Gazte Talent 2026 lehiaketaren deialdia zabalik dago, 14 eta 35 urte bitarteko musika talde eta bakarlarientzat. Izena emateko epea: azaroaren 16ra arte. 14-24 urte: Gazte Talent saria, 1.000 € + Falerina lorategian jotzeko aukera. 25-35 urte: Laboral Kutxa saria, 1.000 € + Falerina lorategian jotzeko aukera. Finalista taldeek: 200 € jasoko dituzte. Euskara Accésit-a: 500 € + erresidentzia artistikoa eta mentoretza IAK Kulturgunean. Emakumeen presentzia Accésit-a: 500 € + San Prudentzioko jaietan Armentian kontzertua. Jimmy Jazz Egoitza Artistikoa: mentoretza teknikoa eta produkzio-lanketa.   Informazioa eta izen-ematea

Getxoko Udalak laguntza-deialdi bat ireki du enpresarien eta profesionalen elkarteei eta federazioei zuzenduta, sektore estrategikoen dinamizazioa eta profesionalizazioa sustatzeko jarduerak bultzatzeko. Deialdia interesgarria izan daiteke musikaren industriari lotutako erakunde eta elkarteentzat, baldin eta Getxon jardunaldiak, topaketa profesionalak, hitzaldiak, mintegiak, tailerrak edo bestelako jarduerak antolatzen badituzte, sektorearen profesionalizazioa eta dinamizazioa sustatzeko. Jarduerak Getxoko udalerrian egin beharko dira, tokiko profesional eta enpresen parte-hartzeari lehentasuna emanez. Eskaerak aurkezteko epea: 2026ko irailaren 18tik urriaren 9ra. Kontsultatu deialdia, baldintzak eta beharrezko dokumentazioa

Classical: NEXT musika klasikoaren eta garaikidearen sektoreko nazioarteko erreferentziazko azoka, 2027ko edizioan hainbat jardueretan parte hartzeko deialdia zabaldu du: Showcaseak: bakarlariek edo formatu txikiko taldeek beren proiektua aurkezteko formatu ezin hobea. Musika kultuaren esparru osoan ikuspegi berritzailea duten proiektuak bilatzen dira, antzinako eta musika historikotik hasi eta praktika garaikide, esperimental eta indie-klasikoetaraino. Club Showcaseak: proiektuak beste giro batean, klub-giroan, aurkezteko aukera ematen duen formatua. Bakarlarien, ensemble txikien eta DJen proposamenak onartzen dira. Oro har, showcase hauek azokako gaueko programazioan txertatuko dira, Katowiceko City of Gardens espazioan. Hitzaldiak: azokako ardatz nagusietako bat den hitzaldien programan parte hartzeko deialdia zabaldu da. Classical: NEXT-ek hainbat gai eta formatutako proposamenak bilatzen ditu, eztabaida, elkarrizketa eta hausnarketarako espazio berriak sortzeko. Pitch saioak: Classical:NEXTek proiektuak modu azkar eta arinean aurkezteko aukera eskaintzen du, proposamen eta sorkuntza berriak bilatzen dituzten profesionalekin konektatzeko. Deialdi honen helburuetako bat lankidetza eta formatu berrien etengabeko bilaketa bultzatzea da. Aurkezpen bakoitzak bederatzi minutuko iraupena izango da.   Azoka 2027ko maiatzaren 11tik 14ra ospatuko da, Katowicen, Polonian. Musika klasikoaren eta garaikidearen esparruko nazioarteko profesionalen topagune nagusietako bat da. Proposamenak aurkezteko epea 2026ko urriaren 9an amaituko da.  Esteka honetan duzu zure proposamena aurkezteko behar duzun informazio guztia.  

Katapulta Plataformak "Hilabeteko Artista" ekimenean parte hartzeko deialdi iraunkia jarri du abian, Gipuzkoako eta Euskal Herri osoko sortzaileei zuzenduta. Ekimenaren helburua artista berriei ikusgarritasuna ematea eta haien lana zabaltzea da. Parte hartzeko, interesdunek @katapultabw kontua jarraitu, euren lana erakusten duen argitalpen bat partekatu (berria edo lehendik argitaratutakoa), Katapulta aipatu eta etiketatu, eta #ArtistaKatapulta traola erabili behar dute. Aukeran, dosierra info@katapulta.org helbidera ere bidal daiteke. Deialdia urte osoan egongo da zabalik, eta jasotako proposamenak hilero aztertuko dira. Informazio gehiago esteka honetan.