Urriaren 14tik 18ra Ontarion (Kanada) ospatuko den Folk Canada Conference jaialdiaren hurrengo edizioan showcase formatuan arituko den Euskal Herriko artista edo talde bat hautatzeko deialdia ireki du BASQUE.MUSIC.-ek. Deialdia folk, world music eta erroko musikari lotutako proposamenei zuzenduta dago. Topaketako batzorde artistikoaren esku egongo da hautaketa. BASQUE. MUSIC.-ek hautatutako musikari edo taldearen bidaia- eta dieta-gastuak bere gain hartuko ditu, betiere 2026ko bidaia-baldintzak kontuan hartuta. Hautatutako proposamenak deidaldian parte hartzeko ezarritako irizpideak eta baldintzak bete beharko ditu. Showcase-etan parte hartuko duen artistaren izena irailean iragarriko da. Bestalde, Folk Canada Conference-k showcase-a garatzeko behar den ekipamendu teknikoa (oinarrizko backline-a) jarriko du artisten eskura. Izena emateko epea uztailaren 22ko 24:00ak arte egongo da zabalik. Eskaerak esteka honen bidez aurkeztu beharko dira. Showcasez gain, topaketak musika sektoreko profesionalei zuzendutako hainbat jarduera hartuko ditu, ezagutzak elkartrukatzea, sareak sortzea eta negozio aukera berriak bultzatuz.   Folk Canada Conference-ri buruz 1986tik aurrera, Folk Canada Conferece folk musikaren Kanadako sarearen topaketa profesional nagusia da. Artistak, programatzaileak, jaialdiak eta sektoreko eragileak biltzen ditu, eta plataforma bat eskaintzen du parte hartzen duten proposamenen nazioarteko proiekzioa bultzatzeko. Ekitaldian antolatutako showcasek aretoetako eta jaialdietako programatzaileei sarbidea ematen diete, eta Kanadan kontzertuak eta birak kontratatzeko aukerak sortzen dituzte.   BASQUE. MUSIC. BASQUE. MUSIC Euskal Herriko musika sorkuntza eta industria nazioartekotzeko plataforma da; Eusko Jaurlaritzak, Etxepare Euskal Institutuak eta Musika Bulegoak lankidetzan garatutako ekimen publiko-pribatua.

2026ko urriaren 27tik 30era Bilbon egingo den BIME Bilbao nazioarteko azoka profesionalean parte hartzeko deialdia ireki du BASQUE. MUSIC.-ek. BIME Bilboko lantalde artistikoak hiru musika proposamen aukeratuko ditu, ekitaldiaren programazioaren barruan showcase bat eskaintzeko aukera izango dutenak. BASQUE. MUSIC.-ek hautatutako musikari edo taldeen bidaia- eta dieta-gastuak bere gain hartuko ditu, betiere 2026ko bidaia-baldintzak kontuan hartuta. Hautatutako proposamenek deidaldian parte hartzeko ezarritako irizpideak eta baldintzak bete beharko dituzte. Showcase-etan parte hartuko duten artisten izenak irailean iragarriko dira. Bestalde, BIME Bilbaok showcase-ak garatzeko behar den ekipamendu teknikoa (oinarrizko backline-a) jarriko du artisten eskura. Izena emateko epea uztailaren 15eko 24:00a arte egongo da zabalik. Eskaerak esteka honen bidez aurkeztu beharko dira. Showcase-z gain, musika sektoreko profesionalei zuzendutako hainbat jarduera hartuko ditu azokak, ezagutzak trukatzeko, sareak sortzeko eta negozio aukera berriak bultzatzeko.   BASQUE. MUSIC. BASQUE. MUSIC Euskal Herriko musika sorkuntza eta industria nazioartekotzeko plataforma da; Eusko Jaurlaritzak, Etxepare Euskal Institutuak eta Musika Bulegoak lankidetzan garatutako ekimen publiko-pribatua.