Musika Bulegoa Sariak 2024rako proposamenak bidaltzeko epea zabalik
Partekatu
Euskal Herriko Musika Bulego Elkarteak (EHMBE), Musika Bulegoa sarien 8. edizioa jarri du abian, eta Nafarroara itzuliko da aurten gala. Gaur hasi eta 2024ko otsailaren 2ra arte zabalik egongo da euskal musika eszenako eragileek beren proiektuak aurkeztu ahal izateko deialdia. Aurtengo sari banaketa maiatzaren 15ean izango da, Iruñeako Zentral aretoan.
Musika Bulegoa Sarien edizio berri honen helburuetako bat euskal musikaren sektoreari balioa ematea da. Baita artisten sorkuntza sustatu, haien lana ezagutzera eman eta erakuslehio izatea ere. Azken finean, Musika Bulegoak bultzatutako ekimen honen helburua Euska Herrian sortu eta ekoitzitako musikaren kalitatea eta euskal musikarien eta euskal musikaren sektoreko eragileen jarduera aitortzea da.
Sari hauen xedea, egindako musika lanak balioan jarri eta euskal kulturari egindako ekarpena nabarmentzea da. Horregatik, ez dago inolako kategorizaziorik, beste lehiaketa batzuetan ez bezala.
MB Sariak 2024
Kultura arloko profesionalen epaimahai batek, musikariek, kazetariek, musika programatzaileek eta hezkuntza mundutik datozen pertsonek osatua, aurkeztutako proposamenak baloratuko ditu eta 11 sarituetatik 8 aukeratuko ditu. Aurreko edizioetan bezala, Euskal Herriko Musika Bulego Elkarteko (EHMBE) zuzendaritza-batzordeak sari berezi bat emango dio Euskal Herriko musika-jarduerarekin zerikusia duen pertsona edo erakunde bati, prestakuntza, sentsibilizazioa edo zabalkundea bezalako arloetan proiektu aipagarri bat garatzeagatik.
Etxepare Euskal Institutuak beste sari bat emango du. Kasu honetan artista edo prestakuntza batek euskal musika gure mugetatik kanpo zabaltzeko egindako lana aitortu nahi da.
Aurtengo berrikuntza nagusia Publikoaren Saria da, sarituen zerrendaren azken emaitzan eragina izango duena. Epaimahaiak egingo duen lehenengo hautaketatik aurrera, bozketa irekiko da, publikoak bere artista gogokoena aukera dezan, elkartearen webgunearen eta sare sozialen bidez. Ekimen honen helburua euskal artisten talentua gozatzen eta baloratzen duten pertsona guztiei ahotsa ematea da.
Hautagaitzen aurkezpena
Euskal Herriko musika sektorean lan egiten duen edonork aurkez dezake Musika Bulegoa Sariak 2024rako hautagaitza. Horretarako, web orri honetan izena eman beharko da epearen barruan, hau da, 2023ko abenduaren 19tik 2024ko otsailaren 2ra.
Euskaraz egindako lanek edo sorkuntzek balio erantsia izango dute, nahiz eta sorkuntza instrumentalak edo beste hizkuntza batzuetan egindakoak ere aurkez daitezkeen. Betiere, edozein euskal musikarik sortu edo interpretatzen baditu, musika generoa edozein dela ere. Hori bai, lanak 2023ko urtarrilaren 1etik 2023ko abenduaren 31ra bitartean aurkeztuak izan beharko dira jendaurrean.
Besteak beste, Zea Mays, Izaro, Su Ta Gar, Chill Mafia, Gabriel Erkoreka konpositore eta pianista, Kepa Junkera, Teresa Catalán konpositore nafarra, Bilboko Kafe Antzokia edo Eresbil Musikaren Artxiboa izan dira sarituak aurreko edizioetan.
Sariak banatzeko ekitaldia Nafarroara itzuliko da zortzigarren edizioan. Iaz Gipuzkoan izan ondoren, 2024an Iruñeako Zentral aretoan ospatuko da euskal musikaren jaia. Aurtengo edizioak Eusko Jaurlaritzako Kultura eta Hizkuntza Politika Sailaren, Bizkaiko Foru Aldundiaren, Gipuzkoako Foru Aldundiaren, LABORAL Kutxaren, Etxepare Euskal Institutuaren, Sympathy For The Lawyer abokatu-bulegoaren eta Zentral aretoaren babesa du.
Partekatu
![](https://musikabulegoa.eus/wp-content/uploads/2023/04/trans.gif)
Hauek ere interesatuko zaizkizu
2024/07/03Nazioartekotzea,DeialdiaDeialdia abian da
Musika Bulegoak Vic-en ospatuko den Mercat de Música Viva azoka profesionalean antolatuko dituen Pitch saioetan parte hartzeko deialdia ireki du
Musika Bulegoak, Mercat de Música Viva de Vic-ekin lankidetzan, bere bazkideei zuzendutako pitching saioak antolatuko ditu nazioarteko musika azokaren 36. edizioan. BASQUE. MUSIC.-en markapean…
2024/07/01Sorkuntzan,DeialdiaDeialdia amaitu da
MIL Lisboan egonaldi artistiko bat egiteko deialdia
Musika Bulegoak, MIL Lisboa jaialdiarekin elkarlanean, egonaldi artistiko bat antolatu du Euskal Herriko musika sortzaileentzat (musika elektronikoa, instrumentala, pop, rock, indie, etab.). Egonaldi…
2024/06/11Berriak,DeialdiaDeialdia amaitu da
Ireki da Iparhots egonaldi artistikoaren 2024ko deialdia
EKE-k, Atabal aretoak, Kulturaz Kultur Kooperatibak eta Musika Bulegoak 2023an martxan jarri zuten egonaldi artistikoen programak bigarren edizioa beteko du. Iparraldeko musika sortzaileei…
2024/06/04Deialdia,BerriakDeialdia abian da
Eurosonic jaialdiaren 2025eko edizioan parte hartzeko deialdia zabalik
ESNSko antolakuntzak showcase emanaldietan parte hartzeko deialdia ireki du. Europako musika jaialdi garrantzitsuenetakoa da Eurosonic eta bertan parte hartzeko deialdia irailaren 1era arte egongo da…
2024/05/21Berriak,DeialdiaDeialdia amaitu da
Basque. Music. at BIME BILBAO 2024: Euskal Herriko musika taldeei eta artistei zuzendutako deialdia.
2024ko urriaren 29tik azaroaren 1era ospatuko da BIME BILBAO nazioarteko musika topaketaren hurrengo edizioa. BASQUE. MUSIC.-ek, BIMErekin elkarlanean, euskal musikariei eta taldeei zuzendutako…