Musika Bulegoak eta Musikarik, Tabakalerako Zinema eta Ikus-entzunezko Laborategiaren lankidetzarekin, doako prestakuntza-saio bat antolatu dute Euskal Herriko musika-interprete eta artistentzat, Hazkundelab programaren barruan. Saioa azaroaren 24an izango da, 16:00etatik 20:00etara, Tabakalerako Zinema eta Ikus-entzunezko Laborategian (Donostia).

Helburua ikus-entzunezko proiektuetan musika-eskubideak ulertzeko eta kudeatzeko tresna praktikoak eskaintzea da, kontratuak aztertuz, arriskuak dituzten klausulak identifikatuz eta negoziazioetan norberaren interesak babesteko estrategiak landuz.

EGITARAUA

• Izenburua: Musika eta ikus-entzunezkoak: eskubideak, kontratuak eta negoziazioa
• Data eta tokia: azaroak 24 (16:00-20:00) – Tabakalera (Donostia)
• Hizlaria: Mercedes Cebrián
• Hizkuntza: gaztelania

Saioan, besteak beste, honako gaiak landuko dira:

• Musika-eskubideen kudeaketa: ikus-entzunezko proiektuetan tartean dauden eskubideak eta haien alderdi juridiko eta ekonomikoak.
• Sinkronizazio-kontratuak eta enkarguz sortutako soinu-bandak: kontratuetako klausula nagusiak eta sinatu aurretik kontuan hartu beharreko alderdiak.
• Benetako kontratuen azterketa: arriskuak dituzten klausulak identifikatzea eta negoziaziorako alternatibak lantzea.
• Kontsulta teknikoa: parte-hartzaileen zalantzak argitzeko eta benetako kasuak aztertzeko tartea.

Parte-hartzea doakoa da. Izen-ematea azaroaren 20ko 14:00ak arte egongo da zabalik, esteka honen bidez

Informazio gehiagorako: proiektuak@musikabulegoa.eus