Merina Gris-ek Musika Bulegoak antolatutako egonaldian sortutako kantua aurkeztu du.

“Origami” kantak ezohiko egitura du, pop-aren eskemak zalantzan jartzen dituen arren, haren kodeetan mintzatzen baita. Upbeat-agoa da oraingoan, baina neurritsuagoa da eztanda eta amaiera arte egon beharko dugu haren zain. UK Garagearen eragina du beat-ak, eta inoiz baino soinu organiko gehiago sartu dira, taldeak berak grabatu eta sampleatuak: mahaiaren kontra talka egiten duten objektuen hotsak, lagunarteko barreak, Herbehereetako semaforoen zarata eta baita Merina Grisek asko miresten duen artista baten sampleak ere.

Horrez gain, sintetizadore analogiko vintageak erabili dituzte, hala nola Korg PS-3010 mitikoa (halako musika-tresnak erabiltzeko aukera Rotterdameko Worm Sound Studios-en izan zuen bandak, 2022ko abenduan, Musika Bulegoaren eskutik egonaldi artistiko bat egin zuenean (irakurri berria) . Sararen ahotsa hara-hona dabil estrofen artean, inoiz baino lasaiago, hurrenez hurren aldizkatuz etsipena, onarpena eta arindua. Kantaren ekoizpena taldeak hartu du beregain behin berriz ere, JEWLN ekoizle eta taldekidea ibili delarik buru. Nahasketaz Ed Is Dead arduratu da, Madrileko Fashion Beat Team estudioetan.