#GozatuMusikaZuzenean kanpainaren bigarren leloa plazaratu du Musika Bulegoak. Kasu honetan, “Zuzeneko musika, bizi duzuna soilik oroitu dezakezu” lemapean zuzeneko emanaldien garrantziaz ohartaraztea da kanpainaren helburua.
Jasan dugun pandemiak musikaren sektorean, beste askoren kasuan bezala, kontsumo aldaketak ekarri ditu. Sarreren aurresalmenten beherakada nabarmena da, zehazki %20 jeitsi da. Datu hau deigarria bezain kezkagarria da sektorearentzat. Erakundeak zuzeneko ikuskizunen beharraren ikusgaitasuna handitu eta artista ezberdinen jarraitzaileak zuzeneko emanaldiak kontsumitzera animatzeko jarri du abian #GozatuMusikaZuzenean kanpaina.
