MUST+PROk euskal musikaren industriarako topagune profesional gisa duen zeregina sendotu du, Estatuko zirkuituko 19 programatzaile eta eragile nabarmenen parte-hartzearekin: Artistas en Ruta (AIE), Cooperativa Ítaca - Producciones Vistabella (Murtzia), Aloud Music (Bartzelona), Sala López (Zaragoza), Fotomatón (Madril), Sala El Terra (Castelló de la Plana), Parlako Udala, All Nighters (Madril), Taller de Músics (Bartzelona), Marula Café (Bartzelona), Musikbox (Menorca), Poborina Folk (Teruel), Silikona (Madril), Intacta Music (Bartzelona), Buenritmo (Bartzelona), Jaspir (Saint-Jean-de-Bournay), La Cochera Cabaret (Malaga) La Nau (Bartzelona) eta La Lata de Bombillas (Zaragoza). Euskal Herritik kanpoko programatzaileez gain, Euskal Herriko musika programatzaileak ere izango dira, kontratazio eta konexio aukerak biderkatuz.
Profesional hauek ekitaldiko espazio desberdinetan parte hartuko dute (pitchingak, showcaseak eta speedmeetingak), eta sektoreko eragileen arteko konexiorako benetako aukerak sortuko dituzte.
Hitzordua aukera estrategikoa da networking-erako eta musikaren industrian aliantza berriak sortzeko. Akreditazio profesionalak eskuragarri daude jada parte hartu nahi dutenentzat eta topaketarako gune hau ahalik eta gehien aprobetxatu nahi dutenentzat.
