Musika Bulegoak eta SGAE Fundazioak, Hazkundelab eta Musikatik AT programen barruan, doako bi jardunaldi antolatu dituzte musikaren sektoreko profesionalentzat, artistentzat eta industriako eragileentzat. Saioak irailaren 30ean eta urriaren 7an izango dira, 10:00etatik 14:00etara, La Perreran (Bilbo). Interesdunek bi jardunaldietako batera joan edo bietan parte hartu ahal izango dute, beren interesen eta prestasunaren arabera.

Helburua musika proiektuen nazioartekotzea bultzatzeko tresna praktikoak eskaintzea da, azokak prestatzetik hasi eta nazioarteko hedapen estrategia bat diseinatzeraino.

EGITARAUA

1. Saioa: Nola aprobetxatu ahalik eta gehien azoka profesionalak?

• • Data eta tokia: irailak 30 (10:00-14:00) – La Perrera (Bilbo)
  • Hizlaria: Erica Romero (@romishe / @rocanrollaproducciones / Erica Romero Pender, PhD | LinkedIn).
  • Hizkuntza: gaztelera

Nazioarteko azoka batera joateko plangintza egin behar da, denbora eta inbertsioa aukera erreal bihurtzeko. Saio honetan, edozein merkatu profesionaletako funtsezko hiru faseak landuko dira:

• • • Nola aukeratu azokak eta kontaktu egokienak
    • Pitching-a, materialak eta kontaktuen agenda prestatzea
    • Panel teknikoetara joatea, speedmeeting saioak optimizatzea eta networking-a aprobetxatzeko estrategiak
    • Ondorengo jarraipena, kontaktuak sendotzeko eta akordioak sortzeko

2. Saioa: Nazioartekotze estrategia eta baliabideak zure proiektuarentzako

• • Data eta tokia: urriak 7 (10:00-14:00) – La Perrera (Bilbo)
  • Hizlariak: Etxepare Euskal Institutuko musika arloko teknikaria eta Musika Bulegoko proiektu eta zerbitzuen teknikaria
  • Hizkuntza: euskara

Bigarren jardunaldian, musika proiektu bakoitzari egokitutako nazioartekotze plan bat nola diseinatu aztertuko da. Edukien artean, hauek nabarmentzen dira:

• • • • Proiektu baten nazioarteko potentzialaren diagnostikoa
      • Datuek eta joerak oinarri hartuta merkatua hautatzea
      • Nazioarteko azoketara joateko Musika Bulegoaren gida praktiko berriaren aurkezpena
      • Sektorerako laguntzak, funtsen eta dirulaguntza publikoen mapa (mugikortasun-programak)

Bi saioetarako izen-ematea doakoa da eta esteka honen bidez egin daiteke. Izena emateko epea irailaren 28ko 14:00ak arte egongo da zabalik.

Informazio gehiagorako: proiektuak@musikabulegoa.eus