Sektorearen erreferentziazko 4 elkarteek bat egin dugu Euskal Herriko Musika Bulegoan. Ahotsak batu ditugu, sektorearen izenean ozenago hitz egiteko, sektorean sustatu nahi dugun eraldaketa egi bihurtzeko.
Elkarrekin indartsuagoak garelako.
Musika Bulegoan aitzindariak izan gara musika sektoreko eragile desberdinak elkartu eta erakunde bakar bat sortzen. Musika sektoreko industriak, aretoek, musikagileek eta musikariek bat egiten dute gurean. Izan ere, badakigu elkar ulertzea eta indarrak batzea dela lortu nahi ditugun helburuei aurre egiteko bide bakarra.
Euskal Herriko musika sektorea profesionalagoa, anitzagoa, batuagoa eta indartsuagoa izan dadin egiten dugu lan.
Elkarlanean eta elkarri lagunduz indartsuago garela sinesten dugulako.
Euskal musikak batu gaitu eta musikaren alde egiten dugu lan. Euskal Herriko Musikari merezi duen lekua emateko.
Lortu nahi dugun eraldaketaren eredu izanez, profesional adituekin aliatuz eta kalitatezko zerbitzuak eskainiz.
Konfiantzazko harremanak eraikiz, guk sektorean eta bazkideengan sinesten dugun bezala sektoreak gugan sinetsi dezan.
10 urtetik gora daramagu Musika Bulegoko lantaldeak sektore konplexu zein dinamiko honetan lanean. Sektorea asko ezagutzen dugu eta sektoreak ezagutzen gaitu gu.
Gure jardunean ez gaude bakarrik. Sektoreko gako–eragileekin eta partner adituekin egiten dugu lan gure kalitatezko eskaintza bermatzeko helburuarekin.
