Artisten eta musikako profesionalen eskubide digitalei buruzko webinar informatiboa

Musika Bulegoak webinar bat antolatu du bere bazkideentzat, artistek eta musikako profesionalek ingurune digitalaren erabiltzaile gisa dituzten eskubideen inguruan. Hauen erabilera, kudeaketa eta jabetza, eta horietatik lor daitekeen aprobetxamendu ekonomiko legitimoa izango dira aipagai.

Topaketa 2022ko irailaren 21ean izango da 16:00etan, Sympathy For The Lawyer-en eskutik.

Mintegi honetan hainbat galderari erantzuna emango zaie modu praktikoan. Hala nola, zer eskubide sortzen ditut ingurune digitalarekin dudan interakzioaren bidez? Nor da eskubide horien jabea? Edota zer erabilera izan ditzake? Hildo honetan, musika sortzaileen interes legitimoak zeintzuk diren argitzea izango da helburua.

Parte hartzeko interesa duen orok galdetegi honen bidez eman beharko du izena.