IZAKI GARDENAK, YELLOW BIG MACHINE ETA EXNOVIOS TALDEEK MONKEY WEEK JAIALDIAN PARTE HARTUKO DUTE ‘BASQUE MUSIC’ EGITASMOARI ESKER
Partekatu
“Basque Music” osatzen duten erakundeen (Euskal Herriko Musika Bulegoa, Etxepare Institutua eta Euskadiko Soinuak – Eusko Jaurlaritza) eta Monkey Week jaialdiaren arteko hitzarmenari esker, jaialdiaren aurtengo edizioan −Sevillan egingo da, lehen aldiz− beste hiru euskal taldek hainbat agerlekutan jarduteko aukera izango dute, urriaren 14an eta 15ean.
“Basque Music” izendapenaren babespean parte hartuko duten hiru taldeak Izaki Gardenak, Yellow Big Machine eta ExNovios dira, musika-estilo desberdinak dituzten etorkizun handiko hiru talde. Jarraian, beren musikari buruzko definizioak gehitu ditugu, sare sozialetako beren profiletan jarritakoak.
ExNovios: Beste talde batzuetatik gatozen Iruñeko lau lagun gara. Talde horiek −karatekas, los jambos, muy fellini edo almanaque zaragozano− rock-and-roll, garage edo pop pertsonalagoan oinarritzen ziren. Baina egun batean, pop klasikoenak gugan izan duen eraginetik abiatuz musika sortzen saiatzeko helburuarekin elkartzea erabaki genuen. Honako hauen eragina izan dugu: Ronettes edo Crystals taldeen riff-ak, Byrds taldeko Roger McGuinn-en hamabi haritako gitarrak, Beatles-en soinurik garratzenaren adibide den Tomorrow Never Knows abestia eta abar; hori guztia gure beste pasio bat alde batera utzi gabe, velvet underground drogatuena eta Spacemen 3 edo J. Spaceman, edo Sonic Boom-aren berraragiztatze oro.
Erronka izugarria zen, eta, jakina, emaitza entzunda, ez dugula lortu esan genezake, ez guztiz behintzat… BAINA GOGOKO DUGU.
Izaki Gardenak: Izaki Gardenak 2012. urtean Jon Basagurenek bakarkako abestiei forma emateko sorturiko taldea da. Urte bereko irailean Iñaki Llarenaren estudioan bost abesti grabatu genituen, gerora Oihuka diskoetxeak argitaratutako “Itsasargiak” diskoan agertu zirenak.
2013ko udan Donostiako Elkar estudioetan sartu ginen, “Amaieratik hasi” izeneko gure aurreneko lan luzea grabatzeko. Urte hartako urrian argitaratu zen diskoa.
2015ean “Aurri gara” lana argitaratu dugu, kritika bikainak jasoz.
Yellow Big Machine: Bilboren izaera industriala, euria eta profila ezin dira kristalezko dorre edo arkitektura ospetsuen atzean ezkutatu. Horregatik, underground horretatik, Yellow Big Machine sortu da mezu bat helarazteko helburuarekin, baina Beatles taldearen kasuan ez bezala, mezua ez da bakeari eta maitasunari buruzkoa, distortsioari, partxeei eta makil apurtuei buruzkoa baizik; gainera, riff-ak ezinezko melodia bokalekin nahasten dira.
Fugazik Pavement bortxatzen du, eta gure belarriek gustuko dute. Horrelako seme bat, gu errekrutatu eta guztiz liluratuta uzteko helburua duen Yellow Big Machine izeneko altzairuzko urpeko ontzi hori bat, Bilbokoa bakarrik izan zitekeen.
Partekatu
Hauek ere interesatuko zaizkizu
2024/04/08Nazioartekotzea,MB Nazioartekotzea,Berriak
Izaro BIME Bogotan, BASQUE. MUSIC.-en eskutik
BIME Bogota azokaren hurrengo edizioa 2024ko maiatzaren 8tik 11ra egingo da. Izarok BASQUE. MUSIC. plataformak antolatutako showcase-ean parte hartuko du. Musika Industriaren Nazioarteko BIME…
2023/12/14Nazioartekotzea,DeialdiaDeialdia amaitu da
Basque. Music. BIME Bogota 2024n: Euskal Herriko artista eta taldeei zuzendutako deialdia
Basque. Music.-ek eta BIMEk euskal talde edo bakarlari batek BIME Bogotá musika azoka profesionalaren hirugarren edizioan parte hartzeko deialdi bat abiatu dute. Deialdi honetan parte hartzeko…
BIME x Stereorocks club 2023: Celia Carrera, Hugo eta Paul Larrozea
Celia Carrera, Hugo eta Paul Larrozea musika elektronikoko artistak hautatuak izan dira BIME x Stereorocks Club ekimenaren bigarren edizioan parte hartzeko. Lehengo urteko arrakastaren ondoren, BIMEk…
Basque. Music. at BIME Live 2023: NHIL, STR & Divorce From New York
Nhil, STR eta Divorce From New York taldeak hautatuak izan dira BASQUE. MUSIC. -ek BIME LIVE-en hurrengo edizioan antolatuko dituen showcases saioetan parte hartzeko (2023ko urriaren 25etik 28ra).…
Basque. Music. at Womex 2023: Neomak
Womex, munduko musika-profesionalen bilerarik garrantzitsuenaren 29. edizioa A Coruñan burutuko da urriaren 25etik 29ra. Jaialdi honetan, 45 herrialdetako 40 artista baina gehiagok hartuko dute parte…