Musika Bulegoak Must +PROren hirugarren edizioko programazioan parte hartuko duten musika-proposamenak hautatzeko deialdia ireki du. Must +PRO Euskal Herriko musika sektoreko profesionalentzako urteko topagunea da. Must +PRO 2027: LIVE & Sarean deialdiak zuzeneko aurkezpeneko bi modalitate biltzen ditu, formatu, ordutegi eta publiko desberdinekin. Artistek eta taldeek modalitate batera edo bietara aurkeztu ahal izango dute beren proposamenak, kontuan hartuta proposamen bera ezingo dela bi modalitateetan hautatua izan. Modalitateak Must +PRO Live Zuzeneko 30 minutuko showcase-a eskainiko dituzte eta gehienez 16 musika-proposamen hautatuko dira, sektoreko profesionalei eta publiko orokorrari zuzenduta. Showcase-ak BASQUE. MUSIC. markaren pean egingo dira. BASQUE. MUSIC. Euskal Herriko musika-sorkuntza eta industria nazioartekotzeko plataforma da, Eusko Jaurlaritzak, Etxepare Euskal Institutuak eta Musika Bulegoak lankidetzan garatutako ekimen publiko-pribatua. Kontzertuak 2027ko martxoaren 17an eta 18an izango dira, arratsaldez, Gasteizko erreferentziazko hiru aretotan: Arkabia, Izaskun Arrue Kulturgunea eta Jimmy Jazz. Izen-ematea esteka honetan Must +PRO Sarean Euskadiko Antzokien Sareko (SAREA) programatzaileen aurrean 10 minutuko zuzeneko aurkezpenak egingo dituzten 8 musika-proposamen hautatuko dira. Aurkezpenak martxoaren 17an izango dira, goizez, Gasteizko Europa Jauregian, eta ondoren, networking saio bat egingo da. Izen-ematea esteka honetan Izena emateko epea Proposamenak aurkezteko epea 2026ko abenduaren 11an amaituko da, 14:00etan. Hautatutako proposamenak 2027ko urtarrilean zehar jakinaraziko dira. Parte hartzeko, izena emateko formularioa bete eta deialdiaren oinarriak onartu beharko dira.

Musika Bulegoak eta Gerediaga Elkarteak DA! PROren zortzigarren edizioan musika-programazioko profesional gisa parte hartzeko izen-ematea ireki dute. Topaketa azaroaren 26an egingo da, Durangoko Azokaren barruan. DA! PROren helburua musika-programazioko profesionalak artistekin eta musika-proiektuekin harremanetan jartzea da, euskarazko proposamen berriak ezagutarazteko eta musikaren sektoreko harreman profesionalak sustatzeko. Data eta lekua 2026ko azaroaren 26an, 9:00etatik 14:00etara, San Agustin Kulturgunean. Topaketaren formatua Hamar musika-proiektuk 10 minutuko aurkezpenak egingo dituzte programazioko profesionalen aurrean. Bertaratzen direnek aurkeztutako proiektuei buruzko informazioa jasotzen duen lan-koaderno bat izango dute, eta atsedenaldian zein aurkezpenak amaitzean proiektuen arduradunekin harreman zuzena izateko aukera izango dute. Aurkezpen guztiak euskaraz egingo dira. Atsedenaldian kafea eskainiko da, eta topaketa amaitzean lunch txiki bat egingo da. Nori zuzenduta dago? Kultur kudeaketako eta programazioko profesionalei, sustatzaileei, jaialdietako arduradunei eta areto, antzoki zein bestelako espazioetako arduradunei zuzenduta dago, beren programazioetan euskarazko musika-proposamen berriak txertatu nahi dituztenei, hain zuzen. Izen-emateko epea 2026ko urriaren 19tik azaroaren 23ra. Musika-programazioko profesionalentzako izen-ematea: Eman izena hemen Informazio gehiago: proiektuak@musikabulegoa.eus.