoko esperientzia du hedabideen, marken eta kulturaren arteko elkargunean, eta eduki- eta posizionamendu-estrategiak garatu ditu, argitalpen-kudeaketa eta gazteen kontsumo-ohitura berrietara egokitutako marka-ikuspegia uztartuz.

Linkedin

Sara Hernandez

Tabakalera

Sara Hernández Askasibar Tabakalerako Zinema eta Ikus-entzunezko Laborategiko Koordinatzailea da. Ikus-entzunezko sektorearen topagune hau kudeatzen du, eta bertatik bultzatzen ditu talentu berriari, ikus-entzunezko sorkuntzari, prestakuntzari eta diziplinen arteko intertsekzioei laguntzeko programak.

François Maton

Atabal Biarritz

Atabal proiektuaren zuzendaria da Francois; alde batetik, proiektuaren ikuspegi instituzionala eta estrategikoa gidatzen du, eta bestetik, ildo artistikoaren garapena ere gainbegiratzen du. 2012az geroztik Atabal zuzentzen du, eta egitura honek bere 20. urteurrena ospatuko du udazken honetan.

Linkedin

Iker Arroniz

Jimmy Jazz Gasteiz

Jimmy Jazz aretoko arduradunetako bat da, baita Mugako eta Gasteiz Calling jaialdietakoa ere, besteak ekoizpenen artean.

Eusebio Beloki

Kulturaz Kooperatiba

Eusebio Belokik esperientzia luzea du kultur programazioaren alorrean. Azpeitiko Kulturaz Kultur Kooperatibako programatzaile lanetan dihardu, eta Sanagustin Kulturguneko programazioaren arduraduna da. Urteetako ibilbidean, kultur ekitaldi eta musika kontzertuen antolaketan lan esanguratsua egin du. Gainera, egungo euskal musika panoramaren ezagutza sendoa du, eta horrek aukera ematen dio gaur egungo joerak eta proposamen interesgarrienak gertutik jarraitzeko eta herritarrengana hurbiltzeko. 

Sofía Conti

Flaca

Sofia Conti aka FlacaBangBang. Jatorriz argentinarra. Donostian bizi da 11 urte zituenetik. DJ aitzindaria izan zen reggaetoia Primavera Sound edo Boiler Room jaialdietara eramaten. CHICA eta Chukiteoren sortzailea da. Komunikazioan lan egin du La Casa Encendidan. Gaur egun, eduki digitala sortzen du, musikan eta kulturan narratiba berriak ikusarazteko.

Beñat Rodrigo

Kiliki

Beñat Rodrigo gaur egun bizi den soinu-mapa eklektikoaren sortzaileetako bat da. Arrotxapean hazita, etxabeen auzoan, bertako rude boys leinu baten eskutik, tronpeta-jotzaile gisa hasi zen 6 urte zituela, baina bere coming-of-age-a soundsystem kulturaren bidez eta FL Studio-rekin arratsaldeetan iritsi zen, non Chill Mafia sortu zen.

Cris Lizarraga

Belako

Cris Lizarraga (Bilbo, 1992) Belako musika taldeko kidea da 2011tik, eta gaur egun Gizarte Komunikazioan doktoretza egiten ari da. Pikara Magazine-rekin kolaboratu du elkarrizketak, aipamenak eta bisexualitateaz hitz eginez. Horiekin batera, bi saiakera kritiko ere argitaratu zituen: Quítame la culpa (2020), Consonni radiorekin podcasta bertatik atera zuen, eta Best friends 4ever (2023).

Linkedin

Iker Gozategi

Iker Gozategi naiz, 30 urteko oriotarra eta argazkilaria. Donostian ikasketak amaitu ondoren, Bartzelonan arte eta modako argazkilaritza masterra egin nuen eta hiru urtez lanean egon nintzen. 2022an, Berpiztu poesia bisual diziplina anitzeko proiektua aurkeztu nuen Bound aldizkarian. Mundu bisuala da nire hizkuntza nagusia, eta nire ibilbidean musika, antzerki eta modaren esparruko proiektu ugaritan parte hartu dut.

Xabi Ojinaga

Arriguri

Norbere taldearen bideoklipak sortzeko beharrizanak batu gintuen lagunek sortu genuen Arriguri, duela hamar urte inguru. Geroztik Euskal Herriko hainbat talderen bideoklipak zuzendu eta ekoitzi ditugu. Gure lan entzutetsuenak bideoklipen arloan izan badira ere, egun publizitatean edo fikzioan ere aritzen gara.

Sara Zozaya

Musikaria

Sara Zozaya Donostiako abeslari, sortzaile eta instrumentista gaztea da. Zeresan handia sortzen ari da, hein handi batean bere profil bereziagatik. Industrian oso aktiboa den emakume da. Mugarik gabeko jakinmin musikala du eta edonoren arimara iristeko gaitasuna dauka bere sorkuntza intimoei esker. Gaur egungo estiloen eta tokiko soinuen nahasketak, bere proposamena altxor preziatu batean bilakatzen du, beti ere ikutu nostalgiko bat duela. 'attä' lan berria kaleratuko du azaroan. 

Ainhoa Vitoria

Gaztea / EITB

Ainhoa Vitoria (Arrasate, 1987) aurkezle eta irrati esataria da. Ikus entzunezko komunikazioan lizentziatua, 15 urte daramatza Gaztea irratian esatari. “Yoko Ona” podkastaren gidaria da, Olatz Salvador eta Lore Nekane Billelabeitiarekin batera eta azken urteotan, musikaren gaineko zenbait ekitaldi aurkeztu ditu; besteak beste, Gaztea Sariak eta Musika Bulegoa sariak. Une honetan, Gazteako asteburuetako Bitan saio berria aurkezten ari da.

Iker Bárbara

Zarata Mondo Sonoro / Basques On Decks

Iker duela bi hamarkada hasi zen Bizkaiko musika eszenan murgiltzen, hainbat kolektiboren bitartez. 2012. urtearen amaieratik Zarataren arduraduna da, Mondo Sonoro musika-aldizkariaren Euskadi, Nafarroa eta Errioxako edizioaren arduraduna. Era berean, Euskal Herriko DJ eta Clubbing eszenari buruzko Basques On Decksen sortzaileetako bat da.

Linkedin

Iker Gurrutxaga

NAIZ irratia

Iker Gurrutxaga Zubimendi, NAIZ Irratiko MusikHaria saioko gidari eta NAIZeko musika arduraduna da. Seigarren denboraldia hasiko du eta 1000. saioa ere bete du 2025 honetan. Orioko Musika Eskolan ikastekak egin zituen, Azkaiter Pelox Band taldeko parte izan zen eta beranduago Gozategi taldearen road manager eta komunikazio lanetan ere ibili zen, baita DJ moduan ere. Esan daiteke sektorea barrutik bizi duela.

Linkedin

Pilar Kaltzada

Linking Ideas

Kazetaria eta Linking Ideas komunikazio-agentziako bazkide sortzailea. 25 urtetik gorako esperientzia du aholkularitzaren sektorean, Jasangarritasuna, Erakundeen Komunikazio Estrategikoan, Erakunde Harremanetan, Berdintasun Politiketan, Berrikuntzan eta Eraldaketan. EnpresaBIDEA euskarazko egunkari ekonomikoaren sustatzaile eta sortzailea eta Save the Children egunkariaren Espainiako lehendakaria. 

Linkedin