2016ko ‘Proiektu Poltsa’-rako deialdia
Partekatu
Euskal Herriko Musika Bulegoak aurten burutuko duen ekimen garrantzitsuenetako baten berri eman nahi dizue; ‘Proiektu Poltsa’: ‘Proiektu Poltsa’-k EHMBE elkartearentzat ikuspegi berri suposatzen du Euskal Herriko musikaren jarduera paraleloak babesteko orduan, babes hau berdefinitu eta hobetzeari begira. EHMBE-k Poltsa honetan bilduko diren proposamen batzuk kontratatzeko bere aurrekontu zati handi bat erabiliko du aurten. Beraz, deialdia arretaz irakurri eta proiektuak aurkezteko gonbitea luzatu nahi dizuegu.
EHMBE-Euskal Herriko Musika Bulego Elkarteak, bere helburuak betetze aldera, hainbat ekintza bultzatu eta babestu zituen iaz gure musika-jardueraren inguruko prestakuntzari, sentsibilizazioari eta sustapenari begira. Sektoreko eragileek berek antolatu zituzten ekintza horiek.
Musika Bulegoak jarduera gehiago sustatu eta ahalbidetu nahi ditu helburu horiekin, baina ‘Proiektu Poltsa’ izena eman diogun beste eredu baten bidez. Eredu berriari esker, jarduera-proposamenez osatutako katalogo iraunkorra eduki nahi du; horrela, proposamen horien egileekin kontratatuko ditu jarduerak, betiere Elkartearen helburuen, unean uneko planen eta baliabideen arabera.
Horretarako, eragile interesatuek Musika Bulegoari urtean zehar gauza daitezkeen proiektuak eta jarduerak proposatzeko bidea ireki nahi du Elkarteak deialdi honen bidez, direla unean uneko proiektuak, direla kanpaina edo ekitaldi jakin batzuen esparruan gauzatu beharrekoak. ‘Jarduera-ardatz’ hauen esparruan gauzatuko da hori guztia: 3.a.-Etengabeko Prestakuntza, 4.a.-Sentsibilizazioa eta 5.a.-Sustapena eta zabalkundea; eta Urteko Planaren “Euskal Herriko jarduerak” blokearen barruan ”.
Informazio guzti hau atxikitutako deialdian topatuko duzue, baita parte harzteko baldintzak eta erak. Proiektuak aurkezteko epea maiatzaren 20an zabalduko da, azken eguna ekainaren 20a izango delarik (hau barne). Zuen ideiak aurkezteko animatu nahi zaituztegu.
Hemen duzue deialdia eta ‘Proiektu Poltsa’-n zuen ideiak edo proiektuak aurkezteko bete beharreko eskaera fitxa.
Edozein zalantza argitzeko edota zuen proposamenak helarazteko idatzi helbide honetara: idazkaritza@test.nuco.es
Euskal Herriko Musika Bulego Elkartea.
Partekatu
![](https://musikabulegoa.eus/wp-content/uploads/2023/04/trans.gif)
Hauek ere interesatuko zaizkizu
2024/07/03Nazioartekotzea,DeialdiaDeialdia abian da
Musika Bulegoak Vic-en ospatuko den Mercat de Música Viva azoka profesionalean antolatuko dituen Pitch saioetan parte hartzeko deialdia ireki du
Musika Bulegoak, Mercat de Música Viva de Vic-ekin lankidetzan, bere bazkideei zuzendutako pitching saioak antolatuko ditu nazioarteko musika azokaren 36. edizioan. BASQUE. MUSIC.-en markapean…
2024/07/01Sorkuntzan,DeialdiaDeialdia amaitu da
MIL Lisboan egonaldi artistiko bat egiteko deialdia
Musika Bulegoak, MIL Lisboa jaialdiarekin elkarlanean, egonaldi artistiko bat antolatu du Euskal Herriko musika sortzaileentzat (musika elektronikoa, instrumentala, pop, rock, indie, etab.). Egonaldi…
2024/06/11Berriak,DeialdiaDeialdia amaitu da
Ireki da Iparhots egonaldi artistikoaren 2024ko deialdia
EKE-k, Atabal aretoak, Kulturaz Kultur Kooperatibak eta Musika Bulegoak 2023an martxan jarri zuten egonaldi artistikoen programak bigarren edizioa beteko du. Iparraldeko musika sortzaileei…
2024/06/04Berriak,DeialdiaDeialdia abian da
Eurosonic jaialdiaren 2025eko edizioan parte hartzeko deialdia zabalik
ESNSko antolakuntzak showcase emanaldietan parte hartzeko deialdia ireki du. Europako musika jaialdi garrantzitsuenetakoa da Eurosonic eta bertan parte hartzeko deialdia irailaren 1era arte egongo da…
2024/05/21Berriak,DeialdiaDeialdia amaitu da
Basque. Music. at BIME BILBAO 2024: Euskal Herriko musika taldeei eta artistei zuzendutako deialdia.
2024ko urriaren 29tik azaroaren 1era ospatuko da BIME BILBAO nazioarteko musika topaketaren hurrengo edizioa. BASQUE. MUSIC.-ek, BIMErekin elkarlanean, euskal musikariei eta taldeei zuzendutako…