KORRONTZIri elkarrizketa, Etxepare Musika Saria 2021 “Pasa den urtean Etxepare Saria jasotzea Euskal Herritik kanpo egindako lanagatik, guretzako zirkulu bat zarratzea izan da”
Partekatu
Etxepare Musika Saria jaso zenuen iaz. Sari honek Euskal Herriko sortzaile, interprete, musikagile edo talde batek euskal musika nazioartera eramaten egiten duen lana aitortzen du. Zer suposatzen du zuentzat honelako sari bat jasotzeak?
Errekonozimendu handi bat izan da, azkenean gure ibilbidea 2004. urtean hasi genuen. Hasiera horretan Madrilera joan behar izan ginen diskoetxe baten bila, Euskal Herrian ez genuen oihartzunik momentu horretan eta apustua egin genuen Madrilera joateko eta bertan zortea izan genuen diskoetxe potente batekin. 2008. urtean Europa mailako eurofolk antzeko zirkuito bat irabazi genuen, kapotik hona, etxera etorri gara. Zorionez etxean ere maitatuak gara eta pasa den urtean Etxepare Saria jasotzea Euskal Herritik kanpo egindako lanagatik, guretzako zirkulu hau nolabait zarratzea da.
Folk musika egiten duzue. Euskal Herrian ba al dago folk musika tradiziorik?
Guk musika tradizionalean oinarritutako musika berria egiten dugula esaten dugu beti. Jantzi berriak jartzen dizkiegu lehengo musikari baina musika tradizionala nabarmen da gure lanetan, hortaz saiatzen naiz ni behintzat. Badago musika tradizionaleko zirkuito bat, akaso maioritarioa ez dena, baina etorkizuna daukana eta herri bezala mantendu behar duguna gure nortasuna markatzen duelako.
Euskal Herrian jotzen duzue baina baita gure mugetatik kanpo ere. Ze desberdintasun dago etxean edo kanpoan jotzearen artean?
Gauza asko, gainera munduko zein herritan zauden kontuan izanda jendearen erantzuna oso desberdina da. Amankomunean daukana da, munduko edozein herritan trikitixak jendea dantzan jartzen duela, trikitixak dantza egiteko grin handia dauka, jendeari rollo ona transmititzen dio. Gure melodiak entzutean jendea dantzan hasten da edo eserita egon ezkero, txaloka. Munduan zehar oso gustura hartu dute gure dantzarako erritmoak.
Beti izan duzue harreman oso estua euskal musika tradizionalarekin baina ukitu modernoago bat eman diozue. Hau da, beste dimentsio batera eraman duzue, zalantza gabe. Oso tradizio zaleak gara hemen baina zuen lanak harrera bikaina izan du. Espero zenuten?
Ez genuen holako harrera espero. Korrontzi sortutakoan, idatzita nituen abestiekin disko bat betetzeko eta Euskal Herritik kontzertu batzuk egitea pentsatu nuen, asko jota gure inguruko herrietara zabaldu, gauza lokalak. Baina zortea izan genuen Madrileko diskoetxearekin.
Ze plan duzue 2022rako?
Aurten birak izango ditugu, esaterako, Txekiar Errepublikan eta baita Euskal Herritik zehar. Hurrengo proiektuan ere lanean gaude, kantu bereziak egiten gaude eta disko bat ateratzeko gogoarekin gaude.
Partekatu
![](https://musikabulegoa.eus/wp-content/uploads/2023/04/trans.gif)
Hauek ere interesatuko zaizkizu
RTZ Kolektiboa, Iparhots egonaldi artistikoan
EKEk, Atabal aretoak, Kulturaz Kultur Kooperatibak eta Musika Bulegoak antolatzen duten Iparhots egonaldi artistikoaren programan parte hartzeko aukeratua izan da RTZ Kolektiboa. Baionako taldeak,…
Webinar: Musika Sustatzeko Dirulaguntzak 2024
Musika Bulegoak Eusko Jaurlaritzako Kultura eta Hizkuntza Politika Sailak kaleratutako 2024ko musika sustatzeko eta banatzeko dirulaguntzari buruzko webinar bat antolatu du. Online informazio-saio…
Musika Bulegoak Errotik dokumentalaren trailerra aurkeztu du
Iñigo Kintanak zuzendutako ikus-entzunezko proiektuak, Musika Bulegoak 2024ko otsailean Ekuatore Ginean antolatu zuen egoitza artistikoa erakusten du. Bertan, Gipuzkoako bi txalapartarik parte hartu…
2024/06/11Berriak,DeialdiaDeialdia amaitu da
Ireki da Iparhots egonaldi artistikoaren 2024ko deialdia
EKE-k, Atabal aretoak, Kulturaz Kultur Kooperatibak eta Musika Bulegoak 2023an martxan jarri zuten egonaldi artistikoen programak bigarren edizioa beteko du. Iparraldeko musika sortzaileei…
Musikaren Eguna: HOFE X 4:40 eta EIRE, zuzenean
Musikaren Europako Eguna dela eta, ekainaren 21ean, Musika Bulegoak HOFE X 4:40 eta EIRE taldeen kontzertua antolatu du. Bermeoko (Bizkaia) Kafe Antzokian izango da 21:00etan eta sarrera librea…