EMX – Mexiko: musika elektronikoaren eszenan lan egiten duten Europako parte-hartzaileentzako deialdia
Partekatu
Deialdi honen helburua 2022ko maiatzaren 23tik 29ra Mexikon egingo den egonaldi batean parte hartzea da. Herrialde horretako musika elektronikoaren eszenako profesionalekin harremanak landu eta elkarlanak sustatu nahi dira.
Deialdiaren argibideak:
Musika elektronikoaren sektorean lan egiten duten Europako 15 musikaren profesional aukeratuko dira.
2022ko maiatzaren 23tik 29ra Mexiko Hirira bidaia antolatuko da herrialde horretako profesionalekin elkarlanak sustatzeko. Aldez aurretik prestaketa jardunaldi bat egingo da.
Proiektu honetarako artisten kudeaketan, grabaketa lanetan, argitaratze lanetan eta zuzeneko ekitaldien antolakuntzan lan egiten duten profesionalak aukeratuko dira.
Topaketa hauetan Mexikoko merkatuan barneratzeko aurkezpenak, profesionalekin bilerak, taldeko brainstorming saioak, tokiko musikaren industriako enpresetara eta kontzertu aretoetara bisitak antolatuko dira. Ekintza hauek Mexikoko profesionalekin batera landuko dira elkarlanak sustatzeko.
Proposamenak aurkezteko galdetegia (Garrantzitsua da inprimakia bete aurretik arretaz irakurtzea). Otsailak 20 itxiko da deialdia.
Aukeratuak izango diren profesionalek 1360€ jasoko dituzte bidaia gastuetarako (Europatik Mexikora bidaia, aireportuetako transferrak, aste beteko egonaldia Mexiko Hirian). Gainontzeko gastuak bere kabuz ordaindu beharko dituzte (tokiko bidaiak, otorduak, edariak, etab.).
Zer da EMX?
EMX ekimena Europar Batzordeak finantzatutako 22 hilabeteko proiektu luzea da. Hemen aurkitu dezakezu prentsa oharra. EMX proiektuaren helburua Europako Musika garatzeko eta sustatzeko estrategia berriak aztertzea da.
Europako musika profesionalak, artistak, musikariak, egileak eta konpositoreak ordezkatzen dituzten sareak sortuaz, profesionalen arteko gerturatze ezberdinak landuko dira. EBko musikaren sektorearen nazioartekotzea sendotzeko eta Europako musikaren esportaziorako ezagutza berriak sortzeko ikerketaren eta ekintza pilotu berritzaileen bidez. Mexikoko Misioa ekintza pilotu horietako bat da.
Partekatu
Hauek ere interesatuko zaizkizu
2024/04/08Berriak,Nazioartekotzea,MB Nazioartekotzea
Izaro BIME Bogotan, BASQUE. MUSIC.-en eskutik
BIME Bogota azokaren hurrengo edizioa 2024ko maiatzaren 8tik 11ra egingo da. Izarok BASQUE. MUSIC. plataformak antolatutako showcase-ean parte hartuko du. Musika Industriaren Nazioarteko BIME…
2023/12/14Nazioartekotzea,DeialdiaDeialdia amaitu da
Basque. Music. BIME Bogota 2024n: Euskal Herriko artista eta taldeei zuzendutako deialdia
Basque. Music.-ek eta BIMEk euskal talde edo bakarlari batek BIME Bogotá musika azoka profesionalaren hirugarren edizioan parte hartzeko deialdi bat abiatu dute. Deialdi honetan parte hartzeko…
BIME x Stereorocks club 2023: Celia Carrera, Hugo eta Paul Larrozea
Celia Carrera, Hugo eta Paul Larrozea musika elektronikoko artistak hautatuak izan dira BIME x Stereorocks Club ekimenaren bigarren edizioan parte hartzeko. Lehengo urteko arrakastaren ondoren, BIMEk…
Basque. Music. at BIME Live 2023: NHIL, STR & Divorce From New York
Nhil, STR eta Divorce From New York taldeak hautatuak izan dira BASQUE. MUSIC. -ek BIME LIVE-en hurrengo edizioan antolatuko dituen showcases saioetan parte hartzeko (2023ko urriaren 25etik 28ra).…
Basque. Music. at Womex 2023: Neomak
Womex, munduko musika-profesionalen bilerarik garrantzitsuenaren 29. edizioa A Coruñan burutuko da urriaren 25etik 29ra. Jaialdi honetan, 45 herrialdetako 40 artista baina gehiagok hartuko dute parte…