Izaro BIME Bogotan, BASQUE. MUSIC.-en eskutik
Partekatu
BIME Bogota azokaren hurrengo edizioa 2024ko maiatzaren 8tik 11ra egingo da. Izarok BASQUE. MUSIC. plataformak antolatutako showcase-ean parte hartuko du.
Musika Industriaren Nazioarteko BIME Topaketa duela hamabi urte hasi zen Bilbon, eta Amerikako kontinentean hirugarren edizioa ospatuko da aurten. Hitzordu berria 2024ko maiatzaren 8tik 11ra izango da Bogotan.
Musika Bulegoak koordinatzen duen BASQUE. MUSIC. plataformak ondoko ekintzak antolatuko ditu Bogotan ospatuko den nazioarteko topaketan:
- Maiatzaren 8an, 10:30etan, Euskal Herria – Kolonbia lan taldea bi herrialdeetako musikaren sektoreko profesionalak elkar ezagutzeko.
- Maiatzaren 9an IZAROk BASQUE. MUSIC. showcase-an parte hartuko du. Kontzertua Sánchez Cervecería aretoan izango da, 19:30etan.
Gainera, Izarok maiatzaren 10ean Arte y método: cómo hacer grandes canciones mahai-inguruan parte hartuko du Kevin Johansen (Argentina), Daymé Arocena (Kuba) eta Juan Galeano (Kolonbia) musikariekin batera.
Cerodenero, Bogotan
Izarok 2023ko Durangoko Azokan argitaratu zuen Cerodenero bere azken diskoa aurkeztuko du Kolonbiako hiriburuan maiatzaren 9an. Lan berri hau arrakasta handia izaten ari da zuzeneko emanaldietan.
BIMEk 50 herrialde baino gehiagotako musikaren industriako profesionalak biltzen ditu urtero. Bogotako edizioko programan, bere horretan mantentzen dira nazioarteko erreferentziazko ekitaldi gisa kokatu duten esentzia eta espiritu berritzailea, eta garatzen diren bitartean jorratuko diren gaien zabaltasunean islatzen da: joera artistikoak, jaialdiak, garapen jasangarria, berrikuntza teknologikoa, grabatutako musika eta zuzeneko musika, plataformak, startupak edo marko legegileak, eta horiek dira paneletan, tailerretan eta masterretan eztabaidatuko diren gaietako batzuk.
BIME Pro-ren programazioaren baitan mahai-inguruak, tailerrak, speed meeting saioak, Start Up Village edo eta BIME Campus bezalako ekitaldiak hartuko ditu. Ekitaldi guzti hauek EAN Unibertsitatean antolatuko dira.
Jardunaldi profesionalak amaitu ostean BIME Live-n showcase kontzertuen programazioa ospatuko da Sánchez, Patrona, Egua, Mad Radio eta 4.40 Music Hall aretoetan.
Maiatzaren 11n Nazioarteko Binilo topaketa antolatuko da. Selina Chapineron burutuko den jardunaldian BIMEko akreditatuek eta publiko orokorrak parte hartzeko aukera izango dute 12:00etatik 22:00etara bitartean.
BASQUE. MUSIC. Musika Bulegoak koordinatutako proiektua da, Etxepare Euskal Institutuarekin eta Eusko Jaurlaritzarekin lankidetzan. Helburua euskal sormena, kultura eta artearen sentsibilizazioa eta ikusgarritasuna areagotzea da.
Partekatu
![](https://musikabulegoa.eus/wp-content/uploads/2023/04/trans.gif)
Hauek ere interesatuko zaizkizu
RTZ Kolektiboa, Iparhots egonaldi artistikoan
EKEk, Atabal aretoak, Kulturaz Kultur Kooperatibak eta Musika Bulegoak antolatzen duten Iparhots egonaldi artistikoaren programan parte hartzeko aukeratua izan da RTZ Kolektiboa. Baionako taldeak,…
2024/07/03Deialdia,NazioartekotzeaDeialdia abian da
Musika Bulegoak Vic-en ospatuko den Mercat de Música Viva azoka profesionalean antolatuko dituen Pitch saioetan parte hartzeko deialdia ireki du
Musika Bulegoak, Mercat de Música Viva de Vic-ekin lankidetzan, bere bazkideei zuzendutako pitching saioak antolatuko ditu nazioarteko musika azokaren 36. edizioan. BASQUE. MUSIC.-en markapean…
Webinar: Musika Sustatzeko Dirulaguntzak 2024
Musika Bulegoak Eusko Jaurlaritzako Kultura eta Hizkuntza Politika Sailak kaleratutako 2024ko musika sustatzeko eta banatzeko dirulaguntzari buruzko webinar bat antolatu du. Online informazio-saio…
Musika Bulegoak Errotik dokumentalaren trailerra aurkeztu du
Iñigo Kintanak zuzendutako ikus-entzunezko proiektuak, Musika Bulegoak 2024ko otsailean Ekuatore Ginean antolatu zuen egoitza artistikoa erakusten du. Bertan, Gipuzkoako bi txalapartarik parte hartu…
2024/06/11Deialdia,BerriakDeialdia amaitu da
Ireki da Iparhots egonaldi artistikoaren 2024ko deialdia
EKE-k, Atabal aretoak, Kulturaz Kultur Kooperatibak eta Musika Bulegoak 2023an martxan jarri zuten egonaldi artistikoen programak bigarren edizioa beteko du. Iparraldeko musika sortzaileei…